完整藏文原文 · 德格版页 当前仅加载第 78 函德格 141a 版页；藏文 NFD、目录标记与异常页序保留在来源切片中，重复版页行以稳定序号区分。
སླར་ཡང་ས་བོན་གཉིས་པ་བརྗོད། །གཡས་པ་ཉི་མ་བསྐྱེད་པ་སྟེ། །ལོགས་སུ་གཉིས་ཕྱེ་མགོར་ཐིག་ལེ། །ཡ་སྡེའི་མཐའ་ཡི་ས་བོན་ནི། །བྱང་ཆུབ་སེམས་ཆེན་འབབ་ལམ་མོ། །འདི་ནི་ཕག་མོའི་ས་བོན་ཡིན། །ཨཱ་ཡི་ཡི་གེས་མཐར་བརྒྱན་པ། །བཅུ་
D372.078.0141a01.01དྲུག་ཟླ་ཕྱེད་ཉི་མས་བརྒྱན། །ཡ་སྡེའི་དང་པོའི་ས་བོན་ནི། །སྦྱོར་བས་ས་གསུམ་རླུང་ཡོན་ཏན། །དབྱངས་ཀྱི་བཅུ་གསུམ་པས་རྒྱས་གདབ། །དཀར་པོའི་ཕྱོགས་ཀྱིས་མགོ་བོར་བརྒྱན། །ཐིག་ལེ་དང་ནི་བཅས་པ་འབར། །དགའ་བ་བཞི་པོ་དག་པའོ། །པ་སྡེའི་མཐའ་མ་བདེ་
D372.078.0141a02.01བའི་གཟུགས། །ཨོ་ཡི་ཡི་གེ་ཞོན་ལྡན་པ། །མགོ་བོར་ཟླ་ཕྱེད་ཉི་མས་མནན། །ས་ཡི་ཕ་རོལ་གཞོམ་མེད་པས། །ཉི་མ་ཡི་ནི་གདན་ལ་གནས། །དབྱངས་ཀྱི་བཞི་པ་རྣ་དྲུང་བཟུང་། །མགོ་བོར་ཟླ་ཕྱེད་ཐིག་ལེས་བརྒྱན། །འདོད་ཆགས་མཐའ་ཡི་རང་བཞིན་ནོ། །ཡེ་ཤེས་ས་
D372.078.0141a03.01བོན་ཉིས་འགྱུར་དབྱེ། །སྤྲོ་བ་དང་ནི་བསྡུ་བས་སྐྱེས། །འོག་དང་སྟེང་དུ་གནས་པ་ཡིས། །མགོན་པོ་ལོངས་སྤྱོད་རྫོགས་འཛིན་པ། །སྙིང་ག་དང་ནི་ཆུ་སྐྱེས་སུ། །དོན་གྱི་ཆོ་ག་ཡོངས་རྫོགས་པའོ། །ཡོངས་སུ་སྐྲག་བྱེད་མ་ས་བོན། །པ་མཐའི་ཡི་གེ་བཟུང་ནས་ནི། །སླར་ཡང་དེ་
D372.078.0141a04.01བཞིན་བརྗོད་པར་བྱ། །ཨོ་ཌྱན་འབར་བ་འཛིན་གྲོང་གི། །བུ་གར་གཏུམ་མོ་སྦོར་བའོ། །བྱང་ཆུབ་སེམས་ཀྱིས་ས་གསུམ་འགེངས། །དེ་ལྟར་བཤད་པའི་སྔགས་གང་ནི། །རིམ་པས་ཡི་གེ་རྣམས་མི་མཐུན། །རྣལ་འབྱོར་མ་ཡི་མིང་ལྡན་པར། །ལས་དུས་དེ་ལྟར་རྟོགས་པར་
D372.078.0141a05.01བྱ། །རེ་རེའི་ཆེ་བའི་བདག་ཉིད་ནི། །ཡི་གེ་ཡི་ནི་གྲངས་ཀྱིས་སོ། །བདག་ཉིད་ཆེན་པོ་རྣམ་པར་འཕྲོ། །བྱང་ཆུབ་ཆ་ཤས་ཆ་རྒྱུའོ། །ཐོག་མར་རྣམ་སྣང་ཕྱག་འཚལ་བ། །ཆོས་ཀྱི་དབྱིངས་ནི་བྱ་བའི་གཟུགས། །ཏ་སྡེའི་ལྔ་པའི་ཡི་གེ་ནི། །ལྔ་པ་ཡི་ནི་སྡེ་ཚན་ནོ། །རྣལ་
D372.078.0141a06.01འབྱོར་མ་གཟུགས་ནམ་མཁའ་བརྟེན། །པ་མཐའི་ས་བོན་ཨོ་དབྱངས་ལྡན། །གཏི་མུག་འཇོམས་པར་བྱེད་མ་སྟེ། །རྣལ་འབྱོར་མའི་ཚོགས་སྤྲོ་བའོ། །དེ་ཡི་བཞི་པའི་ས་བོན་ནོ། །ས་གསུམ་དུ་ནི་ཁྱབ་པ་ཡི། །རྣལ་འབྱོར་མ་ནི་སྤྲོ་བའོ། །ཐོག་མའི་སྡེ་ཡི་གསུམ་པ་སྟེ། །
D372.078.0141a07.01