完整藏文原文 · 德格版页 当前仅加载第 78 函德格 263b 版页；藏文 NFD、目录标记与异常页序保留在来源切片中，重复版页行以稳定序号区分。
པོར། །འགྱུར་རོ་རྡོ་རྗེ་མཁའ་འགྲོ་ནི། །གྲུ་གསུམ་དུ་ནི་མཉེས་བྱ་སྟེ། །སྔོན་དུ་དཀྱིལ་འཁོར་བྱས་ནས་ནི། །ལག་པ་གཡོན་པས་ཐམས་ཅད་དུ། །པདྨ་ཡི་ནི་བསྐོར་ནས་སྣོད། །སྔགས་པ་རྣམས་ཀྱིས་གཟུང་བར་བྱ། །སྔོན་དུ་རྣལ་འབྱོར་མ་ལ་ནི། །སྐྲ་གྲོལ་བ་ཡིས་གཏོར་མ་སྦྱིན། །རྣལ་འབྱོར་མ་ཀུན་ཆུ་སྐྱེས་ནི། །
D372.078.0263b01.01ཁ་ཡིས་བཟུང་ནས་དཀྲུག་པར་བྱ། །དེ་ཡི་ལག་པར་སོན་པའི་དཔལ། །གང་སུ་ཡིས་ཀྱང་དབྲོག་མི་ནུས། །ཇི་ལྟར་བདེ་བས་བདེ་བ་གཟུང་། །རྫོགས་པའི་སངས་རྒྱས་མཆོག་མཉེས་བྱ། །རྟག་ཏུ་དམ་ཚིག་བསྐྱང་བར་བྱ། །སྤུན་གྱི་སྤྱོད་པའང་བསྟེན་པར་བྱ། །སྙིང་རྗེའི་མཆོག་དབང་གྱུར་བྱ་ཞིང་། །དབང་པོ་རྣམས་ནི་མི་རྟག་
D372.078.0263b02.01པར། །བསྒོམ་བྱ་སྣང་བ་མེད་པ་ཡི། །རང་བཞིན་དབང་དུ་གྱུར་པར་གནས། །རྡོ་རྗེ་པདྨ་སྙོམས་འཇུག་པས། །ཕྱག་རྒྱ་ནང་གི་བདག་ཉིད་མཆོག །སྟོང་ཉིད་གཉིས་མེད་རྣལ་འབྱོར་པས། །དངོས་པོ་ཐམས་ཅད་སྤང་བར་བྱ། །དོན་དམ་ཅན་དེ་ཉིད་འདིར་བྱ། །རྟག་ཏུ་བྱང་ཆུབ་སེམས་དྲན་བྱ། །མན་ངག་གཅིག་ནི་བསྒོམས་
D372.078.0263b03.01པ་ཡིས། །མན་ངག་ཐམས་ཅད་མཚོན་པར་བྱ། །ཇི་ལྟར་ས་གཅིག་ཐོབ་པ་ཡིས། །ས་ཐམས་ཅད་ནི་འཐོབ་པར་འགྱུར། །དེ་བཞིན་མན་ངག་ཐམས་ཅད་ཀྱང་། །མན་ངག་གཅིག་གིས་འཐོབ་པར་འགྱུར། །བྱིས་པ་རྣམས་དང་རྒན་པོ་དང་། །རྣལ་འབྱོར་མ་རྣམས་ཐམས་ཅད་དུ། །མཉམ་པའི་མཆོད་པའི་ཆོ་
D372.078.0263b04.01ག་ཡིས། །མཁས་པ་ཡིས་ནི་བྱ་བ་ཡིན། །མི་མཉམ་པ་ཡིས་དངོས་གྲུབ་འཇོམས། །དམྱལ་བ་སོགས་པར་ལྟུང་བར་འགྱུར། །རྒན་པོ་ཡོན་ཏན་ཀུན་གནས་པ། །དེ་རྣམས་མཉེས་པས་བྱང་ཆུབ་སྟེར། །ཁྱད་པར་མཆོད་པ་ཉིད་ནི་འདིར། །བྱིས་པ་རྣམས་དང་དེ་བཞིན་ཡང་། །གཉིས་བཅས་རྣལ་འབྱོར་
D372.078.0263b05.01པ་རྣམས་ཀྱིས། །མེ་ཏོག་བསྐོར་བ་ལ་སོགས་བྱ། །ཀུན་དུ་སྨོད་པའི་ངག་མི་བྱ། །འདོད་དང་འདོད་མིན་སྦྱོར་བྲལ་བྱ། །མ་བྱིན་པར་ཡང་བླང་བྱ་ཞིང་། །རྟག་ཏུ་སྲོག་ཆགས་གསད་པར་བྱ། །སེམས་ཅན་རྣམས་ལ་{བརྫུན་,རྫུན་}སྨྲ་ཞིང་། །མ་སོགས་རྣལ་འབྱོར་མ་ལ་བགྲོད། །འཁོར་ལོ་མཆོད་པ་རྒྱུན་དུ་བྱ། །བཟའ་བྱ་ལྔ་ལ་
D372.078.0263b06.01སོགས་པ་སྦྱིན། །དེ་ཡི་བསོད་ནམས་ཀྱིས་འཐོབ་པ། །དུས་ཐམས་ཅད་དུ་བགེགས་མེད་དང་། །གྲུབ་པའི་རྣལ་འབྱོར་མ་མཐོང་བས། །བསམ་པ་གཞན་ནི་རབ་ཏུ་འཇུག །དཔའ་བོ་ཐམས་ཅད་མཉམ་སྦྱོར་ལས། །རྡོ་རྗེ་སེམས་དཔའ་བདེ་བའི་མཆོག །རྡོ་རྗེ་མཁའ་འགྲོ་དེ་བཞིན་གཤེགས། །བཅོམ་ལྡན་བདག་
D372.078.0263b07.01