完整藏文原文 · 德格版页 当前仅加载第 78 函德格 262a 版页；藏文 NFD、目录标记与异常页序保留在来源切片中，重复版页行以稳定序号区分。
གོ་དཱ་བ་རའི་གནས་སུ་རོལ་བ་སྟེ། །རཱ་མེ་ཤྭ་རིར་རྒྱལ་དང་ཕམ་པའོ། །དེ་བཱི་ཀོ་ཊིར་རྗེས་སུ་འཛིན་པ་སྟེ། །མཱ་ལ་ཝ་རུ་རྣལ་འབྱོར་མ་ཡི་གཙོ། །ཀཱ་མ་རཱུ་པར་ཚིག་ནི་འགྲུབ་པའོ། །ཨོ་ཌིར་མངོན་སུམ་དངོས་གྲུབ་སྟེར་བ་སྟེ། །ཏྲི་ཤ་ཀུ་ནར་དབང་པོ་རྣམས་ཀྱི་ནི། །མྱུར་དུ་དངོས་
D372.078.0262a01.01གྲུབ་རབ་ཏུ་འཇུག་པའོ། །ཀོ་ས་ལ་རུ་རྣལ་འབྱོར་དངོས་གྲུབ་སྟེ། །ཀ་ལིང་ཀ་རུ་ཕྲ་མོའི་དངོས་གྲུབ་སྐྱེ། །ལམ་པ་ཀ་རུ་རྟག་པར་འགྲུབ་པར་འགྱུར། །ཀཱཉྩི་རུ་ནི་བསད་པའི་དངོས་གྲུབ་བོ། །ཧི་མ་ལ་ཡར་མཐུན་པར་འགྲུབ་པ་སྟེ། །པྲེ་ཏ་པུ་རིར་རང་གི་ལྟ་བའོ། །གྲི་ཧ་དེ་བ་ཏཱར་ནི་བཀས་གནང་བ། །
D372.078.0262a02.01ལྷན་སྐྱེས་འཕོ་མེད་སཽ་རཱ་ཥྚ་རུ། །གསེར་གླིང་དུ་ནི་རང་གི་དོན་འགྲུབ་བོ། །ནཱ་ག་རར་ནི་གནས་ཀྱི་དངོས་གྲུབ་སྟེར། །སིན་དྷུ་ར་རུ་སྟོབས་འགྲུབ་དེ་བཞིན་དུ། །མ་རུལ་འཆི་བ་མེད་པའི་དངོས་གྲུབ་བོ། །ཀུ་ལུ་ཏར་ནི་རང་བཞིན་དངོས་གྲུབ་ཏུ། །དེ་ཉིད་རྣལ་འབྱོར་རྣམས་ལ་སྐྱེ་བའོ། །རྡོ་རྗེ་སེམས་
D372.078.0262a03.01དཔའ་རྟག་བསྒོམས་ནས། །ཐམས་ཅད་དངོས་གྲུབ་འགྲོ་བར་བྱོས། །གནས་སོགས་རྣལ་འབྱོར་མ་དབུས་སུ། །ཁམས་སུ་གྱུར་པའི་རོ་ཆེན་པོ། །གསང་བའི་ཚིག་ཏུ་ཤེས་པར་བྱ། །མཆོག་ནི་ལྷན་ཅིག་སྐྱེས་པར་དྲན། །དགྱེས་པ་ཡེ་ཤེས་ཤེས་བྱ་སྟེ། །ཐམས་ཅད་བདག་ཉིད་ཡོན་ཏན་གནས། །
D372.078.0262a04.01རྟག་བཞུགས་གཉིས་མེད་རྣམ་པ་སྟེ། །སེམས་ཅན་འཇིག་རྟེན་ལས་ལ་ནི། །རྣལ་འབྱོར་ལྡན་པ་རྣམས་ཀྱི་ཡང་། །རྡོ་རྗེ་སེམས་དཔའ་བདག་ཉིད་ཀྱིས། །ནཱ་དའི་དབུས་ལས་ཡང་དག་བྱུང་། །དེ་ཉིད་དུ་ནི་ཐིམ་ནས་འགྲོ། །གནས་པར་དེ་ནི་མངོན་པར་བརྗོད། །དེ་ལྟར་ཐམས་ཅད་ཆོ་ག་བཞིན། །དཔའ་
D372.078.0262a05.01བོ་མཆོག་རྣམས་ཀྱིས་ཤེས་བྱ། །དེ་ཉིད་ཉི་ཤུ་རྩ་བཞིའི་བདག །དེ་ནི་ནུས་པར་རབ་ཏུ་བཤད། །སྐྱེས་པ་དང་ནི་སྐྱེ་བཞིན་པའི། །ནུས་པ་ཐམས་ཅད་རབ་འཇུག་གིས། །དངོས་མེད་མ་ཡིན་པའི་གཟུགས་ཀྱིས། །དབྱངས་དང་ཕྱི་མོ་གསུམ་སྤངས་པ། །ཐིག་ལེའི་གཟུགས་ནི་སེམས་དཔའ་
D372.078.0262a06.01ཆེ། །རྡོ་རྗེ་སེམས་དཔར་རབ་ཏུ་གྲགས། །དཔའ་བོ་ཐམས་ཅད་མཉམ་སྦྱོར་ལས། །རྣལ་འབྱོར་མ་རྣམས་ཀུན་གྱི་གཙོ། །སྒྱུ་མའི་གནས་ཀྱི་དངོས་གྲུབ་ནི། །འཇུག་མཛད་བཅོམ་ལྡན་གྱིས་འདི་གསུངས། །ཞེས་བྱ་བ་ནི་གནས་ཐམས་ཅད་ཀྱི་བདག་ཉིད་ཅན་གྱི་རབ་ཏུ་བྱེད་པ་སྟེ་ཉི་ཤུ་
D372.078.0262a07.01