完整藏文原文 · 德格版页 当前仅加载第 78 函德格 221a 版页；藏文 NFD、目录标记与异常页序保留在来源切片中，重复版页行以稳定序号区分。
དབའ་རླབས་རེངས་པར་བྱ་བ་ཡིན། །དཔའ་བོ་ཐམས་ཅད་མཉམ་སྦྱོར་ལས། །རྡོ་རྗེ་སེམས་དཔའ་བདེ་བའི་མཆོག །རྡོ་རྗེ་མཁའ་འགྲོ་དེ་བཞིན་གཤེགས། །བཅོམ་ལྡན་བདག་པོས་འདི་གསུངས་སོ། །འདི་ནི་དཔལ་མཁའ་འགྲོ་རྒྱ་མཚོ་རྣལ་འབྱོར་མའི་རྒྱུད་
D372.078.0221a01.01ཀྱི་རྒྱལ་པོ་ཆེན་པོ་ལས་འཁོར་ལོའི་ཤུགས་ཅན་མའི་རེངས་པར་བྱ་བའི་ལས་དཔའ་བོ་དང་གཉིས་སུ་མེད་པའི་སྦྱོར་བའི་མཚན་ཉིད་ཀྱི་རང་བཞིན་ཞེས་བྱ་བའི་ཆོ་གའི་ལེའུ་སྟེ་བཞི་བཅུ་རྩ་གཉིས་པའོ།། །།དེ་ནས་དུམ་སྐྱེས་མའི་སྦྱོར་བས། །ཇི་ལྟའི་ལས་ནི་གསལ་
D372.078.0221a02.01བཤད་བྱ། །ལས་ཐམས་ཅད་པའི་ཐབ་བྱས་ནས། །ཇི་ལྟའི་ཆོ་གས་སྦྱིན་སྲེག་སྟེ། །ལས་ཀྱི་ཆོ་ག་རྣམས་མཐོང་བས། །བསྐྲད་པའི་ལས་ནི་བསྒྲུབ་པར་བྱ། །གྲི་ཧ་དེ་བ་ཏཱ་གནས་སུ། །ཤིན་སྦྱངས་བྱང་ཆུབ་ཡན་ལག་ཏུའོ། །ནམ་མཁའི་བུ་གའི་བྱང་སེམས་ཀྱང་། །འཛིན་པ་
D372.078.0221a03.01ཆེན་པོ་སྟེང་འཕེན་འགྱུར། །བསྐམ་བྱ་ཨཿཡི་རྣམ་པས་ཏེ། །མགོ་བོར་རྣམ་པར་གཟུང་བར་བྱ། །ཎྜ་ཡི་གེས་འགྲོ་བྱ་སྟེ། །མདའ་ཡི་ཤུགས་ཀྱིས་ཡོངས་སུ་འཁོར། །རླུང་གི་དཀྱིལ་འཁོར་ཅན་བསྒོམས་ནས། །མགོ་བོའི་དབུས་སུ་རྒྱལ་མཚན་ཏེ། །རྣམ་ཤེས་དེ་ནི་བསྐྱེད་པར་
D372.078.0221a04.01འགྱུར། །དཔག་ཚད་འབུམ་ཕྲག་སྟོང་ཕྲག་ཅན། །སངས་རྒྱས་ཉིད་མ་ལུས་པ་འཐོབ། །རྣལ་འབྱོར་པ་དེ་ས་གསུམ་དུ། །ཧཱ་ཧཱ་ཧེ་ཧེ་རྣམ་བརྒྱད་དུ། །མཁའ་འགྲོའི་སྦྱོར་བས་དགོད་པའོ། །མཁའ་སྤྱོད་འགྲོ་བའི་བྱ་བ་ཡིས། །རྣལ་འབྱོར་མ་ནི་དེར་བྱེད་དོ། །རང་གིས་ཆུང་རྟག་གྱེན་
D372.078.0221a05.01བགྲོད་ལས། །ཁྱིམ་དུ་འཆི་བར་ཤེས་པར་བྱ། །འཕྲོག་པ་སྡིག་པ་ཐམས་ཅད་དེ། །སྡང་བའི་དབང་པོའི་ཆོ་ག་ཅན། །སྦྱིན་བྱ་ཐེག་པ་ཆེན་པོ་ཀུན། །རྟག་ཏུ་སྦས་པ་མེད་རྒྱུས་སོ། །རྡོ་རྗེ་འཛིན་པའི་དབུགས་དབྱུང་བའང་། །སེམས་ཅན་ཐམས་ཅད་ལ་སྦྱོར་བྱ། །དེ་སྲིད་རྡོ་རྗེ་རྣལ་འབྱོར་
D372.078.0221a06.01ཆེ། །ཇི་སྲིད་བསྒྲུབ་བྱར་མི་སྤྱོད་པར། །ཤིན་ཏུ་སྦྱངས་པ་ཆོས་ཀུན་དུ། །ཡེ་ཤེས་ཤེས་བྱའི་བདག་ཉིད་དུ། །བྱང་ཆུབ་ཡན་ལག་ཉིད་ཀྱིས་བལྟ། །ཡིད་དེ་ཆོས་ཅན་ཐམས་ཅད་དོ། །དེ་ལྟར་བྱེ་བྲག་ཆོས་ཤེས་པ། །སངས་རྒྱས་བྱང་ཆུབ་རབ་ཏུ་བསྟན། །ཐེག་པ་ཆེན་པོར་བསྐྲད་པ་
D372.078.0221a07.01