完整藏文原文 · 德格版页 当前仅加载第 78 函德格 240b 版页；藏文 NFD、目录标记与异常页序保留在来源切片中，重复版页行以稳定序号区分。
ལྟའི་ལས་སོགས་ཡོངས་སྤྱོར་བ། །གཏོར་མའི་ལས་སོགས་ཡོངས་སྦྱར་བྱ། །ཞི་དང་རྒྱས་དང་དབང་དང་ནི། །དགུག་དང་གསད་དང་དབྱེ་བ་དང་། །རེངས་པ་གཏོར་མའི་དེ་ཉིད་ཀྱིས། །རྣལ་འབྱོར་རྣམས་ཀྱི་ལས་རྣམས་ཀུན། །བསྒྲུབ་བྱའོ་ཡེ་ཤེས་ལྕགས་ཀྱུ་ཡིས། །
D372.078.0240b01.01རང་གི་འདོད་པའི་ལྷ་ཚིམ་བྱ། །ཞིང་དང་གནས་དང་དེ་བཞིན་གྲོང་། །གྲོང་ཁྱེར་རམ་ནི་རི་བོ་རུ། །འབྱུང་པོ་མང་པོ་རབ་ཏུ་བསྡུ། །དེ་ཡི་ཚོགས་ནི་འདུ་བའོ། །རྩ་ཐམས་ཅད་ཀྱི་ཀུན་སྤྱོད་ཀྱིས། །དེ་ཡི་སྲོག་ཀྱང་བསྡུ་བའོ། །རང་གི་མདུད་པའི་གནས་འདུས་པ། །དེ་ནས་
D372.078.0240b02.01ལྟེ་བ་སྙིང་གར་འདོད། །རྣལ་འབྱོར་མ་ལ་གུས་འདུད་པས། །སྒྲུབ་པ་པོས་ནི་མཆོག་འཐོབ་འགྱུར། །རྟག་ཏུ་གནས་དང་ཉེ་གནས་སུ། །སྡོད་ལ་ལྷ་ཡིས་མཆོག་སྟེར་འགྱུར། །གནས་དེར་ཉམས་པ་དང་ལྡན་པ། །སྔོན་གྱི་ཆོ་གས་བསྒྲུབ་པར་བྱ། །བུག་རྡོལ་དང་ནི་རྒས་པ་དང་། །
D372.078.0240b03.01ཤུ་བ་མཛེ་སོགས་སྤང་བ་ནི། །འབྱུང་པོའི་ཉི་མ་ཐོབ་བྱས་ནས། །དེ་ལྟར་ལེགས་མཉམ་བཞག་པས་བསྒྲུབ། །ལྷ་ཡི་ཆུ་ཡིས་ཁྲུས་བྱས་ཏེ། །ཁྱད་པར་དུ་ཡང་བདུད་རྩི་ལྔས། །ཡན་ལག་མར་ནག་ཆེན་པོས་བྱུག །དེ་ཉིད་ཀྱི་ནི་བདུག་སྤོས་སྦྱིན། །ངེས་པར་གྲུ་བཞི་གྲུ་གསུམ་
D372.078.0240b04.01པའི། །དབུས་སུ་འབད་པས་བྱ་བ་ཡིན། །ཇི་ལྟ་བར་ནི་སྔོན་བཞིན་དུ། །སངས་རྒྱས་ཐམས་ཅད་གསན་དུ་གཞུག །གད་མོ་རྣམ་པ་བརྒྱད་བྱ་སྟེ། །ཧཱ་ཧཱ་ཧཱི་ཧཱི་ཧཱུ་ཧཱུ་ཧེ་ཧཻ། །ཞེས་བྱ་སྒྲུབ་པ་པོ་ཡིས་སོ། །མེ་ཡི་ས་བོན་ཡང་དག་ཞོན། །རླུང་གིས་སུ་ནི་ཕྱེ་བ་ཡི། །སྤྱི་བོའི་གཙུག་
D372.078.0240b05.01ཏུ་སྦྱར་བྱས་ནས། །ས་ཡི་མཐིལ་དུ་མཆོད་བྱས་ནས། །སྐྱེ་གནས་དབུས་སུ་དགོད་བྱ་སྟེ། །འབད་པས་ཞུ་བ་བལྟ་བར་བྱ། །སྐྱེ་གནས་དབུས་སུ་རིམ་ཇི་བཞིན། །བདག་ཉིད་བསམ་བྱ་རྣལ་འབྱོར་པས། །ཕོ་ཉའི་འོད་ཟེར་ཀུན་ནས་འཁྲིགས། །འབར་བའི་ཕྲེང་བ་རྒྱ་མཚོ་བལྟ། །
D372.078.0240b06.01དེ་ལྟར་རྣམ་པར་བསམ་གྱུར་པས། །རྣལ་འབྱོར་ཐམས་ཅད་བདེ་བའི་གནས། །རྡོ་རྗེ་མཁའ་འགྲོ་དེ་བཞིན་གཤེགས། །བཅོམ་ལྡན་བདག་པོས་འདི་གསུངས་སོ། །ཞེས་བྱ་བ་ནི་ཀེང་རུས་ཀྱི་ཆོ་ག་སྟེ་རབ་ཏུ་བྱེད་པ་གསུམ་པའོ།། །།དེ་ནས་མཆེ་བ་རྣམ་གཙིགས་
D372.078.0240b07.01