完整藏文原文 · 德格版页 当前仅加载第 78 函德格 150b 版页；藏文 NFD、目录标记与异常页序保留在来源切片中，重复版页行以稳定序号区分。
བརྟན་པར་ཕག་སོགས་རྣལ་འབྱོར་མ། །མ་བརྟན་སྲོག་གི་རླུང་རྣམས་ཀྱི། །དངོས་གྲུབ་གསལ་བར་མི་འགྱུར་རོ། །ལྷ་མོ་རྣམ་སྣང་གིས་རྒྱས་གདབ། །རྡོ་རྗེ་འཛིན་བདག་མི་བསྐྱོད་པས། །ཕོ་ཉ་མོ་སྔགས་སུམ་ཅུ་དྲུག །དུས་ལས་རང་དང་རང་གི་རིགས། །ཇི་ལྟར་བདག་
D372.078.0150b01.01མོའི་རིགས་དང་ནི། །ཕྱག་དང་མཚན་མ་རིམ་ཇི་ལྟར། །ཡང་ན་ངེས་པར་བརྗོད་པ་རུ། །མངོན་རྟོགས་མཚན་ཉིད་ལས་ཤེས་བྱ། །བོལླ་ཀཀྐོ་ལ་སྦྱོར་ལས། །ལྷ་མོ་རང་ཉིད་ཞུ་བར་ཞུགས། །སྐད་ཅིག་དེ་ལ་མ་ལུས་པའི། །དཀྱིལ་འཁོར་ཐམས་ཅད་རོ་མཉམ་ལྟ། །
D372.078.0150b02.01ལྷ་མོ་ནམ་མཁའི་ནང་སྣང་བས། །འདི་ཡིས་མངའ་བདག་བསྐུལ་བར་བྱ། །མཆོག་ཏུ་བདེ་བ་ཆེན་པོའི་རྡོ་རྗེ་རོལ་ཅིག་རོལ། །ཤེས་རབ་ཐབས་ཀྱི་དགོངས་པ་རབ་ཏུ་གྲུབ་པར་མཛོད། །འཇིག་རྟེན་རྣམས་ལ་ཁྱོད་ཀྱི་ཐུགས་རྗེ་བསྒོམས་པ་ཡིས། །ཇི་ལྟར་ལྷ་དང་ལྷ་མིན་མ་ལུས་
D372.078.0150b03.01སངས་རྒྱས་མཛོད། །བྱང་ཆུབ་རྡོ་རྗེ་འཛིན་པས་བདེ་ཆེན་གྱིས་མཉེས་མཛོད། །ཁྱོད་ནི་སྟོང་ཉིད་ཏིང་ངེ་འཛིན་ལ་ཞུགས་སམ་ཅི། །རྡོ་རྗེ་པདྨ་རོལ་པས་དེང་ནི་ངེས་རྟོགས་མཛོད། །གང་གིས་ལྷན་ཅིག་སྟོང་ཉིད་ཏིང་འཛིན་ལ་ཁྱོད་བཞུགས། །མངའ་བདག་ཁྱོད་ཀྱིས་ཁམས་བཞིའི་
D372.078.0150b04.01ས་བོན་འཛག་པར་མཛོད། །ཨ་བ་དྷཱུ་ཏཱིའི་རང་བཞིན་གཏུམ་མོ་ལྡང་བར་འགྱུར། །ས་གསུམ་སྲེག་པར་བྱེད་དེ་གང་དུའང་མི་མཐོང་ངོ་། །མྱ་ངན་འདས་པའི་ངོ་བོས་འབར་ཞིང་འབར་བར་འགྱུར། །མཁའ་འགྲོ་མ་རྣམས་ལྷན་སྐྱེས་རང་བཞིན་གྱིས་དགར་མཛོད། །དགའ་བ་དང་
D372.078.0150b05.01ནི་འཆི་བར་སྣང་བ་མི་མཐོང་ངོ་། །ཐུགས་ཀྱི་རྒྱལ་བ་མགོན་པོས་འདི་དག་སད་པར་མཛོད། །སྒྱུ་མ་ཡི་ནི་སེམས་ཅན་ཁམས་ནི་བསྒྲལ་བར་མཛོད། །གླུ་ཆེན་པོ་ནི་འདི་གསན་ནས། །རྣལ་འབྱོར་འཁོར་ལོ་ཅན་རབ་སད། །སྒྱུ་མ་ལྟ་བུའི་འགྲོ་བ་ཀུན། །བརྟན་པ་ལ་སོགས་
D372.078.0150b06.01འགྲོ་བ་ནི། །མཐོང་བཞིན་རང་གི་འཁོར་ལོ་ཅན། །ནམ་མཁའ་ཐིམ་པ་སྐུ་ཆེར་འགྱུར། །ལྷན་སྐྱེས་སོགས་ཀྱིས་སྤྲུལ་པ་ཅན། །གཉིས་པོ་གཅིག་པའི་སྐུ་ཆེན་པོ། །དང་པོའི་སངས་རྒྱས་རང་བཞིན་ཅན། །ཐམས་ཅད་ཀྱི་ནི་ཆོས་ཀྱི་སྐུ། །རྣལ་འབྱོར་མ་ཡི་རྒྱུད་ཐོབ་ནས། །རྣལ་
D372.078.0150b07.01