完整藏文原文 · 德格版页 当前仅加载第 78 函德格 258a 版页；藏文 NFD、目录标记与异常页序保留在来源切片中，重复版页行以稳定序号区分。
མེ་ཡིས་དགྱེས་པར་བྱ། །བྱང་ཆུབ་སེམས་ནི་རྟག་གཟུང་བ། །ལྕེ་ཡིས་བྱ་ཡི་ལག་པས་མིན། །ལྷན་སྐྱེས་འཕོས་པའི་མཚན་ཉིད་ནི། །མཁའ་ལྡིང་ཕྱག་རྒྱ་ཉིད་ཀྱིས་གཟུང་། །ཕྱག་རྒྱའི་ཁ་ཉིད་དུ་སྦྱིན་ཏེ། །དེ་ནས་བཏུང་བར་བྱ་བ་ཡིན། །སྟོབས་ཐམས་
D372.078.0258a01.01ཅད་ཀྱི་བཟའ་བར་བྱ། །སཱ་ལི་སྐྱེས་སོགས་འབད་པས་སོ། །སྦྱིན་སྲེག་ཀུན་ཀྱང་དེ་ཉིད་ཀྱིས། །དབང་ལ་སོགས་པ་གང་གང་བྱེད། །དེ་དེའི་ཐོད་པར་བྱ་བ་སྟེ། །དེ་ནས་ས་བོན་གདབ་པར་བྱ། །དེ་རྣམས་རྫས་ཀྱིས་སྤང་བ་དང་། །གཏོར་མ་དང་ནི་བསྲུང་བར་བྱ། །
D372.078.0258a02.01དེ་ཡིས་བཅིངས་པ་ཙམ་གྱིས་ནི། །དེ་དང་འདྲ་བའི་གཟུངས་འཇུག་འགྱུར། །རིལ་བུ་འམ་ནི་སྐུད་པ་ནི། །དཔའ་བོ་རང་ཉིད་ཀྱིས་གསུངས་པའོ། །བྷ་གའི་དབུས་རྣམས་སུ་བསྒོམ་པ། །རིན་ཆེན་རྡོ་རྗེ་ཅན་དེ་སྨན། །དཀྱིལ་འཁོར་ཁམས་རྣམས་ཀུན་གྱི་སྟེ། །སྤངས་པ་རབ་ཏུ་
D372.078.0258a03.01བསྟན་པ་ཡིན། །གང་དང་གང་གི་ལས་ཀྱི་ནི། །དེ་དང་དེའི་མིང་ཅན་སྔགས་སོ། །ས་བོན་ཀུན་གྱི་ཡོངས་སྦྱོར་ལས། །དེ་ནི་རྟག་ཏུ་སྨན་རྣམས་ཏེ། །བཅོམ་ལྡན་འདས་ཀྱི་ཕྱག་རྒྱ་ནི། །རྟག་ཏུ་འཆིང་བས་འདི་གསུངས་སོ། །ཞེས་བྱ་བ་ནི་རིན་ཆེན་རྡོ་རྗེའི་ཆོ་ག་སྟེ་རབ་ཏུ་བྱེད་པ་
D372.078.0258a04.01{བཅྭ་,བཅོ་}བརྒྱད་པའོ།། །།དེ་ནས་འཁོར་བའི་མཐར་གནས་པའི། །མཁའ་འགྲོའི་མཚན་ཉིད་བཤད་པར་བྱ། །རྟ་མགྲིན་གྱི་ནི་རབ་སྦྱོར་བས། །ཕོ་ཉའི་མཚན་ཉིད་བསྒྲུབ་པར་བྱ། །ཧ་ཡིག་སྐྱེ་གནས་དབུས་སུ་སྟེ། །ཡ་ཡིག་མགོ་བོར་གནས་པའོ། །བྷྱི་ཡིག་དབུས་མའི་
D372.078.0258a05.01པདྨར་ཏེ། །བ་ཡི་ཡི་གེ་སྙིང་ག་རུ། །རྣལ་འབྱོར་ཆེ་ལ་འཛིན་བཞིན་པ། །དབྱངས་ཅན་མ་དང་འདྲ་བར་བྱེད། །རྨོངས་པ་ཉིད་ནི་ཐམས་ཅད་འཕྲོག །གང་ཕྱིར་གཞུང་ནི་རྗེས་འཇུག་འགྱུར། །མགྲིན་པར་རྟག་ཏུ་ཚིགས་བཅད་ནི། །མགྲིན་པར་དག་ཏུ་གནས་པ་ཉིད། །འཚོ་བ་རྟ་
D372.078.0258a06.01ཡི་དབྱིབས་འདིར་ནི། །གནས་པ་རྣལ་འབྱོར་ལྷག་མ་ཡིན། །དེ་ཡི་སྦྱོར་བས་འགྲོ་འགྱུར་བ། །སྔོན་དུ་ཉི་མའི་གདན་དུའོ། །ཉི་དེ་རྡོ་རྗེ་སེམས་དཔའ་སྟེ། །ཁམས་གསུམ་པོར་ནི་བསྐོར་བར་འགྱུར། །ནམ་མཁར་ཉི་མས་མཛེས་བྱས་ནས། །བྱང་ཆུབ་ཡིད་ཀྱིས་འགྲོ་བར་
D372.078.0258a07.01