完整藏文原文 · 德格版页 当前仅加载第 78 函德格 210a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་མངོན་ཚུལ་བདག་ཕྱག་རྒྱའི་ལན། །གང་ཞིག་གང་གི་མདོག་དང་དྲི། །དེ་ཡི་དེ་ལྟར་ཚུལ་དྲན་བྱ། །ས་སྲུང་མ་ཡི་རབ་སྦྱོར་བས། །ཀཱ་མ་རུ་པ་ཤེས་རབ་དབང་། །སེམས་ཅན་ཀུན་གྱི་དགོས་པའི་ཕྱིར། །ཕྱག་རྒྱ་འདི་ནི་བསྒྲུབ་པར་བྱ། །ཨེ་ཡིག་ཡེ་ཤེས་རླུང་
D372.078.0210a01.01རྣམས་ནི། །ཟླ་བའི་དཀྱིལ་འཁོར་ལ་རབ་བཞུགས། །འདོད་ཆགས་མེ་ཡི་རང་བཞིན་བདག །ཐུགས་ཀྱི་འཁོར་ལོ་རྣལ་འབྱོར་མ། །རྡོ་རྗེ་གསང་བ་ལས་བཞེངས་རྩ། །ཁམས་ཐམས་ཅད་མ་འཕོ་མེད་མའོ། །འདས་དང་མ་བྱོན་སངས་རྒྱས་རྣམས། །དེ་དག་སེམས་ཅན་ཆ་ཅན་
D372.078.0210a02.01ནོ། །སེམས་ནི་རེ་རེ་ལ་ཡང་ནི། །སུམ་ཅུ་རྩ་དྲུག་ལས་ཅན་མའོ། །ལུས་ཅན་གཟུགས་ནི་དེས་དེ་བཞིན། །ཞིང་དུ་ཀ་ལ་སོགས་པའི་གཟུགས། །ཆེན་པོའི་སྔགས་ཀྱི་ཚུལ་བདག་ཏུ། །ས་ལ་ད་ལྟར་ཉིད་རོལ་འགྱུར། །སངས་རྒྱས་ཀུན་གྱི་རིགས་ལ་ཡང་། །གཟུགས་
D372.078.0210a03.01དང་གཟུགས་མེད་ཤེས་མི་འགྱུར། །གཞན་གྱི་གཟུགས་སུ་བྱས་ལྷ་མོ། །སངས་རྒྱས་ལམ་ནི་ཤེས་བྱེད་མའོ། །དབང་པོ་ཀུན་དུ་འགྲོ་སངས་རྒྱས། །གང་ཕྱིར་ཤེས་རབ་ཕ་རོལ་ཕྱིན། །དེ་ལྟར་དེ་ཉིད་ངེས་ཤེས་པས། །རྣལ་འབྱོར་མ་ཡི་གཟུགས་དང་མཚུངས། །ཡེ་ཤེས་འཁོར་
D372.078.0210a04.01ལོར་ལྷ་མོ་རྣམས། །བདག་མོ་འདོད་པ་ཀུན་སྦྱིན་མ། །དཀྱིལ་འཁོར་འཁོར་ལོའི་དབུས་སུ་ནི། །སྔགས་ཀྱི་གཟུགས་ཅན་དུ་བྱུང་བའོ། །ཨོཾ་ཛ་མ་ཊཱ་ཧཱ་ཀ་ཀ་ལཱ་ལ་པ་པཱ་མུནྟཱ་ཀུ་ག་ཊཱ་ནི་ཡ་ཏེ་ཧཱུྃ་ཛཱ་ཧཱུྃ་ཡ་ཕཊ་ཧཱུྃ་ཕཊ་ཧཱུྃ་སྭཱ་ཕཊ་ཧཱ་ཕཊ་སྭཱ་ཧཱ། ཨོཾ་ཨཻ་རཱ་བ་ཏཱི་ཡེ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། ཞེས་བྱའི་
D372.078.0210a05.01སྔགས་ཀྱི་ས་བོན་དུ། །མཆོག་སྦྱིན་མ་ནི་བྱུང་བ་སྟེ། །ཁ་དོག་དབྱིབས་ནི་སྔོན་གྱི་ཅན། །ཇི་ལྟར་ཀུན་ནས་ཐམས་ཅད་དུའོ། །དཔའ་བོ་ཐམས་ཅད་མཉམ་སྦྱོར་ལས། །རྡོ་རྗེ་སེམས་དཔའ་བདེ་བའི་མཆོག །རྡོ་རྗེ་མཁའ་འགྲོ་དེ་བཞིན་གཤེགས། །བཅོམ་ལྡན་བདག་
D372.078.0210a06.01པོས་འདི་གསུངས་སོ། །དཔལ་མཁའ་འགྲོ་རྒྱ་མཚོ་རྣལ་འབྱོར་མའི་རྒྱུད་ཀྱི་རྒྱལ་པོ་ཆེན་པོ་ལས་ས་སྲུང་མའི་སྐུའི་ཕྱག་རྒྱའི་མཚན་ཉིད་ཀྱི་ཆོ་ག་དང་ལྡན་པ་ཞེས་བྱ་བ་སྟེ་ལེའུ་སུམ་ཅུ་རྩ་བཞི་པའོ།། །།དེ་ནས་ལྷ་མོས་མཆོད་བྱས་ནས། །འདི་སྐད་ཀྱི་
D372.078.0210a07.01