完整藏文原文 · 德格版页 当前仅加载第 78 函德格 187a 版页；藏文 NFD、目录标记与异常页序保留在来源切片中，重复版页行以稳定序号区分。
མ་དང་། །སླར་ཡང་དབང་ལྡན་གྱི་ནི་ཆུ། །བདེན་བྲལ་གཉིས་པའི་ཡི་གེ་ནི། །ར་ཡིག་གིས་ནི་མནན་པར་བྱ། །བྱང་གི་ཐོག་མའི་ས་བོན་དང་། །ལྷོ་ཡི་ཐ་མ་དེ་བཞིན་དུ། །མེ་ཡི་རླུང་ནི་གཟུང་བྱ་སྟེ། །ཚིག་རྐང་སུམ་ཅུ་རྩ་བདུན་པའོ། །ཡི་གེ་གཉིས་དྲུག་
D372.078.0187a01.01བརྒྱད་པ་ལ། །རེའུ་མིག་གཉིས་པ་སྦྱར་བའོ། །འབར་བའི་བདུད་རྩིའི་རྣལ་འབྱོར་གྱི། །གསང་སྔགས་སྐྱེ་བོ་ཀུན་ཡིད་སྤྲོ། །རླུང་གི་གཉིས་པ་གཟུང་བར་བྱ། །དབང་ལྡན་ཆུ་ནི་ར་དང་ལྡན། །དབུས་མའི་ཐོག་མའི་ས་བོན་དང་། །རང་ཡིག་ལྡན་དང་བྱང་ཐ་མ། །དེ་ཉིད་དང་
D372.078.0187a02.01ལྡན་བྱང་དང་པོ། །དབང་ལྡན་ཆུ་ཡི་ཡི་གེ་དང་། །ནུབ་ཀྱི་ཐོག་མར་ར་ཡིག་ལྡན། །དེ་ཉིད་ཐ་མ་དེ་བཞིན་དུ། །མེ་ཡི་རླུང་ནི་གཟུང་བར་བྱ། །ནུབ་ཀྱི་ཐ་མ་དེ་བཞིན་ཏེ། །གསང་སྔགས་ཚིག་རྐང་སུམ་ཅུ་བརྒྱད། །ཉོན་མོངས་ཀུན་ཉེར་ཞི་བྱེད་པའོ། །བརྒྱད་པར་དུམ་བུ་གཉིས་
D372.078.0187a03.01པ་ཡིས། །སྦྱར་བྱ་བདུན་པས་བཅུ་པ་ལའོ། །བྱང་ཕྱོགས་ཀྱི་ནི་གསུམ་པ་དང་། །ནུབ་ཕྱོགས་ཀྱི་ཡང་གསུམ་པ་དང་། །དེ་ཉིད་ཀྱི་ནི་ཐ་མ་གཟུང་། །དབུས་མའི་ཐོག་མ་དེ་བཞིན་དུ། །སྲིན་པོའི་མེ་ཡི་ས་བོན་དང་། །མེ་ཡི་རླུང་གི་ས་བོན་ཏེ། །སྔགས་ཀྱི་ཡི་གེ་ཐོག་མ་ལ། །བཅུ་
D372.078.0187a04.01གཅིག་པ་ཡིས་མནན་པ་དང་། །མཁས་པས་ཡི་གེ་ལྔ་པ་ལ། །དུམ་བུ་གཉིས་པས་སྦྱར་བའོ། །བག་ཆགས་སེམས་ཀྱི་བདག་ཉིད་ཀུན། །སྤོང་བའི་གསང་སྔགས་འབོད་པ་སྟེ། །མཁས་པའི་གསང་སྔགས་ཚིག་རྐང་ནི། །བཞི་བཅུར་གཅིག་གིས་མ་ཚང་བའོ། །རླུང་གི་གཉིས་པའི་
D372.078.0187a05.01ས་བོན་དང་། །དབང་ལྡན་ཆུ་ནི་ར་ལྡན་དང་། །སླར་ཡང་དེ་ཉིད་བཏུ་བྱས་ནས། །དབུས་མའི་ཐོག་མའི་ཡི་གེ་དང་། །རླུང་གི་གྲྭ་ཡི་ས་ལ་ནི། །སླར་ཡང་བྱང་གི་དང་པོའི་གདན། །བྱང་ཕྱོགས་ཀྱི་ནི་བཞི་པ་དང་། །ཤར་གྱི་དབུས་མའི་ཡི་གེ་དང་། །ལྷོ་ཡི་ཐ་མ་གཟུང་བར་བྱ། །དབུས་
D372.078.0187a06.01མའི་ཐོག་མ་དེ་བཞིན་དུ། །སྲིན་པོའི་མེ་ཡི་ས་བོན་དང་། །མེ་ཡི་རླུང་གི་ས་བོན་ཏེ། །སྔགས་ཀྱི་ཚིག་རྐང་བཞི་བཅུ་པ། །ཡི་གེས་ཇི་ལྟའི་དོན་བྱེད་པའོ། །སྔགས་ཀྱི་ཡི་གེ་གསུམ་པ་ལ། །རེའུ་མིག་གསུམ་པ་སྦྱར་བ་དང་། །མཁས་པས་ཡི་གེ་དྲུག་པ་ལ། །རེའུ་མིག་བཅུ་
D372.078.0187a07.01