完整藏文原文 · 德格版页 当前仅加载第 78 函德格 211a 版页；藏文 NFD、目录标记与异常页序保留在来源切片中，重复版页行以稳定序号区分。
ཧཱུྃ་ནྣ་ཕ་དྷཱ་ཊ་རི་ཕཊ་ཎེ་སྭཱ་ཧཱུྃ་ཧཱ་ཧཱུྃ་ཕཊ་ཕཊ་སྭཱ་ཧཱ། ཨོཾ་མ་ཧཱ་བྷཻ་ར་བཱི་ཡེ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། ཞེས་བྱའི་གསང་སྔགས་སྦྱོར་ཆེན་ལས། །རྣལ་འབྱོར་མ་ཡི་སྐུ་ཐུགས་ཅན། །ཡིད་ནི་ནང་དུ་ཆུད་པ་ཡིས། །འདོད་པའི་དངོས་གྲུབ་སྟེར་བར་བྱེད། །དཔའ་བོ་ཐམས་ཅད་
D372.078.0211a01.01མཉམ་སྦྱོར་ལས། །རྡོ་རྗེ་སེམས་དཔའ་བདེ་བའི་མཆོག །རྡོ་རྗེ་མཁའ་འགྲོ་དེ་བཞིན་གཤེགས། །བཅོམ་ལྡན་བདག་པོས་འདི་གསུངས་སོ། །དཔལ་མཁའ་འགྲོ་རྒྱ་མཚོ་རྣལ་འབྱོར་མའི་རྒྱུད་ཀྱི་རྒྱལ་པོ་ཆེན་པོ་ལས་འཇིགས་བྱེད་ཆེན་མོའི་ནང་གི་ཕྱག་རྒྱའི་ཆོ་ག་འཆད་པའི་མཚན་ཉིད་
D372.078.0211a02.01ཀྱི་ཆོ་ག་ཞེས་བྱ་བ་སྟེ་ལེའུ་སུམ་ཅུ་རྩ་ལྔ་པའོ།། །།དེ་ནས་འདོད་མའི་རྣལ་འབྱོར་མ། །ཕྱག་རྒྱ་ཡི་ནི་བརྡ་ཡི་རྒྱུད། །སྙིང་རྗེས་བཤད་བྱ་རྣལ་འབྱོར་པའི། །མཐོང་བ་ཡིས་ནི་དངོས་གྲུབ་འགྱུར། །སྣང་བ་རྣམས་སུ་གང་ཚེ་དངོས། །དབང་པོའི་སྤྱོད་ཡུལ་དུ་མཐོང་
D372.078.0211a03.01འགྱུར། །གནག་དང་དཀར་དང་དམར་བ་དང་། །སྔོ་དང་དམར་སེར་ལྗང་གུ་དང་། །སེར་དང་སྔོ་སྐྱ་ཁྲ་བོར་སྣང་། །སྣ་ཚོགས་པ་དང་དུ་བའི་མདོག །སྔོ་དང་དམར་སེར་འདྲེས་པ་དང་། །སླར་ལ་ཡང་ནི་དཀར་ནག་མདོག །དམར་སེར་དང་ནི་ལྗང་སྔོ་སྐྱ། །སྔོ་བ་དང་ནི་
D372.078.0211a04.01དམར་བའི་མདོག །དཀར་སྔོ་དང་ནི་དམར་ལྗང་དང་། །སྤྲིན་དང་སྣ་ཚོགས་མདོག་ཅན་དང་། །སྣ་ཚོགས་དང་ནི་སེར་པོའི་མདོག །དུ་བ་དང་ནི་གསེར་མདོག་ཅན། །སེར་ལྗང་དང་ནི་ལྗང་སེར་དང་། །དམར་པོ་དང་ནི་དུང་མདོག་ཅན། །དུད་ཁ་དཀར་པོ་སྣ་ཚོགས་སྔོ། །སེར་
D372.078.0211a05.01དང་དམར་བ་བསྲེས་པ་ཅན། །དུད་ཁ་དང་ནི་སྔོ་སྐྱའི་མདོག །དཀར་དང་སྣ་ཚོགས་པའི་མདོག་ཅན། །སྐྱ་བོ་དང་ནི་དུ་བའི་མདོག །སྐྱ་དཀར་དང་ནི་དམར་སྐྱ་དང་། །སྤྲིན་དང་སྐྱ་བོ་ལྗང་སྐྱ་དང་། །སྣ་ཚོགས་པ་དང་སྐྱ་བོའི་མདོག །ཐམས་ཅད་མདོག་གི་ཁ་དོག་ཏུ། །ཁམས་བཅུ་
D372.078.0211a06.01གཉིས་ཀྱི་ཁ་དོག་ཅན། །གསེར་དང་དངུལ་དང་ཟངས་དང་ལྕགས། །འཁར་བ་དང་ནི་ར་གན་ཏེ། །ཕན་ཚུན་འདྲེས་པའི་ཁ་དོག་གིས། །བརྩེ་བ་ཆེན་པོ་དེ་བཅུ་གཉིས། །རྣལ་འབྱོར་རྣམས་ཀྱི་ཁམས་ཐམས་ཅད། །དེར་ནི་སྣང་བ་སྐྱེ་བར་འགྱུར། །དེ་ཡིས་སྣང་བའི་དུས་སུ་
D372.078.0211a07.01