完整藏文原文 · 德格版页 当前仅加载第 78 函德格 142a 版页；藏文 NFD、目录标记与异常页序保留在来源切片中，重复版页行以稳定序号区分。
དུ་ཁྱབ་པའོ། །བུ་ག་རྣམས་ནས་འཛག་པ་ས། །འབབ་པའི་ས་བོན་ཉི་མ་ལྡན། །ཆུ་སྲིན་དབང་པོ་ཡི་ནི་སྔགས། །བ་སྡེ་བཞི་པའི་ས་བོན་ནི། །ཨཱུ་དབྱངས་སྟན་དང་ལྡན་པ་སྟེ། །འཁོར་བའི་འཇིགས་པ་ཉམས་བྱེད་པའོ། །ཏ་ཡི་སྔགས་ཀྱིས་དགྲ་ཉམས་བྱེད། །
D372.078.0142a01.01སླར་ཡང་པ་སྡེའི་བཞི་པ་ནི། །སྒྲ་ཆེན་པོ་ནི་སྒྲོགས་པའོ། །རླུང་གི་ས་བོན་ཨཱ་ཡིག་རེག །སྔགས་ནི་ནོར་བུར་འབབ་བཞིན་པའོ། །ཆུ་ཡི་ས་བོན་རྣར་བཟུང་བ། །སྒྱུ་མ་ཡི་ནི་རང་བཞིན་ནོ། །ས་ཡི་ཕ་རོལ་ཨེ་ཡིག་ལྡན། །ས་གསུམ་གྱི་ནི་འཁྲུལ་འཇོམས་རྒྱུ། །པ་སྡེའི་
D372.078.0142a02.01མཐའ་མ་རྐང་རང་བཞིན། །ས་ཡི་ཕ་རོལ་ཨཱ་དང་ལྡན། །ངོ་མཚར་ཆེ་བ་ཡི་ནི་ཆོས། །ཡ་ཡི་སྡེ་ཡི་མཐའ་མ་ནི། །པདྨའི་ས་བོན་མཆོག་ཡིག་གོ། །ཙ་ཡི་དབུས་མའི་ས་བོན་ནི། །ར་ནི་མགོ་ལ་གནས་པ་སྟེ། །ཨེ་ཡིག་གིས་ནི་ཕྱེ་བ་ནི། །ལྷ་དང་ལྷ་མིན་རང་བཞིན་ནོ། །དེ་
D372.078.0142a03.01ལྟར་སྔགས་ཚིག་དྲུག་པོ་སྟེ། །རྣལ་འབྱོར་མ་ཡི་ཚོགས་སྤྲོ་བ། །ལས་ཀུན་རང་བཞིན་འཁོར་ལོའོ། །སྙིང་རྗེའི་འདོད་པར་གྱུར་པ་ཡི། །དེ་ཁོ་ན་ཉིད་ཚིག་རྒྱ་ཆེ། །རྣལ་འབྱོར་ཐམས་ཅད་རབ་འགེངས་པའི། །བཅོམ་ལྡན་མཁའ་འགྲོས་འདི་གསུངས་སོ། །འཁྲུལ་འཁོར་
D372.078.0142a04.01འཁོར་ལོ་བཤད་བྱ་སྟེ། །ཁྱོད་ཀྱི་འཁྲུལ་འཁོར་ཆུང་རྒྱ་ཆེ། །ཀུན་ནས་ཡོངས་སུ་ཟླུམ་པོར་ནི། །རི་མོ་བཅུ་གསུམ་བྲི་བར་བྱ། །ལྷ་མོ་དུམ་བུ་བཅུ་གཉིས་འགྱུར། །སུམ་ཅུ་རྩ་དྲུག་རྩིབས་ཀྱིས་བརྒྱན། །རྩིབས་རེ་རེ་ལའང་ཡི་གེ་ནི། །རིམ་པས་ཡོངས་སུ་གསལ་བར་སྦྱིན། །
D372.078.0142a05.01ལྷག་མ་ཉི་ཤུ་བཞི་ཡི་གེ། །ཐམས་ཅད་ལྟེ་བའི་སྙིང་པོ་ལའོ། །དེ་རྣམས་ཀྱིས་ནི་བསྐྱེད་པའི་རྩ། །སྟོང་ཕྲག་བདུན་ཅུ་རྩ་གཉིས་སོ། །སོ་སོ་རེ་རེ་ཡི་ནི་འཁོར། །ནོར་དང་མདའ་དང་ཟླ་བའོ། །ཀུན་ལ་ལྷག་པས་དམན་པ་ནི། །ནོར་དང་རིག་བྱེད་ཚོགས་པའོ། །དེར་གནས་པ་ལ་
D372.078.0142a06.01འཁྲུལ་འཁོར་བཏུ། །ལས་གཅིག་ཇི་ལྟར་མོས་པའོ། །རྣམ་པར་ཤེས་པའི་བཞོན་པ་ནི། །རྩ་ཐམས་ཅད་དུ་འཆར་དུས་སུ། །དེར་ནི་དབང་པོ་དང་ནི་ཡུལ། །ལས་ཀྱི་དུས་སུ་གསད་པར་བྱ། །ཡིད་ཅེས་བྱ་བ་བསྐྲད་བྱ་ཞིང་། །སེམས་ནི་དབང་དུ་བྱ་བ་སྟེ། །ཁམས་དང་སྐྱེ་
D372.078.0142a07.01