完整藏文原文 · 德格版页 当前仅加载第 78 函德格 252b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་རྣམས་ཀྱིས་ནི་བརྒྱན། །དེ་བཞིན་དྲིལ་བུའི་སྐ་རགས་སོ། །ལྷ་ནི་སྒོ་དང་གྲྭ་རྣམས་སུ། །ཕྱོགས་བརྒྱད་རྣམས་སུ་བྱ་བ་ཉིད། །ཇི་ལྟར་རྣལ་འབྱོར་པའི་མཚོན་བྱ། །དེ་རྣམས་ཞལ་ནས་རྩེ་མོ་འཐོན། །བུམ་པ་སོགས་དང་ཞལ་གཉིས་ལའང་། །སྟེང་དུ་རང་རིགས་མཚན་
D372.078.0252b01.01མ་ཅན། །འདི་འདྲ་བ་ཡི་དྲིལ་བུ་ཆེ། །ཚད་ནི་གཞན་དུ་བཤད་པ་ཡིན། །དེ་ནི་ནང་གི་གཟུགས་ཅན་དག །དེ་ཕྱིར་སྒྲ་ནི་རྣམ་མཚོན་བྱ། །ཐིག་ལེའི་གཟུགས་ནི་ཁྱབ་བདག་ཆེ། །རྡོ་རྗེའང་དེ་དང་མཉམ་པར་བྱ། །དེ་ལྟར་རལ་པའི་སྦྱོར་བ་ལས། །སེམས་ཅན་ཐམས་ཅད་བསྒྲུབ་
D372.078.0252b02.01པར་བྱ། །རལ་ཅན་དྲིལ་བུར་ཡང་དག་གྲགས། །རྡོ་རྗེ་རྡོ་རྗེར་བརྗོད་པར་འགྱུར། །རྡོ་རྗེ་རལ་ཅན་བདག་ཉིད་ཀྱིས། །དཀྱིལ་འཁོར་དུ་ཡང་བསྒོམ་པར་བྱ། །རྣལ་འབྱོར་མ་དང་མཁའ་འགྲོ་ཀུན། །དེ་ཚེ་ནང་དུ་མངོན་པར་གཞུག །ཐམས་ཅད་གཉིས་པ་ཡོངས་སྦྱོར་ལས། །
D372.078.0252b03.01རྡོ་རྗེ་རལ་པ་ཅན་བྱུང་བ། །རྡོ་རྗེ་དྲིལ་བུར་ཡང་དག་བརྟེན། །བཅོམ་ལྡན་དཔའ་བོས་འདི་གསུངས་སོ། །ཞེས་བྱ་བ་ནི་རྡོ་རྗེ་རལ་པ་ཅན་གྱི་ཆོ་ག་སྟེ་རབ་ཏུ་བྱེད་པ་བཅུ་པའོ།། །།དེ་ནས་གཞན་གྱི་སྦྱོར་བ་ཆེ། །དཔའ་བོ་ཆེན་པོའི་རབ་སྦྱོར་བས། །བདག་གིས་མངོན་
D372.078.0252b04.01སུམ་དུ་བཤད་ཀྱིས། །རྣལ་འབྱོར་མ་ཀུན་མཉན་པར་གྱིས། །ལུས་ཅན་ཀུན་གྱི་ལུས་གང་ལ། །གནད་ནི་སྟོང་ཕྲག་གནས་པ་སྟེ། །དེ་རྣམས་ལ་ཡིག་དགོད་པ་ནི། །ཀ་སོགས་ཧ་ཡིག་མཐར་དེ་བཞིན། །ཡོན་ཏན་ལ་སོགས་དབྱངས་རྣམས་ཡིག །ཁམས་རེ་རེ་ལ་ཡི་གེ་རྣམས། །
D372.078.0252b05.01སླར་ཡང་ཕྱི་མོ་བཅུ་གཉིས་ཀྱིས། །མཁས་པ་རྣམས་ཀྱིས་དབྱེ་བར་བྱ། །གཏུམ་མོ་སྟོང་ཕྲག་བདག་ཉིད་ཅན། །མཚམས་ཀུན་དུ་ནི་གནས་པ་འབར། །ཁམས་ཐམས་ཅད་ཀྱི་བདེ་གནས་ལས། །དཔའ་བོའི་ལོངས་སྤྱོད་འཐོབ་པར་འགྱུར། །འོད་ཟེར་དེ་རྣམས་ཀྱིས་བཀུག་པ། །
D372.078.0252b06.01བྱང་ཆུབ་སེམས་དཔའི་རིགས་ཆེན་པོ། །བདག་མེད་པ་ཡིས་བདག་ཏུ་གཞག །གཉིས་མེད་ཆོས་འབྱུང་ནང་དུའོ། །དེ་ལྟར་སྟོང་ཕྲག་གི་ནི་ལྕེ། །དཔའ་བོ་ཆེན་པོའི་གོ་འཕང་གནས། །སྨན་ཐམས་ཅད་དང་ཉེ་བ་ཡིན། །སྦས་པའི་བཅུད་ལེན་གསུངས་པའོ། །ཕྱི་རོལ་རྣམས་
D372.078.0252b07.01