完整藏文原文 · 德格版页 当前仅加载第 78 函德格 263a 版页；藏文 NFD、目录标记与异常页序保留在来源切片中，重复版页行以稳定序号区分。
སྟོན་པ་ཅི། །སྒྱུ་མ་གཏི་མུག་གིས་ནི་རི་མོར་གནས། །སེམས་ཅན་ཐེག་པ་ད་དུང་ཉམས་བྱེད་ཅི། །དེ་ལྟར་ཡོངས་སུ་དགྱེས་པའི་མགུར། །བཅོམ་ལྡན་རང་ཉིད་ཀྱིས་གསུངས་སོ། །དེ་ཉིད་དཀྱིལ་འཁོར་རྣམས་དང་ནི། །བྱང་ཆུབ་དུས་སུ་བླང་བར་གྱིས། །དཔའ་བོ་ཐམས་ཅད་མཉམ་སྦྱོར་ལས། །རྡོ་རྗེ་སེམས་
D372.078.0263a01.01དཔའ་བདེ་བའི་མཆོག །རྡོ་རྗེ་མཁའ་འགྲོ་དེ་བཞིན་གཤེགས། །བཅོམ་ལྡན་བདག་པོས་འདི་གསུངས་སོ། །འདི་ནི་དཔལ་མཁའ་འགྲོ་རྒྱ་མཚོ་རྣལ་འབྱོར་མའི་རྒྱུད་ཀྱི་རྒྱལ་པོ་ཆེན་པོ་ལས་དེ་ཁོ་ན་ཉིད་ཉི་ཤུ་རྩ་ལྔའི་བདག་ཉིད་རྒྱུད་ཐམས་ཅད་ཀྱི་དོན་སྟོན་པ་པོ་གསང་ཆེན་ཐམས་ཅད་པ་ཞེས་བྱ་བའི་ལེའུ་སྟེ་ལྔ་བཅུ་པའོ།། །།
D372.078.0263a02.01དེ་ནས་རྣལ་འབྱོར་མ་དཔའ་བོ། །རྣམ་པ་དུ་མའི་འཁོར་གྱིས་ཀྱང་། །རྡོ་རྗེ་མཁའ་འགྲོ་ཁྱབ་པའི་བདག །བཅོམ་ལྡན་བདག་པོ་ལ་བསྟོད་པ། །ཁྱོད་ནི་འདོད་ཆགས་ཆེན་པོའི་ཚུལ། །དངོས་དང་དངོས་མེད་རང་བཞིན་ཅན། །དག་པའི་རང་བཞིན་གྱི་ནི་གཟུགས། །ཆོས་རྣམས་བསྟན་པས་ཚིམ་པར་འགྱུར། །ཆོས་
D372.078.0263a03.01དང་ཆོས་མིན་པ་ཡི་གཟུགས། །ཆོས་དང་ཆོས་པ་ཁྱོད་གཉིས་མེད། །བདག་གིས་སྤྲུལ་པའི་དངོས་པོ་ཡིས། །འཇིག་རྟེན་ཀུན་གྱིའང་དོན་ཅན་ཏེ། །བདག་ཉིད་ཆེན་པོ་སྟེར་བ་པོ། །སངས་རྒྱས་འཇིག་རྟེན་འཇུག་བྱེད་པ། །ཁྱོད་ཀྱིས་དམ་ཚིག་བསྟན་པ་སྟེ། །གཞན་མིན་དམ་ཚིག་ཉིད་ལས་བྱུང་། །བདག་
D372.078.0263a04.01གིས་བསོད་ནམས་རྗེས་བསྒོམས་པས། །བྱང་ཆུབ་མཆོག་ཏུ་ཡིད་བསྒྲུབས་སོ། །སྟོན་པ་མཆོག་ཏུ་བདེ་ལ་བཞུགས། །དེ་ཡིས་སེམས་ཅན་དོན་མཛད་པའོ། །ཧཱུྃ་གི་ཡི་གེའི་སྒྲ་སྒྲོགས་པས། །ང་རྒྱལ་ཅན་གྱི་བགེགས་སྐྲག་འགྱུར། །ཁྱོད་ཀྱིས་ཉེ་བར་བསྟེན་པས་ནི། །དེ་རྣམས་ལ་ནི་སྐྱེ་
D372.078.0263a05.01འཆི་མེད། །བདེ་བའི་རྒྱལ་པོ་ཉིད་དུ་རྩེན། །བྱང་ཆུབ་ཀྱི་ནི་ཡིད་དུ་བགྲོད། །ཁྱོད་དང་ཐབས་ཅིག་འདྲེས་པར་འགྱུར། །གོང་བུ་གཅིག་པུ་གཉིས་མེད་བཞུགས། །དེ་ལྟར་བསྟོད་པས་རྡོ་རྗེ་ཆེ། །མཆོད་པ་བཞི་ནི་རབ་སྟོན་མཛད། །དཀྱིལ་འཁོར་བདག་དང་གཉིས་མེད་ཉིད། །མཆོད་པ་རྣམས་ནི་
D372.078.0263a06.01གཉིས་མེད་བྱེད། །ཕྱི་དང་ནང་བདག་ཉིད་ཅན་རྫས། །གཉིས་པ་ཡི་ནི་མཆོད་པར་དྲན། །བཟའ་དང་བཏུང་སོགས་ལ་རོལ་པ། །གཉིས་མེད་མཆོད་པ་གསུམ་པའོ། །བཞི་པ་ཆོས་དང་རྣལ་འབྱོར་དག །འཛིན་པ་ཡི་ནི་མཆོད་པའོ། །དེ་ལྟའི་མཆོད་པ་ལ་བརྟེན་ནས། །ཐམས་ཅད་བྱས་པས་ལས་རྒྱལ་
D372.078.0263a07.01