完整藏文原文 · 德格版页 当前仅加载第 78 函德格 214b 版页；藏文 NFD、目录标记与异常页序保留在来源切片中，重复版页行以稳定序号区分。
ཡིས། །རྟག་ཏུ་ཧཱུྃ་ཡིག་གཞོམ་མེད་པའོ། །བརྒྱད་པར་དེ་བཞིན་དུ་ནི་འདིར། །སླར་ཡང་ཡི་གེ་ཀུན་དབང་ཕྱུག །བཞི་བཅུ་པ་རུ་ཛ་ཡིག་སྟེ། །བཅུ་དྲུག་པ་ལ་བྷ་ཡིག་གོ། །ཉི་ཤུ་པ་ལ་ཨཱའི་ཡི་གེ། །ཉི་ཤུ་བཞི་པར་ག་ཡིག་གོ། །ཉི་ཤུ་དྲུག་པར་ན་སླར་སྦྱིན། །སུམ་ཅུ་པ་ལ་
D372.078.0214b01.01ཝཱན་སྦྱར་བྱ། །སུམ་ཅུ་བཞི་པར་ཡ་སྦྱིན་ཏེ། །རཱ་ཡིག་སུམ་ཅུ་དྲུག་དེ་བཞིན། །བཞི་བཅུ་གཉིས་པར་ཧཱུྃ་སྦྱིན་བྱ། །རྡོ་རྗེ་འཁྲུལ་འཁོར་བསྡུས་པའོ། །དུམ་བུ་བཅུ་གཉིས་རྣམས་ལ་ནི། །བསྒྲུབ་པར་བྱ་བའི་མིང་གཞུག་བྱ། །ཧཱུྃ་ཡིག་དུམ་བུ་ཐམས་ཅད་ཀྱི། །བསྒྲུབ་བྱ་རྣམས་ཀྱི་
D372.078.0214b02.01དབུས་སུ་བྲི། །རྩ་བའི་སྔགས་ཀྱིས་ཡོངས་སུ་བསྐོར། །རྡོ་རྗེ་ཡི་ནི་ཕྲེང་བ་བྱ། །འཁོར་ལོ་ཟུང་ནི་བྲི་བྱ་སྟེ། །དབང་ལ་ཁམ་ཕོར་ས་མཐིལ་ལའོ། །འཁྲུལ་འཁོར་རྡོ་རྗེ་ལས་བྱུང་བ། །དབང་གི་རྫས་ཀྱིས་ཡང་དག་བྲི། །སངས་རྒྱས་རྡོ་རྗེ་འཆང་བ་ཡང་། །དེ་ཚེ་མྱུར་དུ་བྱོན་པར་འགྱུར། །
D372.078.0214b03.01བདུད་རྩི་ལྔ་རྣམས་ཕབ་པ་ལས། །དམ་ཚིག་དེར་ནི་བྱ་བ་ཡིན། །ནང་གི་བདག་ཉིད་སྦྱིན་སྲེག་གིས། །སྔགས་ཀྱི་གཙོ་མོ་ཤེས་པར་བྱ། །དཔའ་བོ་གཉིས་མེད་སྦྱོར་བ་ཡིས། །དེ་ལས་ལས་མཆོག་བཤད་པར་བྱ། །རྣལ་འབྱོར་རྣམས་ཀྱི་གསང་མཆོད་པ། །རྟག་ཏུ་འཁྱུད་པས་
D372.078.0214b04.01མཆོག་རབ་བྱེད། །མཚན་མོ་ཀུན་དུ་སྒྲུབ་པ་པོ། །དེ་ནས་ཕོ་ཉ་མཆོད་པར་བྱ། །ཤ་ཟའི་རྩ་བ་ཁར་བཅུག་ནས། །ཇི་སྲིད་འདོད་པའི་བར་དུ་ནི། །དེ་སྲིད་ལིང་ག་ལས་རུང་འགྱུར། །གཞན་དུ་ང་ཡིས་མ་བཤད་དོ། །ས་ཡི་ལྕུག་མ་ཏིལ་མར་དུ། །བཙོས་པས་རྐང་པ་བྱུག་པར་བྱ། །
D372.078.0214b05.01མཁས་པ་དེ་ཡི་མཚན་མ་ནི། །དུས་ཐམས་ཅད་དུ་རེངས་པ་མཁས། །པཱ་ཐ་ཀ་ཊུ་ཀ་རོ་ཧི་ནི། །རྟ་ཡི་དྲི་དང་འདི་རྣམས་ནི། །ཆ་རྣམས་མཉམ་པར་བྱ་བ་སྟེ། །བརྩེ་ཆེན་ཆོ་གའི་ལྷག་མ་ནི། །ཨརྐའི་འོ་མ་དང་བཏགས་ནས། །དེ་ཡིས་ལིང་ག་དྲིལ་ཕྱིས་བྱ། །གང་གི་ཚད་དུ་འདོད་པ་
D372.078.0214b06.01ཡི། །དེ་ཡི་ཚད་དུ་འགྱུར་ཞེས་བྱ། །མྱུར་བ་རུ་ནི་ཆུ་དྲོན་གྱིས། །བཀྲུ་བ་བྱས་ན་སྔོན་གྱི་ཚད། །པདྨ་དཀར་པོའི་ཀེ་ས་ར། །སྦྲང་དང་བཏགས་པའི་བྱུང་བ་ནི། །བྱིན་ན་ལིང་ག་བརྟན་པ་རུ། །དེ་འགྱུར་འདོད་མ་ལ་སྤྱོད་དོ། །པདྨ་དཀར་པོའི་གེ་སར་ནི། །ཏིལ་དཀར་པོ་དང་དེ་བཞིན་གཞན། །
D372.078.0214b07.01