完整藏文原文 · 德格版页 当前仅加载第 78 函德格 251b 版页；藏文 NFD、目录标记与异常页序保留在来源切片中，重复版页行以稳定序号区分。
ལྷར་སྤང་བར་བྱ། །སེམས་གཡེངས་རབ་ཏུ་འཇོམས་ཉིད་དུ། །གཏེར་དུ་རྨི་ལམ་ཅན་དེ་བཞིན། །བཟང་པོ་མིག་གསུམ་པ་ཉིད་དུ། །འབྱུང་པོའི་ཉི་མ་ཤར་དེ་བཞིན། །ཟླ་བ་དང་ནི་ཉི་སོགས་ཚེས། །དེ་རྣམས་རེས་མོ་རབ་བཤད་བྱ། །བཟང་པོ་ཡུགས་ས་མོ་དེ་བཞིན། །
D372.078.0251b01.01སེམས་གཡེངས་འབྱུང་པོའི་ཉི་མར་གནས། །སྐྱེ་བོ་ཀུན་གྱི་ཉི་མ་ཡི། །ཆ་ཡི་རྒྱུ་བར་ཤེས་པར་བྱ། །ཁྱུ་མཆོག་མི་ཀི་ར་ཉིད་དང་། །རྨི་ལམ་{བཅྭ་,བཅོ་}ལྔ་པ་དེ་བཞིན། །ཟླ་བའི་རྒྱུ་བར་ཡང་དག་གྲགས། །རིམ་པ་འདི་རྣམས་རྣམ་པར་བརྗོད། །ཉི་ལ་མེ་རུ་ཡང་དག་གནས། །སྟོང་ལ་
D372.078.0251b02.01རླུང་གི་གནས་སུའོ། །དེ་ལྟར་དེ་དབུས་གནས་པ་ནི། །ཕྱོགས་སུ་གདུང་བྱེད་ཡང་དག་གནས། །ཟླ་བ་ཉི་ལས་བྱུང་རི་མོ། །མཉམ་པར་ལྟ་བས་མཉམ་པར་འགྲོ། །ཞི་དང་སྡིག་པ་བལྟས་པ་ཡིས། །ཤེས་རབ་ཅན་གྱིས་དེས་དེ་སྤངས། །མཆེ་བ་དང་ཕྲད་མ་བལྟས་པས། །
D372.078.0251b03.01བདེན་པར་འཆི་བར་བྱེད་པ་ཡིན། །དུས་སྨྲ་བ་ནི་མདོར་བསྡུས་པ། །རཱ་ཧུའི་རྒྱུ་བར་གྲགས་པ་ཡིན། །དཀར་དང་ཅིག་ཤོས་ཆོ་ག་ཡིས། །བློ་གྲོས་མཐར་ཐུག་པས་ཤེས་འགྱུར། །རྒྱུ་སྐར་སོགས་དང་མི་མཐུན་པར། །རྨོངས་པ་གང་ཞིག་སྨྲ་བར་བྱེད། །སྐྱེ་བོ་རང་གིས་
D372.078.0251b04.01བྱས་པ་ཡིས། །ལས་འདི་ཤེས་པར་མ་གྱུར་ཏོ། །ལས་དེ་ཡིས་ནི་དུས་རྣམས་ནི། །ཐེ་ཚོམ་མེད་པར་འབྱུང་བར་འགྱུར། །ལུས་ཀྱི་ཚོགས་པ་ཇི་སྲིད་པ། །དེ་སྲིད་དུ་ནི་དུས་རབ་འཇུག །རྣལ་འབྱོར་པ་རྣམས་ཉམས་སུ་མྱོང་། །ཡང་དག་བྱང་ཆུབ་གནས་འཐོབ་འགྱུར། །
D372.078.0251b05.01དེ་ནི་མྱུ་གུ་ཅན་དུ་གྲགས། །ཁ་དོག་དམར་པོ་འོད་ཆེན་པོ། །མྱུ་གུ་མྱུ་གུའི་གཟུགས་ཅན་ནི། །ལྟེ་བའི་རྩ་བར་གནས་པར་བསྒོམ། །འབར་བའི་འཁོར་ལོའི་ནང་སོན་པ། །གཟུགས་དེ་ལྷ་རྫས་ཀྱི་ནི་གཟུགས། །ཡེ་ཤེས་མྱུ་གུ་རྣམ་བསྒོམས་པས། །ལས་རྣམས་ཐམས་
D372.078.0251b06.01ཅད་མཐོང་མི་འགྱུར། །ཐམས་ཅད་བདག་ཉིད་སྦྱོར་ཆེན་ལས། །སྔོན་ལས་རྣམ་པར་འཇོམས་མཛད་པ། །རྒྱུ་རྣམས་སུ་ནི་རྟག་བཞུགས་པའི། །རྡོ་རྗེ་རྒྱུ་ཡིས་འདི་གསུངས་སོ། །ཞེས་བྱ་བ་ནི་རྡོ་རྗེ་མྱུ་གུ་ཅན་གྱི་ཆོ་ག་སྟེ་རབ་ཏུ་བྱེད་པ་དགུ་པའོ།། །།དེ་ནས་
D372.078.0251b07.01