完整藏文原文 · 德格版页 当前仅加载第 78 函德格 207a 版页；藏文 NFD、目录标记与异常页序保留在来源切片中，重复版页行以稳定序号区分。
ཉིད་བཤད་བྱ་ཡིས། །ཡིད་ནི་གཅིག་ཏུ་གྱུར་པས་ཉོན། །ལྷན་སྐྱེས་བདེ་དང་སྟོང་བ་དང་། །རང་གིས་རིག་དང་བདེ་བ་ཆེ། །ཆོས་ཀྱི་སྐུ་དང་ལོངས་སྤྱོད་རྫོགས། །སྤྲུལ་པ་དང་ནི་རྨད་བྱུང་ཆེ། །འོད་གསལ་སེམས་དང་བསམ་པ་དང་། །ཞི་དང་མྱང་འདས་སྦྱོར་སྐྱེས་
D372.078.0207a01.01དང་། །ཕ་རོལ་ཕྱིན་དང་གཉིས་མེད་དང་། །ཐར་པ་དང་ནི་དོན་དམ་དང་། །ཡེ་ཤེས་རྣམ་ཤེས་བྱང་ཆུབ་དང་། །ཆོས་དབྱིངས་གྲོང་ཁྱེར་དེ་བཞིན་དུ། །པདྨ་དང་ནི་ཆོས་འབྱུང་དང་། །སླར་ཡང་བདག་མེད་མཐོ་རིས་དང་། །ཞི་དང་སྒྲ་དང་བླ་མ་དང་། །རིག་དང་འཁྲུལ་མེད་རྟོག་སྤངས་
D372.078.0207a02.01དང་། །བཅུད་ལེན་དང་ནི་སྨྲ་བཤད་དེ། །མཁས་པས་ཙྪོ་མའི་རྣམ་གྲངས་སོ། །ཇི་ལྟར་དེ་ལྟར་ཡིག་དང་པོ། །ཐམས་ཅད་ལན་གྱི་ཙྪོ་མ་ཡིན། །ཇི་ལྟར་ཡི་གེ་དེ་བཞིན་དོན། །དམྱལ་བ་ལ་སྡང་ཤེས་པར་བྱ། །ལང་ཀའི་དབང་ཕྱུག་མའི་སྦྱོར་བར། །རྣལ་འབྱོར་པ་ཁྱོད་
D372.078.0207a03.01ཀྱིས་བྱའོ། །འཕྱང་བར་གྱུར་པའི་ས་བོན་གྱི། །དེར་ནི་ཙྪོ་མ་ཐམས་ཅད་དེ། །གེ་སར་ཡེ་ཤེས་ཁམས་ཀྱི་ནི། །རང་གི་རང་བཞིན་དུ་མཚན་ཉིད། །རང་ཡོད་དེ་མཉམ་རྣལ་འབྱོར་པ། །པདྨའི་སྙིང་པོ་རི་ནི་གནས། །རི་ནི་རྣམ་ཤེས་འགྲོ་བ་སྟེ། །ཡིད་ཀྱི་ཁམས་རྣམས་
D372.078.0207a04.01ཐམས་ཅད་དུའོ། །ལང་ཀར་བདག་ཉིད་སྐྱེ་བ་སྟེ། །དངོས་པོའི་ཡེ་ཤེས་རྣམས་ཀྱིས་བྱུང་། །དབང་ཕྱུག་འབྱུང་པོ་ཐམས་ཅད་ཀྱི། །ཡེ་ཤེས་མིན་པ་དངོས་ཀུན་སྐྱེས། །དེ་བི་ཀོ་ཊའི་གནས་སུ་སྟེ། །སླར་ཡང་བྱང་ཆུབ་དྲན་དབང་པོ། །གང་དུ་ཡེ་ཤེས་བསམ་མེད་པ། །དེར་ནི་
D372.078.0207a05.01བསྟན་པས་ཐོས་པར་འགྱུར། །འདོད་ཆགས་བྲལ་བས་གང་དག་གི། །བི་ནི་ཀུན་འགྲོའི་ཡེ་ཤེས་སོ། །རླུང་རྣམས་ཀྱི་ནི་མཁའ་རྣམས་སུ། །དབང་པོ་རྣམས་ཀྱི་བདེ་དེ་བཞིན། །ཊི་ནི་རྡོ་རྗེའི་ནུས་པར་གྲགས། །ཡུལ་རྣམས་ཀྱི་ནི་གྲོང་དུ་བགྲོད། །དྲན་པ་ལྷན་ཅིག་སྐྱེས་ཡེ་ཤེས། །
D372.078.0207a06.01གང་དུ་ཡིད་ནི་རབ་བརྗོད་པ། །དེར་ནི་དབང་པོའི་བྱང་ཆུབ་ཀྱང་། །ཤེས་ནས་རྡོ་རྗེའི་ཚུལ་བདག་ཉིད། །དེ་ལྟར་དེ་ཉིད་ངེས་ཤེས་ནས། །རང་གི་རང་བཞིན་དུ་གནས་བྱ། །ཆོས་དང་འཇིག་རྟེན་བཅས་པ་སྤང་། །ཅུང་ཟད་མིག་མེད་གཟུད་པར་བྱ། །ཡང་ན་དངོས་པོ་ཀུན་བདག་
D372.078.0207a07.01