完整藏文原文 · 德格版页 当前仅加载第 77 函德格 345a 版页；藏文 NFD、目录标记与异常页序保留在来源切片中，重复版页行以稳定序号区分。
ནི། །རྣམ་དག་ནམ་མཁའ་དང་མཚུངས་པ། །ཆགས་དང་ཆགས་མེད་ཆགས་པར་མཉམ། །པདྨ་རཱ་ག་ཆུ་མཉམ་བྱུང་། །རང་སེམས་ཆགས་པ་དམར་པོའི་མཆོག །དེ་དག་དཀྱིལ་འཁོར་མཆོག་ཡིན་ཏེ། །ཡིད་ནི་ཁམས་རྣམས་ཐམས་ཅད་དེ། །གཟུགས་
D369.077.0345a01.01དང་གཟུགས་མེད་དྲི་མ་མེད། །བསྐུལ་ཞིང་སད་པ་ཡིད་ཡིན་ཏེ། །སེམས་ནི་ཐུགས་ཀྱི་དཀྱིལ་འཁོར་ཡིན། །དཀྱིལ་འཁོར་ལུས་སུ་བཤད་པ་སྟེ། །དཀྱིལ་འཁོར་བྷ་ག་ཡིན་པར་བཤད། །དཀྱིལ་འཁོར་བྱང་ཆུབ་སེམས་ཡིན་ཏེ། །རྒྱུ་བ་དང་ནི་མི་རྒྱུ་བ། །ས་འོག་ས་སྟེངས་
D369.077.0345a02.01ས་བླར་ཁྱབ། །མངོན་པར་བརྗོད་པའི་རྒྱུད་བླ་མའི་བླ་མ་ལས་དཀྱིལ་འཁོར་གྱི་སྒོམ་པ་བསྟན་པའི་ལེའུ་སྟེ་ལྔ་བཅུ་རྩ་གསུམ་པའོ།། །།དེ་ནས་གསང་བ་བཤད་བྱ་བ། །སེམས་ཅན་ཀུན་ལ་ཕན་སྩོལ་པ། །ཨཱ་ལི་ཀཱ་ལི་ལས་བྱུང་བ། །ཆོས་ཀྱི་དབྱིངས་ཀྱི་གྲོང་ཁྱེར་
D369.077.0345a03.01མཆོག །དྲ་བ་དྲ་ཕྱེད་ཀྱིས་བརྒྱན་པ། །དར་དང་ཕྲེང་བས་རྣམ་པར་བརྒྱན། །དེ་ཡི་དབུས་སུ་རྡོ་རྗེ་ཆེ། །ཞལ་བཞི་པ་ལ་རྣམ་པར་འགྱུར། །དེ་ལ་ལྟེ་བའི་དབུས་སུ་ནི། །སྣ་ཚོགས་འཁོར་ལོ་ལྟེ་བར་བཅས། །ཐུགས་ཀྱི་འཁོར་ལོ་བརྒྱད་པ་སྟེ། །ཉི་མའི་དཀྱིལ་འཁོར་
D369.077.0345a04.01དབུས་སུ་ནི། །འཁོར་ལོའི་ལྟེ་བའི་དབུས་དག་ཏུ། །སྣ་ཚོགས་པདྨ་འདབ་བརྒྱད་པ། །སྣ་ཚོགས་རྡོ་རྗེས་རྣམ་འདྲེས་པ། །ལྷ་ཡི་བཞུགས་གནས་ཉི་ཤུ་པ། །ལྟེ་བའི་དབུས་སུ་བསྟན་པ་སྟེ། །ཉི་མའི་དཀྱིལ་འཁོར་དབུས་སུ་ནི། །ཧཱུྃ་ལས་ཧེ་རུ་ཀར་བྱས་ཏེ། །ཞལ་བཞི་པ་ལ་ཕྱག་
D369.077.0345a05.01བརྒྱད་པ། །སྤྱན་གསུམ་སྐུ་ལུས་དཀར་པོ་སྟེ། །རྡོ་རྗེ་དྲིལ་བུ་མཉམ་ལྡན་པས། །ཕག་མོ་ཡི་ནི་ཀུ་ཙའང་འཚིར། །སྟག་གི་པགས་པ་གོས་སུ་མནབས། །ཕྱག་རྒྱ་དྲུག་གིས་སྐུ་ལ་བརྒྱན། །གདུག་པ་ཀུན་གྱི་ཀླད་པ་ལ། །གཡས་བརྐྱང་བ་ཡི་ཞབས་ཀྱིས་མནན། །འཇིགས་
D369.077.0345a06.01བྱེད་དང་ནི་དུས་མཚན་དག །བརྒྱལ་ཞིང་རྣམ་པར་མྱོས་པ་ཡི། །ཀླད་པ་ལ་ནི་ཞབས་ཀྱིས་མནན། །གཅེར་བུ་འོ་དོད་འབོད་པ་མནན། །རྒྱལ་བའི་པགས་པ་སྟེང་དུ་སྟེ། །ལྕགས་ཀྱུ་ཕྱག་གིས་འཛིན་པ་དང་། །གཞན་ཡང་ཅང་ཏེའུ་དེ་བཞིན་ཏེ། །ཐོད་པ་ཁ་ཊྭཱཾ་ག་ཡང་འཛིན། །
D369.077.0345a07.01