完整藏文原文 · 德格版页 当前仅加载第 77 函德格 350a 版页；藏文 NFD、目录标记与异常页序保留在来源切片中，重复版页行以稳定序号区分。
བསམ་གཏན་སེམས་པ་ཙམ་གྱིས་སམ། །ཀློག་ཅིང་འདོན་དང་བྲིས་པ་ཡིས། །མཐོ་རིས་ལོངས་སྤྱོད་འཐོབ་འགྱུར་བའམ། །ཡང་ན་འཁོར་ལོས་སྒྱུར་བ་འཐོབ། །རྣལ་འབྱོར་མ་རྣམས་འཕོ་བའི་ཚེ། །དཔལ་ལྡན་ཁྲག་འཐུང་སོགས་མཁའ་འགྲོ། །ལག་ན་
D369.077.0350a01.01མེ་ཏོག་སྣ་ཚོགས་ཐོགས། །རྒྱལ་མཚན་བ་དན་སྣ་ཚོགས་དང་། །རོལ་མོའི་སྒྲ་ནི་སྣ་ཚོགས་དང་། །སྣ་ཚོགས་གླུ་ཡི་མཆོད་པས་མཆོད། །འཆི་བ་ཞེས་བྱའི་རྣམ་རྟོག་འདི། །མཁའ་ལ་འགྲོ་བའི་གནས་སུ་འཁྱེར། །དེ་འདྲའི་དཔལ་ཆེན་རྣལ་འབྱོར་པ། །ས་སྟེངས་སུ་ནི་རྙེད་
D369.077.0350a02.01པར་དཀའ། །མངོན་པར་བརྗོད་པའི་རྒྱུད་བླ་མའི་བླ་མ་ལས་གསང་བའི་ཡི་གེ་སྐྱེད་ཅིང་སྒྲུབ་པའི་ལེའུ་སྟེ་ལྔ་བཅུ་རྩ་དྲུག་པའོ།། །།དེ་ནས་གཞན་ཡང་བཤད་བྱ་བ། །ཆོ་གའི་རིམ་བཞིན་སྔགས་བཏུ་བ། །གཅིག་ཏུ་དབེན་པའི་ས་ཕྱོགས་སུ། །མཁས་པས་ས་ནི་
D369.077.0350a03.01མཉམ་ནས་སུ། །བཤང་གཅི་ཡིས་ནི་བྱུག་པར་བྱ། །མ་ཧཱ་རཀྟ་བྱུགས་ནས་ཀྱང་། །བདག་ཉིད་ཧེ་རུ་ཀར་བྱས་ནས། །རིགས་ངན་ཤན་པ་མོ་བླངས་ནས། །མེ་ཏོག་ལ་སོགས་གདབ་པར་བྱ། །དཔའ་བོ་ཆེན་པོའི་བདུག་སྤོས་དབུལ། །ཞག་ལ་སོགས་པ་མར་མེ་སྦར། །ཅང་
D369.077.0350a04.01ཏེའུ་དྲིལ་བུ་བརྡུང་བར་བྱ། །གླུ་དང་གར་གྱིས་མཆོད་པར་བྱ། །ལྷ་ཡི་རོལ་མོའི་བྱེ་བྲག་དང་། །ཕྱོགས་ཀྱི་གོས་ཅན་སྐྲ་གྲོལ་བ། །ལུས་ནི་ཕྱག་རྒྱ་དྲུག་དང་ལྡན། །ཨཱ་ལི་ཀཱ་ལི་མཉམ་བྱས་ཏེ། །སྡེ་ཚན་ལ་ནི་ཐིམ་པར་བྱ། །བཞི་བཞི་རུ་ནི་ཤེས་བྱས་ལ། །ཐུབ་པའི་མཆོག་
D369.077.0350a05.01གིས་རྒྱས་པར་བྱ། །དེར་གནས་དཔའ་བོ་བཏུ་བར་བྱ། །དོན་འདོད་ཐམས་ཅད་གྲུབ་བྱེད་པ། །བཞི་པའི་ལྔ་པ་གང་ཡིན་དང་། །ལྔ་པ་ཡི་ཡང་ལྔ་པ་དང་། །ལྔ་པ་ཡི་ནི་བཞི་པ་དང་། །དང་པོའི་གསུམ་པ་གང་ཡིན་དང་། །དེ་བཞིན་ཉི་ཤུ་རྩ་དགུ་པ། །བཞི་པའི་དང་པོ་གང་ཡིན་
D369.077.0350a06.01དང་། །མཐར་གནས་པ་ཡི་བཞི་པ་དང་། །དེ་ཉིད་ཀྱི་ནི་གཉིས་པ་དང་། །སུམ་ཅུ་པ་ནི་ཡང་དག་བླང་། །ཉི་ཤུ་དྲུག་པ་ཉིད་དང་ནི། །དེ་བཞིན་བརྒྱ་ཡི་ཕྱེད་ཕྱེད་དང་། །དེ་ནས་སུམ་ཅུ་རྩ་གསུམ་དང་། །དང་པོའི་དང་པོ་ཉིད་དག་དང་། །མཐར་གནས་པ་ཡི་གསུམ་པ་
D369.077.0350a07.01