完整藏文原文 · 德格版页 当前仅加载第 78 函德格 149a 版页；藏文 NFD、目录标记与异常页序保留在来源切片中，重复版页行以稳定序号区分。
མ་སོགས་མ་ལུས་དང་། །རྣམ་པར་ཤེས་ལ་སོགས་ཐིམ་པས། །བསྲེགས་པས་རི་བོང་ཅན་ཧཾ་འཛག །དཔའ་བོ་ཐམས་ཅད་མཉམ་སྦྱོར་བ། །རྡོ་རྗེ་སེམས་དཔའ་བདེ་བའི་མཆོག །རྡོ་རྗེ་མཁའ་འགྲོ་དེ་བཞིན་གཤེགས། །བཅོམ་ལྡན་བདག་པོས་འདི་
D372.078.0149a01.01གསུངས་སོ། །དཔལ་མཁའ་འགྲོ་རྒྱ་མཚོ་རྣལ་འབྱོར་མའི་རྒྱུད་ཀྱི་རྒྱལ་པོ་ཆེན་པོ་ལས་རྡོ་རྗེ་ཕག་མོ་སྐྱེད་པ་དང་གཙོ་མོ་དང་འཁྲུལ་འཁོར་གྱི་འཁོར་ལོ་དང་། དཀྱིལ་འཁོར་སྒོམ་པ་ལ་སོགས་པའི་རང་བཞིན་ཏེ། འདི་ནི་ལེའུ་གཉིས་པའོ།། །།དེ་ནས་མཁའ་འགྲོ་
D372.078.0149a02.01མ་སོགས་ཀྱི། །ཇི་ལྟར་བསྐྱེད་པ་རབ་བཤད་བྱ། །མཁའ་འགྲོ་མ་ཡི་སྦྱོར་བརྟེན་ནས། །བཅོམ་ལྡན་འདས་ནི་མཆོག་ཏུ་རྩེན། །ཕག་མོའི་གཟུགས་ནི་མཐའ་ཡས་པའང་། །སྤྲོས་པ་དྲ་བའི་སྡོམ་པའོ། །ལུས་ཀྱི་དངོས་པོའི་དབྱེ་བ་ཡིས། །མཐའ་ཡས་གཟུགས་ཅན་
D372.078.0149a03.01མཁའ་འགྲོ་མ། །ལུས་ཀྱི་བདེ་བ་ལ་བརྟེན་ནས། །འདོད་པ་རྣམ་པ་གསུམ་དུ་འགྱུར། །དགའ་བ་གསུམ་དང་རྩ་གསུམ་སྟེ། །བཞི་པ་ལྷན་ཅིག་སྐྱེས་པར་འདོད། །སངས་རྒྱས་སྐུ་ཡི་ཉམས་ཆེན་པོ། །དེའི་རང་བཞིན་ལས་སྣ་ཚོགས་འཕྲོ། །མཁའ་འགྲོ་མ་ཡི་གནས་
D372.078.0149a04.01བརྟེན་ནས། །དཀྱིལ་འཁོར་འཁོར་ལོའི་རང་བཞིན་ནོ། །འཛམ་བུ་གླིང་ནི་ཆེན་པོ་ཡི། །དུམ་བུ་བཅུ་གཉིས་ཀྱི་དབུས་སུ། །ཤར་གྱི་ཡུལ་དུ་གནས་ལྷ་མོ། །དུས་སྦྱོར་རོ་ཧི་ཏ་ཆུ་སྲིན། །རྒྱལ་དང་ཉི་མ་དགའ་སྐྱེད་དང་། །རྩ་ཡི་དངོས་པོ་སྲོག་འབབ་པའོ། །ལྷ་མོ་
D372.078.0149a05.01ཕྱི་ནང་བདག་ཉིད་དུ། །བཅོམ་ལྡན་གཟུགས་ཅན་མ་གནས་ཏེ། །ཕྱག་བཞི་མ་ལ་ཁ་དོག་གནག །སྤྱན་གསུམ་པ་ལ་ཞལ་གཅིག་མ། །མཆེ་བ་གཙིགས་ཤིང་དྲག་པ་སྟེ། །ཕྱག་རྒྱ་ལྔ་མངོན་འཛིན་པ་མོ། །རོ་ལ་ཞོན་མ་སྐྲ་གྲོལ་མ། །གཡས་བརྐྱང་ཞབས་དང་ལྡན་པ་མོ། །
D372.078.0149a06.01དྲག་མོ་ཐོད་པའི་ཕྲེང་ཅན་མ། །གཡས་པ་ཌཱ་རུ་གྲི་གུག་ཅན། །གཡོན་པར་ཐོད་པ་ཁ་ཊྭཱཾ་ག །སྤྲོ་ཞིང་སྡུད་པའི་སྐུ་ཅན་མ། །སུམ་ཅུ་རྩ་བདུན་བདག་ཉིད་ཀྱི། །དཀྱིལ་འཁོར་དབུས་སུ་གཞག་པར་བྱ། །སྙིང་པོ་ཡི་གེ་ཉི་ཤུ་གཉིས། །མཁའ་འགྲོ་མ་དང་བཅས་ཁ་སྦྱོར། །ཨོཾ་
D372.078.0149a07.01