完整藏文原文 · 德格版页 当前仅加载第 78 函德格 241a 版页；藏文 NFD、目录标记与异常页序保留在来源切片中，重复版页行以稳定序号区分。
པའི། །ཏིང་འཛིན་སྦྱོར་གནས་བཤད་བྱ་སྟེ། །གཞུ་འགེངས་རིམ་པ་འོང་བ་ནི། །རྡོ་རྗེ་རྣལ་འབྱོར་པས་ཡོད་དེ། །སྲོག་གི་ཐིག་ལེ་སོན་བསམ་པ། །མཚམས་ཐམས་ཅད་དུ་དེ་བརྒྱུད་དེ། །གཞུ་དབྱུག་མཚན་མར་བསམ་པར་བྱ། །སྒྲ་ཐམས་ཅད་ནི་སྐུལ་
D372.078.0241a01.01བ་ཡིས། །ཀུན་ནས་འགེངས་བཞིན་པ་ཡི་མདའ། །དབུས་མའི་ལྟེ་བར་འཛོམ་པ་ཡིས། །རྣམ་པར་ཤེས་པའི་འབེན་གཞོམ་བྱ། །འབྱུང་གནས་ཐམས་ཅད་གསད་པ་ཡིན། །བགྲོད་བཞིན་པ་ཡི་བདེ་བ་ཆེར། །དེར་རིག་པ་ཡིས་གཞན་དུ་འགྲོ། །མཆེ་བ་རྣམ་པར་
D372.078.0241a02.01གཙིགས་པ་ཡི། །རབ་སྦྱོར་རྣམས་ཀྱིས་ངེས་འབྱུང་འགྱུར། །མཚོན་བྱ་ཟད་པ་མེད་འཇོམས་པ། །སྐྱེ་བོ་རྣམས་ལ་འཇུག་པར་འགྱུར། །མྱ་ངན་འདས་པའི་སྤྱོད་ཡུལ་ལས། །གཞན་གྱི་གྲོང་རྣམས་སུ་འཇུག་པའོ། །སྔོན་གྱི་སྤྲུལ་པའི་བག་ཆགས་ནི། །དེ་ལ་རྒྱུན་དུ་
D372.078.0241a03.01འཇོམས་པར་བྱེད། །རྣམ་པར་ཞུ་བའི་བདག་ཉིད་ཆེ། །ཞི་བའི་གཟུགས་སུ་སྟེར་བར་འགྱུར། །ཥྚི་ཞེས་རྐང་པའི་མཐིལ་བར་དུ། །ནོར་བུའི་སྐུད་པ་བཞིན་དུ་བགྲོད། །ན་དེ་མཚམས་ཀྱི་དོན་དམ་པར། །ས་གསུམ་པོ་ལ་ལྟ་བར་འགྱུར། །དེ་ཕྱིར་སྐྱེ་བོ་ཐམས་ཅད་ལ། །
D372.078.0241a04.01མཚོན་བྱ་མཚན་ཉིད་ཀྱིས་འབྱེད་དོ། །དབང་པོ་དེ་རྣམས་ཐམས་ཅད་ལ། །བདག་ཉིད་ཀྱིས་འབུགས་སླར་ཅི་སྨོས། །འགྲོ་བ་གཞན་དུ་རབ་འཇུག་པར། །མཆོག་ཏུ་རྨད་བྱུང་འགྲོ་བར་འགྱུར། །སྒྱུ་འཕྲུལ་དྲ་བར་ཡང་དག་གནས། །སྐྱེ་བ་ཀུན་ལ་རྣམ་པར་བལྟ། །མིག་
D372.078.0241a05.01སོགས་རྣམ་པར་ཤེས་པ་ནི། །ནང་རྣམས་སུ་ནི་བསྐྱོད་པར་བྱོས། །མཁའ་འགྲོའི་རྣམ་པར་དེ་ཤེས་བྱ། །མཁའ་འགྲོ་མ་ཡི་གཟུགས་ཀྱི་གཙོ། །དཀྱིལ་འཁོར་སྔོན་དུ་སྤྲུལ་པར་ནི། །མཆེ་གཙིགས་ལ་སོགས་བསྒོམ་པར་བྱ། །རང་གི་ཁམས་ནི་བདེ་བའི་གཟུགས། །
D372.078.0241a06.01རང་རང་གཙོ་བོར་བྱ་བ་ཡིན། །དེ་ལས་སྐྱེས་པའི་མཁའ་འགྲོ་ཆེ། །མཁའ་འགྲོ་མ་དང་བཅས་པའི་གཟུགས། །ཐམས་ཅད་ཆོས་འབྱུང་སྣ་ཚོགས་པའི། །སྙིང་པོར་གཞོམ་དུ་མེད་ཞི་བ། །ཆོས་ཀུན་གཅིག་ཏུ་ཡོངས་བསྡུས་པ། །སྔགས་པས་ཆོ་ག་བཞིན་དུ་བྲི། །
D372.078.0241a07.01