完整藏文原文 · 德格版页 当前仅加载第 78 函德格 261a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་བྱང་ཆུབ་རྩར། །སངས་རྒྱས་ཐམས་ཅད་དབང་དུ་འོང་། །དེ་ནས་བདུད་ནི་བཅོམ་བྱས་ནས། །གར་བྱེད་བཞིན་པས་པདྨ་འཛིན། །སྡིག་པ་ཐམས་ཅད་རབ་འཇོམས་ཤིང་། །ཆེ་སོན་པ་རྣམས་གནས་པར་བྱེད། །འདོད་པ་ཐམས་ཅད་འགྲུབ་འགྱུར་ཞིང་། །རྣལ་འབྱོར་
D372.078.0261a01.01རྣམས་ཀྱི་སྲིད་ལ་སྦྱོང་། །རང་གི་སེམས་ཀྱིས་དངོས་གྲུབ་འཐོབ། །རྣམ་རྟོག་ཉིད་དུ་མི་བྱའོ། །གཞན་དུ་སྲིད་པའི་སྦྱོར་བདག་ཉིད། །སེམས་ཐམས་ཅད་ནི་རབ་འཇུག་པ། །འཁྲུལ་ཞིང་ཆུད་ཟོས་མུ་སྟེགས་རྣམས། །བསྟན་པ་རྣམས་ལ་རབ་འཇུག་བྱ། །བག་ཆགས་ངན་པ་ཡོངས་སྤངས་
D372.078.0261a02.01ནས། །ཕྱི་ནས་རང་བཞིན་བསྟན་པར་བྱ། །བཟའ་བ་ཐམས་ཅད་མཉམ་སྦྱོར་ལས། །བཟའ་བ་མེད་པར་རྟག་ཏུ་གནས། །བཅོམ་ལྡན་པདྨ་གར་མཛད་པའི། །དེ་བཞིན་གཤེགས་པས་འདི་གསུངས་སོ། །ཞེས་བྱ་བ་ནི་པདྨ་གར་དབང་གི་ཆོ་ག་སྟེ་རབ་ཏུ་བྱེད་པ་ཉི་ཤུ་རྩ་གཉིས་པའོ།། །།
D372.078.0261a03.01དེ་ནས་རྣམ་པར་སྣང་མཛད་ཀྱི། །མཚན་ཉིད་བཤད་ཀྱིས་ལྷ་མོ་ཉོན། །གཟུགས་ལས་འདས་པའི་ཡེ་ཤེས་གང་། །དེ་ནི་ཡེ་ཤེས་ཆེན་པོར་བརྗོད། །རྣམ་པར་སྣང་བཞིན་པ་དེ་བཞིན། །སེམས་དཔའ་ཆེན་པོའི་མིང་ཅན་ནོ། །སྤུ་ཁུང་རྩེ་མོ་ཐམས་ཅད་ལས། །དེ་རྣམས་ངེས་འཐོན་སྟོབས་ཆེན་
D372.078.0261a04.01པོ། །དེ་རྣམས་བུ་གར་རབ་ཞུགས་པ། །འཁོར་ལོ་བཞི་ཡི་མཚོ་སྐྱེས་སོན། །ཇི་ལྟར་མར་ལ་མར་ཞུགས་པ། །དེ་བཞིན་དུ་ནི་ཁམས་ལ་ཞུགས། །གཡོ་བ་འགོག་པར་བྱས་པ་ཡིས། །དེ་འདྲར་ཐམས་ཅད་མཐོང་བར་འགྱུར། །གང་མཐོང་བ་ནི་དེ་མཐོང་ཉིད། །གདོང་གིས་གདོང་ནི་བལྟ་བར་གྱིས། །
D372.078.0261a05.01མི་དང་མི་མོ་ལྷ་སོགས་ཀྱི། །གཟུགས་ནི་པདྨའི་འདབ་ཆུ་བཞིན། །སྲོག་ཆེན་པོ་དེར་ཤེས་བྱ་སྟེ། །ཤི་བའི་ལུས་ལས་ངེས་པར་འཐོན། །ཨོཾ་གྱི་ཡི་གེ་ཡིད་ལ་བྱ། །དབུགས་རྒྱུ་བ་ཡིས་མཚོན་པར་བྱ། །བདག་ཉིད་ཀྱིས་ནི་ཧཱུྃ་ཡིག་སྤྲོ། །གསོར་བ་ཡི་ནི་རྣལ་འབྱོར་ལྡན། །སེམས་ལ་ཨོཾ་
D372.078.0261a06.01གྱི་ཡི་གེར་འགྱུར། །ལུས་ལ་གནས་པར་མཚོན་པར་བྱ། །ཧཾ་ཡིག་མཆོག་གི་དང་པོ་ཡིས། །ཡེ་ཤེས་དངོས་པོ་རྣམས་སུ་སྤྲུལ། །ཆོས་ཀྱི་དབྱིངས་རྣམས་ཀྱི་དབུས་སུ། །རྣམ་སྣང་མཛད་ཀྱི་བསྒོམ་པའོ། །བདུད་རྩིའི་རྒྱུན་འཛག་པ་རྣམས་ཀྱིས། །སྔགས་པ་
D372.078.0261a07.01