完整藏文原文 · 德格版页 当前仅加载第 78 函德格 212a 版页；藏文 NFD、目录标记与异常页序保留在来源切片中，重复版页行以稳定序号区分。
པོ་ལས་རླུང་ཤུགས་མའི་ཁ་དོག་གི་ཕྱག་རྒྱའི་ཆོ་གའི་མཚན་ཉིད་ཅེས་བྱ་བ་སྟེ་ལེའུ་སུམ་ཅུ་རྩ་དྲུག་པའོ།། །།དེ་ནས་རྡོ་རྗེ་ཕག་མོ་ཡིས། །ཇི་ལྟའི་ཆོ་གས་མཆོད་བྱས་པས། །ཉོན་ཅིག་ལྷ་མོ་བཤད་བྱ་བ། །བླ་མ་རང་གིས་ལྷའི་
D372.078.0212a01.01ཕྱག་རྒྱ། །འོ་བྱེད་དེ་བཞིན་ལཱ་མ་དང་། །མཁའ་འགྲོ་མ་དང་གཟུགས་ཅན་མ། །ཡོངས་འགྱུར་མ་དང་རྗེས་འཇུག་མ། །རྣལ་འབྱོར་ཕར་ཕྱིན་དྲུག་དེ་བཞིན། །ལག་པ་གཡོན་པ་ཡི་ནི་བརྡ། །རྣལ་འབྱོར་དབྱེ་བས་སྟོན་བྱེད་པ། །རེ་རེ་ལ་ཡང་རྣམ་གསུམ་འགྱུར། །
D372.078.0212a02.01དཔའ་བོའི་རྣམ་པ་གསུམ་ཉིད་དེ། །དེ་བཞིན་གཤེགས་དང་རྡོ་རྗེ་ཉིད། །ཨཱ་རོ་ལིཀ་དང་རྟ་མཆོག་དང་། །ཧེ་རུ་ཀ་རྣམས་ལག་གཡོན་ལའོ། །མཁས་པས་གཉིས་སྦྱར་རྣལ་འབྱོར་ཏེ། །སྤྱན་མ་དང་ནི་མཱ་མ་ཀཱི། །སྒྲོལ་མ་གོས་དཀར་བདག་མེད་མ། །དེ་བཞིན་རྡོ་རྗེ་དབྱིངས་
D372.078.0212a03.01དབང་ཕྱུག །ཕ་རོལ་ཕྱིན་དྲུག་ཏུ་ཤེས་བྱ། །དེ་ལྟར་རྣམ་གསུམ་ཤེས་བྱ་བ། །དཔའ་བོ་འགྲོ་བ་ཀུན་གྱི་བདག །ས་ཡི་སྙིང་པོ་ལ་སོགས་དེར། །དེ་བཞིན་མཁའ་འགྲོ་སོགས་གཙོ་བོ། །ལྷ་མོ་ལག་པའི་རྒྱབ་སོན་ཏེ། །སོར་མོ་རྣམས་ལ་དེ་བཞིན་གཤེགས། །དེ་
D372.078.0212a04.01བཞིན་ལྷ་མོ་དབུས་ཚིགས་སུ། །ལག་པའི་མཐིལ་དུ་དེ་བཞིན་གཤེགས། །དཔའ་བོ་དེ་བཞིན་སེན་སྐོགས་ལ། །ལག་གདུབ་གནས་སུ་རྣལ་འབྱོར་མ། །ལག་པའི་རྩེ་མོས་བརྡ་བྱ་སྟེ། །མཁས་པས་རྒྱབ་ཏུ་གཤེགས་གསོལ་བྱ། །གང་ཞིག་གང་གི་བདག་པོ་
D372.078.0212a05.01ཉིད། །དེ་ཡི་དེ་ཉིད་ཀྱིས་མཚོན་བྱ། །ཆང་འཐུང་མ་ཡི་རབ་སྦྱོར་བས། །ཀོ་ས་ལ་དང་སྣའི་རྩེ་མོ། །དྲན་པའི་སྟོབས་ཀྱི་བདག་ཉིད་ཀྱིས། །བཟའ་བ་དང་ནི་སྟོན་མོ་བྱ། །གཉིད་ལོག་དུས་ཀུན་ལས་སྐྱེས་པར། །ཕྱག་རྒྱ་ཆེན་པོ་ལེགས་པར་ཟུང་། །རཱ་ཧུ་དུས་མེ་ཉི་མ་རུ། །ཟོས་
D372.078.0212a06.01པ་སྣ་ཡི་རྩེར་དེ་བཞིན། །ཕྲ་མོ་གཉིས་སུ་མེད་གཟུགས་ལས། །ཡུལ་ཀྱང་བཟའ་བར་བྱས་ནས་ནི། །མེ་ཏོག་སེམས་ཀྱི་ས་བོན་ལས། །ཀྵི་ནི་བདུད་རྩིའི་སྐུད་པ་འཛག །དེ་ལྟར་ངེས་བྱེད་རྣལ་འབྱོར་པ། །ལྟེ་བའི་ཆང་སྔོན་སོང་ལས་སོ། །གཞུ་ཡི་དབྱུག་པར་སོན་
D372.078.0212a07.01