完整藏文原文 · 德格版页 当前仅加载第 78 函德格 234b 版页；藏文 NFD、目录标记与异常页序保留在来源切片中，重复版页行以稳定序号区分。
དེའི་རང་བཞིན་དུ་བྱ། །མགོ་བོའི་དབུས་ལས་ངེས་པར་ཡང་། །འོག་ཏུ་ཁ་བལྟས་འབབ་འགྱུར་འགྲོ། །དེའི་དབུས་ཕྱོགས་སུ་ཕུན་ཚོགས་པ། །རྣལ་འབྱོར་པ་དེ་སྲིད་མཐར་འགྲོ། །ཨ་བ་དྷཱུ་ཏཱི་དུས་གྲངས་སུ། །ཇི་ལྟར་གསལ་བར་བཤད་པར་འགྱུར། །ཟླ་ཕྱེད་ལོ་གསུམ་
D372.078.0234b01.01ཤེས་བྱ་བ། །སྐྱེ་བོའི་དུས་སུ་འཆི་བ་ཡིན། །ལོ་བརྒྱ་རྣམས་ཀྱི་གང་ཞིག་ཚད། །དེ་རྣམས་དབུས་སུ་བརྟག་པར་བྱ། །རོ་མ་རྐྱང་མ་གཉིས་དག་གིའང་། །སྐྱེ་བའི་ཟླ་བ་ཉིད་མཚོན་བྱ། །ཟླ་བ་ཟླ་བར་འཇོམས་འགྱུར་བ། །ཉི་ཤུ་རྩ་བཞིའི་ཆ་ཅན་ནོ། །དབུགས་ནི་གཅིག་
D372.078.0234b02.01གི་གྲངས་ཀྱང་ནི། །དེ་ཕྱིར་ལོ་གཉིས་ལས་གཉིས་འགྱུར། །སུམ་འགྱུར་སོགས་པས་ཐམས་ཅད་རྣམས། །དེ་ནས་ཉི་ཤུ་རྩ་བཞིའི་འགྱུར། །མཁའ་བུག་མིག་ཏུ་ཤེས་པར་བྱ། །ཕྱི་ནས་ཆུ་ཚོད་རྣམས་སུ་འགྲོ། །ལོ་ནི་བཅུ་གཉིས་བར་དུ་ནི། །ལྔ་ལྔ་ཡི་ཡང་ཆུ་ཚོད་དོ། །
D372.078.0234b03.01དྲུག་ཅུའི་ལོ་ནས་ཉི་མ་འཕེལ། །སུམ་ཅུ་རྩ་བདུན་ཟླ་ཕྱེད་གསུམ། །ལྔ་ལྔ་རུ་ནི་འཕེལ་བ་རྣམས། །ཉིན་མོའི་ཆུ་ཚོད་ཨང་ཀ་བྱ། །སྐྱེ་བོ་ཀུན་གྱི་འཆི་བ་ནི། །ཟླ་ཕྱེད་གསུམ་དང་ལོ་ན་ཤེས། །ཉི་ཤུ་རྩ་བཞིའི་ལོ་རྣམས་ཀྱིས། །གང་ཕྱིར་མི་རྣམས་དཔྱོད་ལྡན་འགྲོ། །ས་ཡི་
D372.078.0234b04.01ཁྱིམ་དུ་ཞུགས་ནས་ནི། །ཡིད་ཀྱིས་འཆི་བ་བླུ་བ་སྟེ། །དཔལ་ཧེ་རུ་ཀ་གནས་ཞུགས་པའི། །ཐོད་པའི་དུམ་བུ་བསམ་པར་བྱ། །བགྲང་བའི་རིམ་པའི་རྣལ་འབྱོར་གྱིས། །ཉིན་ཞག་ཆུ་ཚོད་མཚོན་པར་བྱ། །ཇི་ལྟའི་དུས་སུ་མཚན་པ་ཡིས། །རིམ་གྱིས་རིམ་གྱིས་བྱ་བ་ཡིན། །
D372.078.0234b05.01བྱང་དུ་བགྲོད་པའི་དུས་ཚོད་དུ། །ལྷ་མོ་རྒྱལ་སོགས་རིམ་པའོ། །བཅུ་ལ་གཉིས་ཀྱིས་བསྒྱུར་དང་བཞི། །མཁས་པས་ཉི་མའི་ཆུ་ཚོད་དོ། །མཉམ་པའི་དུས་སུ་ཤེས་བྱ་བ། །རང་གི་དུས་སྦྱོར་དུ་འཆད་འགྱུར། །བཅུ་པོ་གསུམ་དང་དྲུག་པོ་སྟེ། །མཚན་མོའི་ཆུ་ཚོད་རྩོམ་
D372.078.0234b06.01པར་བྱེད། །བརྒྱ་ལ་དུས་ཀྱི་བྱེ་བྲག་གིས། །དེ་ཡི་དབུས་ལས་ཤེས་པར་བྱ། །བཅུ་ལ་གཉིས་ཀྱིས་བསྒྱུར་དང་དྲུག །ཉིན་རྣམས་ཆུ་ཚོད་ཨང་ཀ་བྱ། །བཅུ་ལ་གསུམ་གྱིས་བསྒྱུར་དང་བཞི། །མཚན་མོའི་ཆུ་ཚོད་དུ་ནི་བརྟག །བཅུ་ལ་གཉིས་ཀྱིས་བསྒྱུར་དང་བརྒྱད། །ཉི་མ་
D372.078.0234b07.01