完整藏文原文 · 德格版页 当前仅加载第 78 函德格 180b 版页；藏文 NFD、目录标记与异常页序保留在来源切片中，重复版页行以稳定序号区分。
ཡི་གེ་བརྒྱད་པའང་དེ་དང་མཚུངས། །དུམ་བུ་གཉིས་པས་ཕྱེ་བའོ། །བཅུ་པ་དེ་ཉིད་ཀྱིས་མནན་པའོ། །དོན་མེད་ཐམས་ཅད་རྣམ་འཇོམས་བྱེད། །ཆོས་ཀྱི་འཁོར་ལོ་སྐོར་བ་དང་། །དངོས་གྲུབ་རྙོག་པ་མེད་ཀུན་ནོ། །ནུབ་ཀྱི་གསུམ་པ་གཟུང་བར་བྱ། །འདྲེ་ཡི་གཉིས་པའི་ས་
D372.078.0180b01.01བོན་དང་། །ནུབ་ཀྱི་ཐོག་མའི་ས་བོན་དང་། །སླར་ཡང་ལྷོ་ཡི་དང་པོ་དང་། །བྱང་ཕྱོགས་ཀྱི་ནི་བཞི་པ་དང་། །འདྲེ་གཉིས་པ་ཡི་ཡི་གེ་དང་། །ལྷོ་ཡི་ཐ་མ་གཟུང་བར་བྱ། །བྱང་ཕྱོགས་ཀྱི་ནི་བཞི་པ་དང་། །འདྲེ་ཡི་མེ་ཡི་ཡི་གེ་གཟུང་། །དབང་ལྡན་གྱི་ནི་ཆུ་དེ་བཞིན། །མེ་ཡི་རླུང་
D372.078.0180b02.01གི་ས་བོན་སྟེ། །སྔགས་ཀྱི་རྐང་པ་གསུམ་པའོ། །མཁས་པས་ཐོག་མའི་ཡི་གེ་ལ། །དུམ་བུ་བཅུ་གཅིག་པ་ཡིས་མནན། །དུམ་བུ་དགུ་པ་ཡིས་ཀྱང་ནི། །གཉིས་པའི་ཡི་གེའི་མགོར་བརྒྱན་ཅིང་། །ལྷོ་ཡི་ཐོག་མ་ཉིད་ལ་ནི། །མེ་ཡིས་འོག་ཏུ་བརྒྱན་པའོ། །དབུས་མ་
D372.078.0180b03.01གསུམ་པར་སྦྱིན་བྱ་བ། །འོག་གི་ཆ་རུ་བརྟག་པར་བྱའོ། །དུམ་བུ་བཞི་པས་མནན་པ་ནི། །མཁས་པས་ཡི་གེ་ལྔ་པ་ལའོ། །དུམ་བུ་བརྒྱད་པ་སྦྱིན་བྱ་བ། །ཡི་གེ་ཡི་ནི་བརྒྱད་པ་ལའོ། །བཅུ་པ་གཉིས་པས་མནན་པ་སྟེ། །སྡང་བ་རྣམས་ཀྱི་ཚར་གཅོད་མཆོག །ལྷ་
D372.078.0180b04.01དང་ལྷ་མིན་མི་རྣམས་ཀྱི། །གནས་དང་གནས་མིན་རྣམས་ཚར་གཅོད། །མེ་ཡི་གཉིས་པའི་ས་བོན་དང་། །ནུབ་ཀྱི་ཐོག་མའི་ཡི་གེ་དང་། །རླུང་གི་གཉིས་པའི་ས་བོན་དང་། །དབང་ལྡན་གྱི་ནི་གཞན་དེ་བཞིན། །རླུང་གི་གཉིས་པའི་ཡི་གེ་དང་། །ནུབ་ཀྱི་ཐ་མའི་ཡི་གེ་དང་། །
D372.078.0180b05.01སླར་ཡང་ནུབ་ཀྱི་ཐོག་མ་དང་། །མེ་ཡི་རླུང་ནི་བླང་བར་བྱ། །རྐང་པ་བཞི་པ་ཞེས་བཤད་དེ། །དངོས་པོ་ཐམས་ཅད་རབ་སྟོན་པའོ། །ཡི་གེ་ལྔ་པའི་འོག་གི་ཆར། །ར་ཡི་ཡི་གེ་བརྟག་པར་བྱ། །དྲུག་པར་བདུན་པའི་དུམ་བུ་དང་། །སླར་ཡང་བདུན་པར་མེ་ཡིས་ནི། །འོག་
D372.078.0180b06.01ཏུ་བརྒྱན་པར་གཉིས་པ་སྦྱིན། །ཀུན་མཁྱེན་གོ་འཕང་མི་ཟད་པའོ། །དབང་ལྡན་གྱི་ནི་ཆུ་གཟུང་བྱ། །སླར་ཡང་དྱ་ཡིག་རང་བྱུང་ངོ་། །ནུབ་ཀྱི་ཐོག་མའི་ས་བོན་དང་། །ཤར་ཕྱོགས་ཀྱི་ཡང་གསུམ་པ་དང་། །དབང་ལྡན་གྱི་ནི་གཞན་གཟུང་བྱ། །སླར་ཡང་མེ་ཡི་རླུང་དང་ནི། །
D372.078.0180b07.01