完整藏文原文 · 德格版页 当前仅加载第 78 函德格 205a 版页；藏文 NFD、目录标记与异常页序保留在来源切片中，重复版页行以稳定序号区分。
ཆེན་ལོང་བུ་དང་། །རྐང་པའི་མཐིལ་དུ་ཐམས་ཅད་དུ། །རླིག་པ་ལག་པ་གླང་པོའི་པགས། །མཁྲིག་མ་དཔྲལ་བའི་ངོས་དང་ནི། །མཚམས་དང་ལྟོ་བར་ཤེས་བྱ་སྟེ། །རྟག་ཏུ་རྣལ་འབྱོར་མས་སྟེར་ན། །ཕྱག་རྒྱའི་ལན་གྱུར་རྣལ་འབྱོར་པས། །ཇི་ལྟའི་རིམ་པས་སྦྱིན་
D372.078.0205a01.01བྱ་བ། །གླིང་བུ་པི་ཝང་འཁར་རྔ་དང་། །གླུ་དང་རྫ་རྔ་རོལ་མོ་དང་། །ཕྲེང་བ་སྒེག་པ་གར་ཟངས་དུང་། །སྤོས་དང་དྲི་དང་ལྷ་བཤོས་དང་། །འབྲས་བུ་མ་ཆགས་འབྲས་དང་སྣོད། །ཞབས་བསིལ་མཆོད་ཡོན་མར་མེ་བུམ། །གོས་དང་མེ་ལོང་གདུགས་དང་ནི། །བླ་རེ་རྔ་ཡབ་དེ་བཞིན་དུ། །
D372.078.0205a02.01བ་དན་མེ་ཏོག་ཕྲེང་བ་དང་། །རྒྱལ་མཚན་དང་ནི་དྲི་གཙང་ཁང་། །མདུང་ཐུང་ཕྲེང་བ་ཕྲེང་ཕྱེད་དང་། །སླར་ཡང་དྲིལ་ཆུང་དྲ་བ་དང་། །སེང་གེ་གདན་དང་ཅོད་པན་དང་། །རིན་ཆེན་སྣ་ཚོགས་དེ་བཞིན་ནོ། །གོ་དཱ་བ་རིའི་ཉེ་གནས་གཞུག །དད་པའི་དབང་པོའི་རང་བཞིན་ཅན། །དཔའ་
D372.078.0205a03.01བློ་མ་ཡི་རབ་སྦྱོར་བས། །ཕྱག་རྒྱ་ཐམས་ཅད་རབ་ཏུ་བཤད། །ལྷན་སྐྱེས་སྐད་ཀྱིས་བཱི་ཞེས་བྱ། །སུམ་ཅུ་དྲུག་དངོས་བདག་ཉིད་ཅན། །ཕུང་པོ་ཁམས་དང་ཡུལ་དང་ནི། །དབང་པོ་ལས་དང་ལས་ཅན་ཏེ། །ཡུལ་གྱི་སྒྲ་ནི་དེ་བཞིན་འདིར། །ཀུན་ལ་དྲུག་དྲུག་རིམ་ཇི་བཞིན། །དེ་རྣམས་
D372.078.0205a04.01ནང་དུ་སོང་ཡེ་ཤེས། །ལྷན་སྐྱེས་གཞན་གྱི་དངོས་པོ་མིན། །མཚན་མོ་ཉིན་མོའི་རབ་སྦྱོར་བས། །ཤེས་རབ་ཐབས་ཀྱི་བདག་ཉིད་དོ། །ལྷན་སྐྱེས་རྣལ་འབྱོར་མ་དེ་རྣམས། །སུམ་ཅུ་རྩ་དྲུག་དབྱེ་བས་ཕྱེ། །དམ་ཚིག་ཆེན་པོ་འདུས་པ་ནི། །པདྨའི་ལྟེ་བར་རིག་པར་བྱ། །དེ་ལས་སྐྱེས་པའི་
D372.078.0205a05.01རང་ཕྱག་རྒྱ། །ཡུལ་དང་ཡུལ་དུ་རྣམ་པར་གཞག །རང་རིག་རྣལ་འབྱོར་མའི་བདེ་བ། །འདི་ནི་སངས་རྒྱས་སྤྱོད་ཡུལ་ཡིན། །འཇིག་བཞིན་པ་ནི་ཆེན་པོ་ཉིད། །བཅུ་གཉིས་མི་རྣམས་ནང་དུ་སོན། །རྡོ་རྗེའི་རླུང་ནི་རབ་ཞུགས་པའི། །དེར་ནི་ཀུན་དུར་རྣལ་འབྱོར་སྐྱེས། །འོད་ཟེར་སློང་བའི་
D372.078.0205a06.01བདེ་བ་ཡི། །འཕོ་མེད་རྣམས་ཀྱིས་བགྲོད་པར་བྱོས། །དེ་ལྟར་གོ་དཱ་བ་རི་ཤེས་བྱས་ནས། །དད་པའི་དབང་པོའི་རྡོ་རྗེ་ཅན། །དཔའ་བློ་མ་ཡི་རང་བཞིན་ཤེས། །དཀྱིལ་འཁོར་དབུས་ཀྱི་གཙོ་མོ་ཡིན། །སུམ་ཅུ་བདུན་བདག་ཉིད་རྡོ་རྗེ། །རང་མིང་གསང་སྔགས་ལྡན་པར་རོ། །སྣ་ཚོགས་
D372.078.0205a07.01