完整藏文原文 · 德格版页 当前仅加载第 78 函德格 236b 版页；藏文 NFD、目录标记与异常页序保留在来源切片中，重复版页行以稳定序号区分。
བདེ་བའི་རང་བཞིན་ཁམས་ཀུན་གྱིས། །ཀེང་རུས་ཆེན་པོ་ཡང་དག་བྱུང་། །ལཱ་མ་ལ་སོགས་བསྒོམས་པ་ཡིས། །དེ་ལ་གནས་པའི་གཟུགས་མཐོང་འགྱུར། །བོང་བུའི་རྣམ་པའི་རྣལ་འབྱོར་དུ། །ཁྲག་གི་ཞལ་ཅན་རྩེ་གསུམ་ཅན། །ཚེ་སོན་པ་ཡང་རྣམ་པར་
D372.078.0236b01.01ཤེས། །ཚེ་རིང་བ་ཡང་མཐོང་བར་འགྱུར། །སྔ་མར་གླང་པོ་ཆེ་སོགས་པ། །དཔའ་རང་བདག་ཉིད་ཀྱིས་དེ་མཐོང་། །ཆེན་པོའི་རྩ་རྣམས་ཐམས་ཅད་དུ། །ཀེང་རུས་སྲོག་ནི་ཡོངས་འགྲོ་བྱ། །དེ་བསྐྱོད་བོང་བུ་ཤེས་བྱ་སྟེ། །སྣ་ཚོགས་རང་བཞིན་དེ་མཐོང་འགྱུར། །
D372.078.0236b02.01སཱ་ལུ་ལ་སོགས་བཟའ་བའི་དངོས། །དེ་དང་འདྲ་བར་དངོས་པོ་ཀུན། །མཐོང་སྟེ་དེ་ན་ཡོད་པ་མིན། །ཁམས་ཐམས་ཅད་ཀྱང་འཁྲུལ་པའོ། །ཇི་ལྟར་སྐྱེས་བུར་དུས་རྣམས་ཀྱིས། །གླང་ཆེན་ཁམས་ཀྱིས་ཤེས་པར་བྱ། །དེ་བཞིན་ཀེང་རུས་ཆེ་རྣམས་ཀྱིས། །སཱ་ལི་
D372.078.0236b03.01ལ་སོགས་ཁམས་རྐྱེན་གྱིས། །རང་བཞིན་འཇིག་རྟེན་པ་དམིགས་པས། །རང་བདག་ཉིད་ཀྱི་གཟུགས་དེ་མཐོང་། །རྣམ་པ་སྣ་ཚོགས་རིགས་དེ་རྣམས། །རྣལ་འབྱོར་འཛིན་རྣམས་ཀྱིས་ཤེས་བྱ། །མ་རིག་སོགས་ཉིན་སོ་སོ་ལ། །དེ་རྣམས་ཀྱིས་ནི་ནད་དུ་གྲགས། །
D372.078.0236b04.01རིམས་ལ་སོགས་པའི་ནད་ཙམ་གྱིས། །ནད་ཆེན་རྣམ་པར་མཚོན་པར་བྱ། །དེ་ལ་མ་རིག་ཉི་མའི་ནད། །ལེགས་པ་རྣམས་ཀྱིས་དེ་བསྲུང་བྱ། །འཕོ་བ་{བཅྭ་,བཅོ་}ལྔ་པ་ལ་ནི། །འཆི་འམ་ལས་ནི་དགེ་མི་དགེ། །ཡེ་ཤེས་མེ་ཡི་བདག་ཉིད་ཆེས། །ནུབ་ལྔ་རྣམས་ན་གྲོལ་བར་འགྱུར། །
D372.078.0236b05.01རྒ་ཤི་ཡི་ནི་དུས་སུ་ནི། །འཕོ་བ་གསུམ་ན་འཆི་བ་སྟེ། །ཡང་ན་དགེ་དང་མི་དགེ་བའི། །ལས་ཀྱི་བག་ཆགས་མཐོང་བར་འགྱུར། །རང་རིག་བདེ་བ་གཟུང་བ་ཡིས། །ནུབ་བདུན་ན་ནི་གྲོལ་བར་འགྱུར། །སྐྱེ་བའི་ཉི་མའི་འཆི་བ་ནི། །འཕོ་བ་གསུམ་པ་ན་ཡང་སྟེ། །ལས་
D372.078.0236b06.01ནི་དགེ་མི་དགེར་འགྲོ་བ། །ནུབ་བདུན་ན་ནི་གྲོལ་བར་འགྱུར། །སྲིད་པ་ཡི་ནི་འཕོ་གསུམ་ནི། །འཆི་བར་འགྱུར་རོ་མཚན་མོ་ནི། །ལྔ་ན་དེ་རྣམས་གྲོལ་བར་འགྱུར། །ཡང་ན་དེ་ནི་མི་གྲོལ་ཏེ། །འདས་པ་བཞི་པའི་དུས་རྣམས་སུ། །བདེ་བ་དེ་ཀུན་རྟོགས་པར་གྱིས། །དེ་
D372.078.0236b07.01