完整藏文原文 · 德格版页 当前仅加载第 77 函德格 252b 版页；藏文 NFD、目录标记与异常页序保留在来源切片中，重复版页行以稳定序号区分。
དཔའ་བོས་ཐམས་ཅད་མཉམ་སྦྱོར་བ། །མཁའ་འགྲོ་དྲ་བའི་བདེ་མཆོག་ཡིན། །ཕན་ཚུན་རྗེས་འགྲོ་ཐམས་ཅད་ཀྱི། །སྣ་ཚོགས་བརྡ་ནི་བཤད་པར་བྱ། །མཁའ་འགྲོ་མ་ཡི་མཚན་ཉིད་དང་། །ཕོ་ཉ་རྣམས་ཀྱི་མཚན་ཉིད་དག །སྒྲུབ་པ་པོ་ལ་ཕན་པའི་ཕྱིར། །དེ་དག་ཐམས་ཅད་
D369.077.0252b01.01བཤད་པར་བྱ། །རས་རིས་དང་ནི་སྐུ་གཟུགས་དག །འདྲི་ན་དེ་བཞིན་དམ་ཚིག་དང་། །སྐུ་མདོག་གི་ནི་ཁྱད་པར་གྱིས། །གང་གིས་སྒྲུབ་པ་པོ་འགྲུབ་པ། །སྣ་ཚོགས་སྔགས་ཀྱིས་མཛེས་པ་ཡི། །ཕུན་སུམ་ཚོགས་པའི་དཀྱིལ་འཁོར་དང་། །ལྷ་ཡི་དམ་ཚིག་ཡིད་འོང་བ། །
D369.077.0252b02.01རྣལ་འབྱོར་མ་ནི་སྣ་ཚོགས་མཆོག །དཔའ་བོ་སྣ་ཚོགས་ཡིད་འོང་བའི། །རྣལ་འབྱོར་མ་ནི་ཡང་དག་འདུས། །མཁའ་འགྲོ་མ་ཡང་ཡང་དག་འདུས། །རང་རིགས་སྣ་ཚོགས་མཆོག་དམ་པ། །བླ་མ་བརྒྱུད་པའི་བཀའ་བཞིན་དུ། །སློབ་མ་ལ་ནི་ཕན་པའི་ཕྱིར། །བདག་
D369.077.0252b03.01པོའི་ལས་ལ་ཤིན་ཏུ་མཁས། །སྔགས་དང་རྒྱུད་ལ་ལེགས་པར་བསླབས། །གཞན་ཡང་ཆོ་གའི་རིམ་པ་དང་། །མངོན་བརྗོད་བླ་མའི་ལས་ལ་མཁས། །ཕྱུགས་ཀྱི་མཚན་ཉིད་སྔགས་པས་རྟོག །སྣ་ཚོགས་རིགས་ཀྱི་ཁྱད་པར་དང་། །རྣལ་འབྱོར་མ་ཡི་སྤྱོད་པ་དང་། །མཁའ་
D369.077.0252b04.01འགྲོ་མ་ཡང་དེ་བཞིན་ཏེ། །ཕྱི་རོལ་མ་མོའི་ཕྱག་རྒྱ་དག །ཕག་མོ་ཡི་ནི་རིགས་ལས་བྱུང་། །དཔའ་བོ་ཀུན་གྱི་སྤྱོད་པ་དང་། །འཁོར་ལོའི་སྤྱོད་པ་ཤིན་ཏུ་བསླབས། །ཕྱི་ཡི་རྣལ་འབྱོར་དབང་ཕྱུག་གི། །མཚན་ཉིད་སྤྱོད་པ་དག་ལ་མཁས། །ཧེ་རུ་ཀ་དཔལ་རིགས་ལས་བྱུང་། །དགེ་བའི་
D369.077.0252b05.01སྤྱོད་པ་དག་ལ་བསླབས། །ཡུལ་གྱི་སྤྱོད་པའི་ཁྱད་པར་དང་། །སློབ་དཔོན་སྤྱོད་པ་དག་ལ་མཁས། །རྣལ་འབྱོར་མ་ཡི་རྒྱུད་སྤྱོད་དང་། །རྣལ་འབྱོར་རྒྱུད་ནི་རྒྱ་ཆེ་བ། །བྱ་བའི་རྒྱུད་ཀྱི་དབྱེ་བའི་རིམ། །ཐམས་ཅད་རྒྱུད་རྣམས་རྣམ་པར་ཤེས། །འགྲུབ་པའི་ལུང་དང་བསྟན་བཅོས་དང་། །
D369.077.0252b06.01མདོ་སྡེ་སྐྱེས་རབས་དེ་བཞིན་ཏེ། །བླ་ན་མེད་པའི་སྤྱོད་པ་དག །ཤེས་རབ་ཕ་རོལ་ཕྱིན་ལས་བྱུང་། །ཕྱི་རོལ་བསྟན་བཅོས་ཡོངས་ལ་མཁས། །ཕུན་སུམ་ཚོགས་པ་སློབ་དཔོན་མཆོག །སྦྱོར་བའི་སྒོམ་པར་ལྡན་པ་དང་། །ཡིད་གཉིས་མེད་པ་ཉིད་ཀྱིས་ནི། །བཟའ་བ་ཐམས་ཅད་བཟའ་
D369.077.0252b07.01