完整藏文原文 · 德格版页 当前仅加载第 78 函德格 232a 版页；藏文 NFD、目录标记与异常页序保留在来源切片中，重复版页行以稳定序号区分。
བསྒོམ་པར་བྱ། །དཔའ་བོ་ཐམས་ཅད་མཉམ་སྦྱོར་ལས། །རྡོ་རྗེ་སེམས་དཔའ་བདེ་བའི་མཆོག །རྡོ་རྗེ་མཁའ་འགྲོ་དེ་བཞིན་གཤེགས། །བཅོམ་ལྡན་བདག་པོས་འདི་གསུངས་སོ། །འདི་ནི་དཔལ་མཁའ་འགྲོ་རྒྱ་མཚོ་རྣལ་འབྱོར་མའི་རྒྱུད་ཀྱི་རྒྱལ་
D372.078.0232a01.01པོ་ཆེན་པོ་ལས་བརྩོན་འགྲུས་ཆེན་མོའི་རབ་ཏུ་སྦྱོར་བའི་ཆོ་གའི་མཚན་ཉིད་གསང་བའི་བཅུད་ལེན་ལ་སོགས་པ་དང་རྒྱས་པའི་ལས་དཔལ་ཡང་དག་པའི་ཏིང་ངེ་འཛིན་ཧེ་རུ་ཀའི་རྩ་བའི་སྔགས་ཀྱི་ཆོ་ག་ཞེས་བྱ་བ་སྟེ་ལེའུ་བཞི་བཅུ་རྩ་དགུ་པའོ།། །།དེ་ནས་
D372.078.0232a02.01དཔའ་བོ་ཕྱག་རྡོར་སོགས། །སྔགས་པ་ཐམས་ཅད་བཞེངས་རྣམས་ཀྱིས། །བསྟོད་དང་མཆོད་དང་ཕྱག་བཅས་པས། །ཕག་མོ་རབ་ཏུ་སད་པར་བྱེད། །བདག་གི་མ་ཡི་ལྷ་མོ་ཀྱེ། །ལྷ་མོ་ཀུན་གྱིས་རབ་མཆོད་མ། །ཁྱོད་ནི་འདི་རྣམས་ཀུན་གྱི་མ། །ཡེ་ཤེས་སྙིང་
D372.078.0232a03.01མོ་ཕྱག་འཚལ་འདུད། །སེམས་ཅན་ཀུན་ལ་སྙིང་རྗེ་ཡི། །གཟུགས་སུ་རང་གིས་སྤྲུལ་པ་མོ། །བདག་ལ་ཀུན་དུ་ཐུགས་རྗེ་ཡི། །བཀའ་དྲིན་ཆེན་པོ་མཛད་པར་རིགས། །བདེ་བ་ཆེན་པོ་ཡོངས་བཞུགས་པའི། །བཅོམ་ལྡན་བདག་པོ་ལ་འདྲིའོ། །རྒྱུད་ཐམས་
D372.078.0232a04.01ཅད་ཀྱི་ལས་ཚོགས་ཀྱི། །སྒྲུབ་པའི་ཐབས་ནི་མི་འཚལ་ཏོ། །གལ་ཏེ་ཇི་སྲིད་རྒྱུད་རྒྱུད་དུ། །ལས་ཐམས་ཅད་ནི་བསྟན་པ་ནི། །རྣམ་དག་ཡེ་ཤེས་ཐོབ་རྣམས་ཀྱི། །དེ་ཚེ་དེར་འདི་ཅི་ཕྱིར་གསུངས། །རྒྱུད་འདི་ཉིད་དུ་འཇུག་འགྱུར་བར། །སྐྱེ་བོ་ཐམས་ཅད་མི་རིགས་
D372.078.0232a05.01སོ། །སླར་ཡང་བཤད་པ་སྐྱོན་དང་བཅས། །བདག་གིས་མ་ཤེས་ཐེ་ཚོམ་མཆིས། །ཕག་མོ་ཅི་ཡང་མི་གསུང་བས། །བཅོམ་ལྡན་འདས་ཀྱི་ཞལ་ཞུགས་ནས། །དེ་ཡི་ཡེ་ཤེས་སུ་འགྱུར་ཏེ། །དེ་ཡིས་ལེན་ནི་གསུང་བར་མཛད། །བཅོམ་ལྡན་ཆོས་ཀུན་བདག་
D372.078.0232a06.01ཉིད་ཀྱི། །ཏིང་ངེ་འཛིན་གྱི་ཡིད་དུ་ནི། །བྱས་ནས་གསུང་ནི་རྗོད་བྱེད་པ། །ཕག་མོའི་རིས་ཐམས་ཅད་ཀྱིས་སོ། །ཀྱེ་ཀྱེ་དཔའ་བོ་ཐམས་ཅད་རྣམས། །ཡེ་ཤེས་ཤེས་བྱ་གཉིས་འདྲེས་པའི། །ཁྱེད་ཀྱིས་ཡེ་ཤེས་གང་མཐོང་བ། །དེ་ནི་དེ་དང་དེ་རུ་ཐིམ། །འོན་ཀྱང་
D372.078.0232a07.01