完整藏文原文 · 德格版页 当前仅加载第 78 函德格 139b 版页；藏文 NFD、目录标记与异常页序保留在来源切片中，重复版页行以稳定序号区分。
དུ་གྱུར་བྱས་ནས། །ཁ་དོག་རྣམས་ནི་ཞལ་ལས་བྱུང་། །རྟག་ཏུ་ལུས་ཀྱིས་སྦྱིན་པ་སྟེ། །སེམས་ལས་བྱུང་བ་སྤང་བར་བྱ། །དེ་ལྟར་འདོད་ཆགས་སྒྱུ་མཐའ་ལ། །རོལ་པ་མཆོག་གི་གོ་འཕང་ངོ་། །འདོད་ཆགས་བྲལ་བ་དགའ་བ་གསུམ། །སྤངས་པ་དབུ་མ་ཟག་པ་མེད། །གཟུང་བར་བྱ་བ་
D372.078.0139b01.01མིན་པ་སྟེ། །དངོས་པོའི་རང་བཞིན་འདོད་ཆགས་མིན། །བྲལ་བའི་དགའ་བ་ཉམས་པ་སྟེ། །དེ་ལའང་དགའ་བར་མི་བྱའོ། །དེ་གཉིས་དབུས་ན་གནས་པ་ཡིས། །ཆོས་དེ་ལ་ཡང་དགའ་དམིགས་མེད། །དབྱེ་བ་མེད་པ་ཡི་ནི་ཆོས། །རྡོ་རྗེ་ལ་ནི་དགའ་བར་གྱིས། །ལྷ་ཡི་རྣམ་པའི་རྣལ་
D372.078.0139b02.01འབྱོར་བ་དག །སྐད་ཅིག་མངོན་སུམ་བྱེད་པའོ། །ལུགས་མ་ལ་སོགས་རྣལ་འབྱོར་གྱིས། །རྣམ་པར་བྱས་པའི་དབྱིབས་སུ་འགྱུར། །སྟོང་ཉིད་རང་བཞིན་གཟུགས་རྣལ་འབྱོར། །རང་བྱིན་རླབས་པའི་མཚན་ཉིད་དོ། །བདག་བྱིན་རླབས་དང་བྲལ་རྣལ་འབྱོར། །སྦུན་སྐོགས་དུམ་
D372.078.0139b03.01བུ་བཞིན་ཤེས་བྱ། །འདི་འདྲའི་མཚན་ཉིད་མཆོག་གྱུར་པ། །སྐྱེ་བོ་ཕྱུགས་རྣམས་ཀྱིས་མི་ཤེས། །དེ་ཕྱིར་སྒྱུ་འཕྲུལ་འདི་བསྒོམས་ན། །བྱང་ཆུབ་བླ་ན་མེད་པ་འཐོབ། །སྐྱེ་བ་འདི་ལ་གླེན་པ་ཉིད། །ཤེས་རབ་སྙན་དངགས་སྐྱེས་བུར་འགྱུར། །འདི་འདྲའི་ཡོན་ཏན་ཚོགས་ལྡན་
D372.078.0139b04.01པས། །རྨི་ལམ་དང་ནི་མཉམ་པར་ལྟོས། །རྣལ་འབྱོར་རྣལ་འབྱོར་མའི་རྒྱུད་དུ། །འགྲོ་སྟེ་དེ་ཕྱིར་འཇིག་རྟེན་པའོ། །མངོན་སུམ་རང་ཉིད་སྔགས་ཀྱི་སྐུ། །འཁོར་ལོ་གསུམ་རྣམས་ཉིས་འགྱུར་རོ། །གཅིག་ལ་འཁོར་ལོ་གསུམ་བཤད་དེ། །གཉིས་པ་ཉིས་འགྱུར་དུ་ནི་
D372.078.0139b05.01འདོད། །འཁོར་ལོ་གསུམ་པོ་ཐབས་ཤེས་རབ། །སྙོམས་པར་འཇུག་པར་འཆད་པའོ། །དེ་ནི་ཉིས་འགྱུར་ཤེས་བྱ་སྟེ། །འཁོར་ལོ་ཉིས་འགྱུར་དེས་བཤད་དོ། །ཁམས་གསུམ་གྱི་ནི་གནས་ཆེན་པོ། །དཀྱིལ་འཁོར་འཁོར་ལོ་བསྒོམ་པའོ། །དཔའ་བོ་ཐམས་ཅད་མཉམ་སྦྱོར་བ། །
D372.078.0139b06.01རྡོ་རྗེ་སེམས་དཔའ་བདེ་བའི་མཆོག །དེ་བཞིན་གཤེགས་པ་དཔའ་དབང་ཆེ། །བཅོམ་ལྡན་རྡོ་རྗེས་འདི་གསུངས་སོ། །ཆོས་དང་ཆོས་མིན་གང་དུ་ནུབ། །བྱང་ཆུབ་དེར་ནི་སེམས་གཟུང་གིས། །གྲུབ་པ་ལྷ་དང་ལྷ་མ་ཡིན། །དབང་པོ་དང་ནི་ཡུལ་དང་ནི། །ཁམས་དང་སྐྱེ་མཆེད་
D372.078.0139b07.01