完整藏文原文 · 德格版页 当前仅加载第 78 函德格 218b 版页；藏文 NFD、目录标记与异常页序保留在来源切片中，重复版页行以稳定序号区分。
བདག་ཉིད་བསད་པས་སངས་རྒྱས་ཉིད། །སྐྱེ་བོ་གཞན་ཀུན་གྱིས་མ་ཡིན། །དུས་ཀྱི་དབང་གིས་རྒྱལ་སྲིད་ན། །ཚེགས་ཆུང་ལས་ནི་འགྲུབ་པར་འགྱུར། །དེ་ཡི་ཕྱིར་ན་སྔོན་གྱི་ལས། །མཁས་པ་རྣམས་ཀྱིས་བརྟགས་བྱས་ནས། །ཁམས་ནི་དཔའ་བོའི་རང་བཞིན་
D372.078.0218b01.01དུ། །དེ་དང་དེར་ནི་གདགས་པར་བྱ། །དེ་ཡིས་བདག་ཉིད་བསད་པ་ཡིས། །སེམས་ཅན་ཁམས་རྣམས་དེ་ཉིད་དོ། །འབད་པས་བརྩེ་བ་བསྐྱེད་བྱས་ནས། །ངེས་པར་གསད་པར་བྱ་བ་ཡིན། །འཇིག་རྟེན་འདི་དང་ཕ་རོལ་དུ། །བརྩེ་བ་དམན་པས་འགྲུབ་མི་འགྱུར། །
D372.078.0218b02.01དཔའ་བོ་ཐམས་ཅད་མཉམ་སྦྱོར་ལས། །རྡོ་རྗེ་སེམས་དཔའ་བདེ་བའི་མཆོག །རྡོ་རྗེ་མཁའ་འགྲོ་དེ་བཞིན་གཤེགས། །བཅོམ་ལྡན་བདག་པོས་འདི་གསུངས་སོ། །དཔལ་མཁའ་འགྲོ་རྒྱ་མཚོ་རྣལ་འབྱོར་མའི་རྒྱུད་ཀྱི་རྒྱལ་པོ་ཆེན་པོ་ལས་རྟ་རྣ་མ་དང་དཔའ་བོ་
D372.078.0218b03.01གཉིས་སུ་མེད་པའི་སྦྱོར་བས་གོ་ཆ་དང་རྩ་བའི་སྔགས་ཀྱི་ཆོ་གའི་མཚན་ཉིད་ཀྱི་བསད་པ་ཞེས་བྱ་བ་སྟེ་ལེའུ་བཞི་བཅུ་པའོ།། །།དེ་ནས་སྨྱོ་བར་བྱེད་པ་ཡི། །སྦྱོར་བ་ཀུན་དུ་རྙེད་དཀའ་བ། །བྱ་གདོང་མ་ཡི་རབ་སྦྱོར་བས། །མདོར་བསྡུས་པ་ཡིས་བཤད་པར་
D372.078.0218b04.01བྱ། །བརྩོན་འགྲུས་བྱང་ཆུབ་ཡན་ལག་ཆོས། །ཧི་མཱ་ལ་ཡར་ཡང་དག་ཞུགས། །ལྟེ་བའི་དཀྱིལ་འཁོར་དབུས་སུ་ནི། །འཁོར་ལོའི་གཙོ་མོ་བསྒོམ་པར་བྱ། །མཁའ་གཟུགས་ཉིད་བདག་ཕོ་ཉ་མོ། །རྐན་དང་རྡོ་རྗེ་ཆུ་སྐྱེས་དབུས། །རྣམ་ཤེས་རླུང་དང་ལྷན་ཅིག་ཏུ། །མདའ་
D372.078.0218b05.01ཡི་ཤུགས་ཀྱིས་གྱེན་དུ་འཕངས། །ལུས་ནི་འདར་འདར་བྱ་བ་སྟེ། །དྲག་ཤུལ་སྦྱར་བས་བྱ་བ་ཡིན། །རྟག་ཏུ་བྱེད་བཞིན་རྣལ་འབྱོར་པ། །མཆོག་ཏུ་ཟག་མེད་འགྲུབ་པར་འགྱུར། །རྣལ་འབྱོར་ཇི་སྲིད་མི་འདོད་པར། །རླུང་དང་རྣམ་ཤེས་གཡོ་མི་འགྱུར། །སྣ་ཡི་བུ་གར་
D372.078.0218b06.01སོན་སྲོག་ལ། །ལྟེ་བའི་དབུས་སུ་བསྐྱོད་པར་བྱ། །ལྟེ་བ་སྣ་གཉིས་སྦྱོར་བ་ཡིས། །འཛིན་བཞིན་པ་ཡིས་གཡོ་མི་འགྱུར། །རླུང་དང་རྣམ་ཤེས་ལྷན་ཅིག་ཏུ། །དེ་ནི་སྨྱོ་བས་འཁོར་བ་ཡིན། །དེའི་དུས་སྦྱོར་བའི་བདག་ཉིད་ལའང་། །དངོས་པོ་ཐམས་ཅད་མཐོང་བ་གང་། །
D372.078.0218b07.01