完整藏文原文 · 德格版页 当前仅加载第 78 函德格 139a 版页；藏文 NFD、目录标记与异常页序保留在来源切片中，重复版页行以稳定序号区分。
པོ་ཡི་ཡང་ཆུང་མ་དང་། །པད་ཅན་དུང་ཅན་སྣ་ཚོགས་མ། །གླང་པོ་མ་དང་མྱོས་བརླབས་མ། །གཟུགས་མ་སྒྲ་མ་དྲི་མ་དང་། །རོ་མ་རེག་མ་ཡིད་མ་དང་། །ཆོས་དབྱིངས་མ་དང་ཚོགས་ཅན་མ། །གཉིད་མ་ལེ་ལོ་མ་གཞན་གནོན། །རློམ་པ་མོ་དང་སྒེག་མོ་དང་། །
D372.078.0139a01.01བཟང་ཞལ་མ་དང་དྲག་མོ་མ། །འཐུང་མ་ཟ་མ་འཇིགས་པ་མོ། །ཧ་ཧ་སྒྲོགས་མ་དུར་ཁྲོད་མ། །བཅོམ་ལྡན་དགྱེས་མར་རྟག་ཏུ་བཤད། །སུམ་ཅུ་རྩ་བདུན་རྣལ་འབྱོར་མ། །ལས་ཀྱི་ཆོ་ག་བླངས་པ་ཡིས། །གཞན་གྱི་མིང་ཡང་ཤེས་པར་བྱ། །གང་ཞིག་གང་གིར་
D372.078.0139a02.01མངོན་བརྗོད་པའི། །རྩ་དེ་འདིར་ནི་བརྗོད་པའོ། །དེ་རྣམས་སེམས་དཔའ་བདེ་རང་བཞིན། །མཐར་གྱུར་མཆོག་ཏུ་ཞི་བའོ། །རྡོ་རྗེ་མཁའ་འགྲོའི་དངོས་པོ་ཡང་། །མཆོག་ཏུ་ཟག་མེད་རྣལ་འབྱོར་ལྡན། །མདོག་དང་ཕྱག་སོགས་རྣམ་པ་རུ། །སྲིད་པའི་འཁོར་ལོར་ཡང་དག་
D372.078.0139a03.01བྱུང་། །གནས་དང་ཉེ་བའི་གནས་སོགས་འདིར། །པུལླི་ར་སོགས་དབུས་སུའོ། །གང་ཞིག་གང་གི་ལྷའི་བདག་པོ། །དེ་ནི་དེ་དང་དེས་རྒྱས་གདབ། །ཉིད་དང་བདག་ཏུ་རྩེན་གྱུར་པའི། །བདེ་བ་ཀུན་དང་ཡང་དག་ལྡན། །འདི་ཡིས་རང་བྱུང་བཅོམ་ལྡན་འདས། །གཅིག་པུ་དེ་
D372.078.0139a04.01བཞིན་དང་པོའི་ལྷ། །མཁའ་འགྲོ་མ་ཀུན་བདེ་སྟེར་བའི། །བཅོམ་ལྡན་རྡོ་རྗེས་འདི་གསུངས་སོ། །ནམ་མཁའ་ཐོག་མ་ཐ་མ་མེད། །གང་འདྲར་མཆོག་ཏུ་འདུ་ཤེས་པ། །དེ་འདྲར་བདག་ནི་རིག་པ་སྟེ། །སྣང་མེད་པར་ཡང་ཡོངས་སུ་གསལ། །དེར་ནི་འབྱུང་བའང་ཡོད་
D372.078.0139a05.01མིན་ཏེ། །འཇིག་རྟེན་པ་ཡི་ཐ་སྙད་མཆོག །ཇི་ལྟར་མཁའ་ལས་མེ་བྱུང་བ། །བླ་མེད་མེ་འདིར་དེ་བཞིན་ནོ། །རོ་བྲོ་བ་ནི་གཅིག་དངོས་ལ། །དེ་ཡི་ནང་ན་དངོས་མང་པོ། །གཅིག་དང་དུ་མའི་རང་བཞིན་འདིས། །ཐམས་ཅད་རོ་སྟེ་རོའི་ཁྱབ་བདག །ཕོ་ཉ་རྣམས་ཀྱི་བདག་པོ་
D372.078.0139a06.01ཡིས། །ས་གསུམ་པོ་ནི་མཆོག་ཏུ་ཟ། །ཐབས་དང་ཤེས་རབ་སྙིང་རྗེ་ཆེ། །ལྷ་ཡི་བདག་པོ་གཞན་མེད་དོ། །འདོད་ཆགས་མ་ཡིན་ཆགས་བྲལ་མིན། །དབུ་མར་ཡང་ནི་མི་དམིགས་སོ། །དེ་ལྟར་བརྟག་ཤེས་རྣལ་འབྱོར་པས། །འདོད་བྱ་ཀུན་ལ་ལོངས་སྤྱད་བྱ། །རྟག་ཏུ་ནང་
D372.078.0139a07.01