完整藏文原文 · 德格版页 当前仅加载第 77 函德格 252a 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ། །ཤེས་རབ་ཕ་རོལ་ཕྱིན་ལས་བྱུང་། །གཟུང་དང་འཛིན་པ་མི་དམིགས་པའི། །གཉིས་སུ་མེད་པ་ཉིད་ལ་གནས། །རྩེ་གཅིག་སེམས་ནི་བྱས་ནས་ཀྱང་། །བསྒོམ་པའི་སྤྱོད་པ་ལ་གནས་ན། །བདེ་ལ་དགའ་བའི་དངོས་གྲུབ་འགྱུར། །ཤེས་རབ་ཐབས་ཀྱི་ཆོ་
D369.077.0252a01.01གའི་རིམ། །ཕྱག་རྒྱ་ཆེ་དང་དེས་པར་རོལ། །སྒོམ་པ་མངོན་དུ་གྱུར་པ་ཡིས། །རྣམ་གྲོལ་སངས་རྒྱས་ཐམས་ཅད་ཀྱང་། །སྐྱེ་བ་འདི་ལ་དངོས་གྲུབ་འགྱུར། །གཡོན་པའི་སྤྱོད་པ་ཤེས་རབ་སྟེ། །གཡས་པ་དེ་བཞིན་ཐབས་ཡིན་ནོ། །སྒོམ་པར་ལྡན་པའི་མཐུ་སྟོབས་ནི། །
D369.077.0252a02.01སུམ་ཅུའི་དབང་ཕྱུག་ལ་དབང་བྱེད། །རྣལ་འབྱོར་མ་ནི་དངོས་གྲུབ་དང་། །གནོད་སྦྱིན་ཀླུ་ཡི་བུ་མོ་དང་། །གཞན་ཡང་སྣ་ཚོགས་དྲི་ཟ་མོ། །འདོད་པའི་ལོངས་སྤྱོད་དག་ལ་སྤྱོད། །དེ་ཉིད་གསང་བའི་མཆོག་གྱུར་པ། །ཨཱ་ལི་ཀཱ་ལི་རྟག་ཏུ་བསྒོམ། །རང་གི་ལྷ་ཡི་སྦྱོར་
D369.077.0252a03.01བ་ཡིས། །ཐམས་ཅད་དེ་བཞིན་རྣམས་པར་བརྟག །དཔའ་བོས་བརྡ་རྣམས་བསྟན་པ་ནི། །རྣལ་འབྱོར་པ་ཡི་ལག་གཡོན་གྱིས། །བརྡ་རྣམས་ལ་ནི་འཇུག་པར་བྱ། །དཔའ་བོའི་གནས་སུ་གྱུར་པ་འདི། །རྒྱུ་དང་མི་རྒྱུའི་འཇིག་རྟེན་གསུམ། །འགྲོ་ཀུན་གཡོན་ལས་བྱུང་བ་ཡིན། །
D369.077.0252a04.01རྡོ་རྗེ་སེམས་དཔའ་མཐེ་བོང་ཉིད། །མཛུབ་མོར་རྣམ་པར་སྣང་མཛད་བཞུགས། །གུང་མོར་པདྨ་གར་དབང་གནས། །སྲིན་ལག་དཔའ་བོ་དངོས་གྲུབ་ཅན། །ཐ་མ་ལ་ནི་མི་ཟད་སྐུ། །སེན་མོའི་ངོས་ལ་རྟ་མགྲིན་གནས། །གཡོན་པའི་རྒྱུ་ལས་བྱུང་བ་ནི། །དཔའ་བོ་ཐམས་ཅད་ཡིན་པར་
D369.077.0252a05.01བཤད། །ལག་མཐིལ་ཕོ་ཉ་འདུས་པའི་མཆོག །རྒྱབ་ཏུ་ཤིན་ཏུ་ངེས་བྱས་ཏེ། །བརྡ་ནི་ལྔ་པོ་བསྟན་པར་བྱ། །སྒྲུབ་པ་པོ་ཡིས་ཤེས་པར་གྱིས། །ས་ནི་སྤྱན་ཞེས་བྱ་བར་བཤད། །ཆུ་ཁམས་མཱ་མ་ཀཱི་རུ་བཤད། །མེ་ནི་གོས་དཀར་མོ་རུ་བཤད། །རླུང་ནི་སྒྲོལ་མ་དག་ཏུ་གྲགས། །
D369.077.0252a06.01འོ་བྱེད་མ་ནི་སྟོང་པ་སྟེ། །དེ་བཞིན་ཕ་རོལ་ཕྱིན་པ་ཡིན། །དབུས་ཀྱི་དཔའ་བོ་ཐམས་ཅད་ནི། །མཁས་པས་རྒྱབ་ཏུ་གཤེགས་སུ་གསོལ། །གསང་བ་འདི་ནི་མི་བསྟན་ཞིང་། །རབ་ཏུ་འབད་དེ་སྦ་བར་བྱ། །དེ་ལྟར་བརྡ་ཡིས་དཔའ་བོ་རྣམས། །དེ་དང་ལྷན་ཅིག་བཟའ་བ་བཟའ། །
D369.077.0252a07.01