完整藏文原文 · 德格版页 当前仅加载第 78 函德格 256b 版页；藏文 NFD、目录标记与异常页序保留在来源切片中，重复版页行以稳定序号区分。
ལྷ་རྫས་དྲི་རུ་རྗེས་མཚོན་བྱ། །ལྷ་རྫས་རོ་ཡི་རབ་སྦྱོར་བས། །ལྕེ་ནི་དགའ་བ་དང་བཅས་ཀྱིས། །ལྕེ་ཡི་མངོན་ཤེས་ལ་བརྟེན་ནས། །དབུ་མའི་ཕོ་ཉ་སྐྱེས་པ་ཡིན། །ལུས་ཀྱི་རེག་པའི་རྣམ་པ་ཡིས། །མཆོག་ཏུ་ཟག་མེད་དེ་བསྒྲུབ་བྱ། །སྔོན་གྱི་བག་ཆགས་དྲན་པ་ལ། །དེ་ཉིད་རྣལ་འབྱོར་
D372.078.0256b01.01ལྡན་པར་འགྲོ། །ཉིན་ཞག་མཚན་མོ་མཉམ་བྱས་ནས། །ཆུ་ཚོད་དྲུག་ཅུ་ཉིད་དང་ནི། །ཆུའི་སྲང་དྲུག་ཅུ་ཐམ་པ་དང་། །གྷ་ཊི་ཀར་ཡང་སྦྱར་བར་བྱ། །རྒྱར་ནི་སོར་མོ་བཅུ་གཉིས་ལ། །དཔང་ས་སུ་སོར་བརྒྱད་ཉིད་ཡིན་ཏེ། །གུཉྫ་དྲུག་ཅུའི་ཚད་ལ་ནི། །སོར་བཅུ་གཉིས་པའི་ཐུར་མའོ། །སྐད་ཅིག་ཐང་
D372.078.0256b02.01ཅིག་ཡུད་ཙམ་དང་། །ཀཱཥྚི་མིག་བཙུམས་ཕྱེ་བ་དང་། །སེ་གོལ་གཏོགས་པར་ཤེས་བྱ་སྟེ། །དབུགས་རྒྱུའི་མངོན་པར་ཤེས་པས་སོ། །ཕ་རོལ་ཕྱིན་དྲུག་ཚུལ་དག་གིས། །ཆོས་ཀྱི་དབྱིངས་ནི་མཚོན་པར་བྱ། །དུས་དང་དུས་མིན་སེལ་བ་པོ། །མིག་མི་བཟང་བ་བསྒོམ་པར་བྱ། །མཚོན་
D372.078.0256b03.01བྱ་མཚན་ཉིད་རྣལ་འབྱོར་མའི། །དཀྱིལ་འཁོར་ནང་དུ་བྱས་པ་ཉིད། །སེམས་འདི་སྣ་ཚོགས་གཟུགས་ཅན་ཏེ། །སྲོག་ཆགས་རྣམས་ཀྱིས་གར་བགྲོད་པ། །བདག་མེད་རང་བཞིན་འཐོབ་པར་འགྱུར། །མདུད་པ་རྣམས་ཀྱི་ཕྲད་པས་གནས། །གཟུགས་
D372.078.0256b04.01སུ་བྱེད་འགྱུར་དེའི་དངོས་པོ། །མཆོག་གི་དང་པོ་བྲལ་མཐའ་ཅན། །ཆོས་ཀྱི་འབྱུང་གནས་གང་གནས་པ། །རྡོ་རྗེ་མཁའ་འགྲོར་དེ་ཤེས་བྱ། །ཐུར་སེལ་ལམ་ལ་རྟག་བརྟེན་ནས། །སླར་ཡང་རེ་རེའི་ནང་དུ་སྟེ། །སྲོག་ལ་སོགས་པའི་རླུང་ལྔ་ཡིས། །མིག་ནི་ལྔ་
D372.078.0256b05.01རུ་ཤེས་པར་བྱ། །འཛག་པ་མེད་པའི་ས་བོན་འཛག །ཡེ་ཤེས་མཁའ་འགྲོ་མའི་སྦྱོར་ལྡན། །ས་བོན་ལྔ་རྣམས་ཐིག་ལེ་ཡི། །མངོན་ཤེས་བྱེད་པོ་སོགས་ལྔ་པ། །དེ་ལྟའི་རྣལ་འབྱོར་མཆོག་ཡོངས་རྫོགས། །རྣལ་འབྱོར་ཀུན་གྱིའང་མཆོག་ཡིན་ནོ། །དངོས་
D372.078.0256b06.01པོའི་ཡེ་ཤེས་ཅན་མ་ལུས། །རིང་དུ་ཡོངས་སུ་སྤངས་པ་ཡིན། །ཐམས་ཅད་ལུས་སུ་མཉམ་སྦྱོར་ལས། །ལྷན་ཅིག་སྐྱེས་པའི་སྤྱན་འཇུག་པ། །དངོས་ཀུན་དངོས་པོ་མེད་མཛད་པ། །བཅོམ་ལྡན་མིག་གིས་འདི་གསུངས་སོ། །ཞེས་བྱ་བ་ནི་མིག་མི་བཟང་
D372.078.0256b07.01