完整藏文原文 · 德格版页 当前仅加载第 78 函德格 137a 版页；藏文 NFD、目录标记与异常页序保留在来源切片中，重复版页行以稳定序号区分。
༄༅༅། །རྒྱ་གར་སྐད་དུ། ཤྲཱི་ཌཱ་ཀཱརྞྞ་བ་མ་ཧཱ་ཡོ་གི་ནཱི་ཏནྟྲ་རཱ་ཛ་ནཱ་མ། བོད་སྐད་དུ། དཔལ་མཁའ་འགྲོ་རྒྱ་མཚོ་རྣལ་འབྱོར་མའི་རྒྱུད་ཀྱི་རྒྱལ་པོ་ཆེན་པོ་ཞེས་བྱ་བ། ཨོཾ་སངས་རྒྱས་དཔའ་བོ་ལ་ཕྱག་འཚལ་ལོ། །བཅོམ་ལྡན་འདས་གསུང་གི་མངའ་བདག་ལ་ཕྱག་འཚལ་ལོ། །འདི་
D372.078.0137a01.01སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་དཔའ་བོ་ཆེན་པོའི་དབང་ཕྱུག །དེ་བཞིན་གཤེགས་པ་ཐམས་ཅད་ཀྱི་དཔའ་བོའི་སྐུ་དང་གསུང་དང་ཐུགས་ཀྱི་རྣལ་འབྱོར་མ་རྣམས་ཀྱི། བྷ་ག་རྣམས་སུ་རྩེན་པ་དང་ལྡན་པར་གྱུར་ཏོ། །དེར་དཔའ་བོ་ཆེན་པོའི་དབང་ཕྱུག་གིས་བཀའ་
D372.078.0137a02.01སྩལ་པ། བདེ་བ་ཆེན་པོའི་ཏིང་འཛིན་གྱིས། །དབང་པོའི་དྲ་བ་བདག་གིས་མཐོང་། །འཁོར་བ་དང་ནི་ངེས་འབྱུང་གིས། །མྱ་ངན་འདས་པ་སོ་སོར་བསྐྱེད། །དེ་ཡི་དབུས་སུ་སྐུ་ཆེན་པོ། །བདག་གི་དབང་པོ་ཡིས་རིག་གོ། །དཔའ་བོ་རང་གི་རང་བཞིན་ནི། །ཡེ་ཤེས་རྒྱ་མཚོར་མཉན་པར་
D372.078.0137a03.01བགྱི། །རྣལ་འབྱོར་མ་འཁོར་ལོ་དབུས་སུ། །ཕག་མོ་བདག་ནི་འདྲི་བའོ། །དབང་པོའི་དྲ་བ་ཅི་རུ་བཤད། །བདག་གིས་གང་དུ་བཤད་པར་བྱ། །མཐོང་བ་དང་ནི་ཆེན་པོའི་སྒྲ། །བདེ་བ་ཟ་བ་དེ་བཞིན་ཅི། །ཏིང་འཛིན་མིང་ཅི་དེ་ལ་ནི། །བྱུང་བ་ཉམས་པར་བྱས་པ་དང་། །འཁོར་བ་ཡང་
D372.078.0137a04.01དག་བྱུང་བ་ནི། །གང་དུ་ཐིམ་པར་འགྱུར་བ་ཡིན། །བཅོམ་ལྡན་མྱ་ངན་འདས་པའི་མིང་། །ཇི་ལྟར་སླར་ཡང་ཡོངས་སུ་བསྐྱེད། །སྐུ་བརྗོད་པ་ནི་གསུང་བར་མཛོད། །ཉིད་ཀྱི་དབང་པོས་རིག་པ་ནི། །བདེ་བ་ཆེན་པོར་བཞུགས་གྱུར་པའི། །བདག་གི་བདག་པོས་གསུང་བར་མཛོད། །
D372.078.0137a05.01དཔའ་བོའི་དབང་ཕྱུག་ཆེན་པོས་བཀའ་སྩལ་པ། ཕག་མོ་ལྷ་རྫས་པདྨ་ཅན། །ལྷ་མོ་རྩེ་གཅིག་ཡིད་ཀྱིས་ཉོན། །སྔོན་དུ་སྤྱོད་པའི་མཚན་ཉིད་ནི། །མདོར་བསྡུས་པ་ཡིས་བཤད་པར་བྱ། །དབང་པོ་འཇིག་རྟེན་མཆོག་ཆོས་བཤད། །དྲ་བ་དེ་ལ་ཡིད་རོལ་པའོ། །བདག་གི་ང་རྒྱལ་ཙམ་
D372.078.0137a06.01གྱིས་ནི། །དམ་ཚིག་མཆོག་གང་བྱུང་བའོ། །དེ་ཕྱིར་ཡེ་ཤེས་ཆེ་མཐོང་སྟེ། །ཐབས་ཆེན་བདེ་ལ་བཞུགས་པས་སོ། །གང་དུ་དབང་པོ་རྣམས་ཀྱིས་ཟ། །དེ་ཡིས་ང་ཡི་མིང་སྔོན་སོང་། །དེ་ཚེ་ཏིང་ངེ་འཛིན་ཙམ་དུ། །ཐུབ་པ་སྐྱེས་མཆོག་རྣམས་ཀྱིས་གསུངས། །ཡང་དག་ལྷག་རྟོགས་ཡེ་ཤེས་ནི། །
D372.078.0137a07.01