完整藏文原文 · 德格版页 当前仅加载第 78 函德格 166b 版页；藏文 NFD、目录标记与异常页序保留在来源切片中，重复版页行以稳定序号区分。
ངེས་པར་འཆི་འགྱུར་བས། །འདི་ལ་ཐེ་ཚོམ་མེད་པའོ། །ལྟག་པ་ཡི་ནི་བདུད་ཁུང་དུ། །གཟེར་ན་ལོ་ནི་ལྔ་རྣམས་ན། །དེ་ནི་འཆི་བར་འགྱུར་བ་ནི། །ཤེས་བྱ་འདི་ལ་ཐེ་ཚོམ་མེད། །ལྷ་མོ་ལྕེ་རྩེ་མ་མཐོང་ན། །དེ་ཕྱིར་ཞག་ནི་གསུམ་ན་འཆི། །ཉན་པ་ཡི་ནི་རྩེ་མོར་གཟེར། །
D372.078.0166b01.01འཆི་བ་ཟླ་བ་བཞི་ནའོ། །མིག་གཡོན་པ་ཡི་འབྲས་བུ་ནི། །མེ་ལོང་ལ་ནི་མ་མཐོང་ན། །དེ་ཚེ་ཞག་བདུན་ན་འཆི་བར། །སྔོན་གྱི་སྐྱེ་བར་བཤད་པའོ། །དཀར་པོ་ཡི་ནི་ཚེས་གཅིག་ལ། །གལ་ཏེ་ཁུ་བ་དཀར་མིན་འགྱུར། །ཟླ་བ་དྲུག་ན་དེ་འཆི་སྟེ། །དམར་པོས་ནང་དུ་ངེས་
D372.078.0166b02.01པར་འགྱུར། །བྷ་ག་ལིང་ག་ཡོངས་སྦྱར་བའི། །མཐའ་རུ་གལ་ཏེ་སྦྲིད་པ་ནི། །བྱུང་ན་ཟླ་བ་ལྔ་ན་ནི། །དེ་ཚེ་ལྟུང་བར་འགྱུར་བའོ། །སྦྱོར་བའི་དུས་སུ་དྲིལ་བུའི་སྒྲ། །རྣ་དག་ལ་བྱུང་འཆི་གསལ་བར། །གལ་ཏེ་བརྒྱ་བྱིན་མཉམ་གྱུར་པ། །ཟླ་བ་ལྔ་ན་ཐེ་ཚོམ་མེད། །
D372.078.0166b03.01དེ་བཞིན་དུས་ནི་གཅིག་གི་ཚེ། །གལ་ཏེ་ཟླ་བ་ཉི་མ་དག །གང་གི་སེམས་ཅན་ལ་གཟེར་བ། །ཟླ་བ་གཅིག་ཏུ་འཚོ་བཅས་པའོ། །རྐང་ལག་དག་གི་ཚིགས་བཞི་དང་། །མཐེའུ་ཆུང་གི་ནི་སོར་མོ་ལ། །གང་གི་དུས་གཅིག་ལ་གཟེར་བ། །ངེས་པར་ཟླ་བ་གཅིག་ན་
D372.078.0166b04.01འཆི། །བསྣུན་པ་གསུམ་གྱིས་གཟེར་བ་ན། །གལ་ཏེ་ནུས་སྟོབས་བདག་མཉམ་པ། །རྐང་པའི་མཐེ་བོང་དག་ལས་དཔའ། །ས་གསུམ་དུ་ནི་སྐྱེ་བོ་རྣམས། །མདུད་པའི་རྒྱལ་པོ་ལྟ་བུའི་ཚུལ། །དཔེ་དེས་རྟག་ཏུ་བཤད་པའོ། །དེ་ཚེ་ཟླ་དྲུག་ན་འཆི་བར། །གལ་ཏེ་དྲག་
D372.078.0166b05.01པོ་མཉམ་ཀྱང་འགྱུར། །སྙིང་གའི་དབུས་དང་དེ་བཞིན་སྔོན། །འདིར་ཡང་མགྲིན་པའི་སྤྱོད་ཡུལ་ཏེ། །ཟླ་ཕྱེད་གསུམ་ན་འཆི་བར་ནི། །རྣམ་དཔྱད་སྤྱོད་ཡུལ་འདི་ལ་མེད། །སླར་ཡང་མགོ་བོའི་རྩེ་མོར་གཟེར། །གྲོང་ཁྱེར་གསུམ་གྱི་རྒྱ་མཚོ་བསྲེག །འཕྲལ་དུ་
D372.078.0166b06.01འཆི་བར་ཤེས་བྱ་བར། །ལུས་ཀྱི་གུར་དུ་བཤད་པའོ། །རྣ་བའི་རྩ་བར་དེ་བཞིན་གཟེར། །འཕྲལ་དུ་འཆི་བར་ངེས་པར་བཤད། །སྨིན་མའི་དབུས་སུ་དེ་བཞིན་གཟེར། །དེ་ཡི་སྐད་ཅིག་ལ་འཆི་འགྱུར། །སྣ་ཡི་རྩེ་མོར་རླུང་གྲང་མོར། །གྱུར་ན་ཡོངས་རྫོགས་
D372.078.0166b07.01