完整藏文原文 · 德格版页 当前仅加载第 78 函德格 144a 版页；藏文 NFD、目录标记与异常页序保留在来源切片中，重复版页行以稳定序号区分。
ཨེ་ཡི་ཡི་གེས་རྣར་བརྒྱན་པ། །དཔའ་བོ་གཅིག་པུ་མི་བསྐྱོད་པའོ། །དེ་ལྟར་འཁོར་ལོ་མཁའ་རང་བཞིན། །དེ་ལྟར་རྐང་པ་དགུ་པོ་ནི། །རྣལ་འབྱོར་མ་ཚོགས་ཡི་གེ་སྟེ། །ཁམས་གསུམ་གྱི་ནི་སྔགས་རང་བཞིན། །སྔགས་ཀུན་སྤྱོད་པའི་སྦྱོར་བདག་ཉིད། །
D372.078.0144a01.01མཁའ་འགྲོའི་དམ་ཚིག་ལ་བཞུགས་ནས། །དངོས་གྲུབ་ཐམས་ཅད་རབ་སྩོལ་བའི། །བཅོམ་ལྡན་ལྷ་ཡིས་འདི་གསུངས་སོ། །འཁོར་ལོ་གསུམ་པའི་ནུས་པ་ཡིས། །ཇི་ལྟར་འདོད་པའི་ལས་བྱའོ། །རྣལ་འབྱོར་རྣམས་ཀྱི་ལས་དུས་སུ། །སྒྱུ་མས་ཐམས་ཅད་རྨོངས་པར་བྱ། །
D372.078.0144a02.01རྡོ་རྗེ་མ་བདག་སླར་ལངས་ནས། །འཁོར་ལོ་གཞན་གྱི་རྣལ་འབྱོར་ལྡན། །མཆོག་ཏུ་མི་འགྱུར་གཙོ་བོ་ལ། །བདག་མེད་མ་ཡིས་དམ་འཁྱུད་དོ། །ཏ་ཡི་སྔགས་ཀྱིས་གཉིས་པ་སྦྱོར། །དྱ་གནས་མེ་དང་རླུང་ས་བོན། །བདེ་བ་ཆེན་པོའི་འདོད་ཆགས་ཆེ། །དེ་ཡི་གཉིས་པའི་ས་
D372.078.0144a03.01བོན་ནི། །ཨཱ་ཡི་ཡི་གེས་དགང་བའོ། །འབྱུང་བ་ཆེན་པོ་བཞི་རང་བཞིན། །པ་ཡིག་ར་ཡིག་ཨོ་ཡིག་སྦྱར། །གསུམ་པོ་རླུང་གི་རང་བཞིན་ནོ། །ཏ་ཡི་ཡི་གེ་ཨྃ་ཡིག་ལྡན། །སླར་ཡང་རྣམ་ཤེས་ས་བོན་ནོ། །ཀ་ཡི་སྡེ་ཡི་དབུས་གནས་པ། །ཨེ་ཡི་ཡི་གེས་རྣམ་པར་བརྒྱན། །
D372.078.0144a04.01རྣལ་འབྱོར་མའི་ཕྱག་རྒྱ་རང་བཞིན། །སླར་ལ་ཡང་ནི་བརྗོད་པར་བྱའོ། །ཚིག་འདི་ཐབས་ཤེས་དབྱེར་མེད་དངོས། །ས་མཐའ་དང་ནི་ན་ཡི་སྔགས། །སླར་ལ་ཡང་ནི་བརྗོད་པར་བྱ། །སྐྱེད་ཅིང་སྡུད་པར་བྱེད་གཟུགས་སོ། །པ་ར་ཨཱ་ཡིག་ས་བོན་གཅིག །དོན་དམ་པ་ཡི་ཡི་
D372.078.0144a05.01གེའོ། །ཊ་མཐའ་ཨཱ་ཡི་ཡི་གེ་ལྡན། །གཞོམ་དུ་མེད་ལས་སྐྱེས་པའོ། །ཏ་ཡི་མཐའ་མ་ཀུན་འཇོམས་པའོ། །ཀ་ཀ་དང་ནི་ཎི་གནས་ལ། །དབྱངས་གསུམ་སྦྱར་ཞིང་ཐིག་ལེ་སྦྱིན། །རྣལ་འབྱོར་མ་ཀུན་འབོད་པའོ། །དེ་བཞིན་དུ་ནི་ཁ་ཁ་དང་། །གསུམ་པ་ཎ་རུ་གནས་པ་ཨི། །
D372.078.0144a06.01དུབ་པ་སེལ་བར་བྱེད་པའི་རྒྱུ། །དྷུ་ན་ཡི་ནི་སྔགས་ཀྱི་ཚིག །ལན་གཉིས་སུ་ནི་བརྗོད་པར་བྱ། །རྟོག་པ་ཐམས་ཅད་འཇོམས་པར་བྱེད། །ཡ་སྡེའི་མཐའ་མ་ཡི་ནི་སྔགས། །རྡོ་རྗེའི་བུ་གར་བརྒྱན་པའོ། །ཙ་སྡེའི་དབུས་གནས་ས་བོན་ནི། །ར་ཡི་སྟན་ལ་ཡོངས་སུ་གནས། །གཏི་མུག་
D372.078.0144a07.01