完整藏文原文 · 德格版页 当前仅加载第 78 函德格 255a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་རྩ་རུ་སོན་པའི་སེམས། །དབུ་མའི་ཐ་མའི་སྦྱོར་བར་ལྡན། །བྱང་ཆུབ་ས་བོན་རྣམས་འབབ་ལ། །བྱང་ཆུབ་སེམས་རྣམས་ཀྱི་རིགས་སོ། །སྙིང་རྗེར་སོན་པའི་ཡིད་ཀྱིས་ནི། །ལས་ཀྱི་ཉི་མ་འཛག་པ་ཡིན། །ཡང་དག་རབ་སྟེར་རྟག་ཏུ་ལྡན། །རིགས་མེད་
D372.078.0255a01.01རིགས་ཅན་ཀྱང་མེད་དོ། །སྲིད་པར་རྩེད་མོ་ཙམ་དུ་ནི། །བསམ་གཏན་རྣམ་པའི་ལུས་སོན་པ། །མེ་ལོང་གི་ནི་ཡུལ་ལ་གཟུགས། །གང་འདྲ་མཐོང་སྟེ་དེ་མེད་དོ། །དེ་འདྲར་བྱང་ཆུབ་སེམས་དཔའ་རྣམས། །བསམ་གཏན་སྦྱོར་བའི་གཟུགས་ཅན་ནོ། །དེ་ཡི་ནང་དུ་ཞུ་བའི་
D372.078.0255a02.01སེམས། །དེ་དང་མཉམ་པ་གཞན་ཡོད་མིན། །ངེས་པར་དཀྱིལ་འཁོར་རྣམས་དབུས་སུ། །རྡོ་རྗེ་བཟང་པོ་བསྒོམ་པར་བྱ། །ཤེས་རབ་ཐབས་ཀྱི་ཆོ་ག་ཡིས། །གསང་སྔགས་མཆོད་པ་སྔོན་གྱི་ཅན། །དུས་དང་དུས་མིན་ཆའི་བདག་ཉིད། །དངོས་མེད་མ་ཡིན་བྱེད་པོར་བཞུགས། །
D372.078.0255a03.01བྱང་ཆུབ་གཟུགས་ཀྱི་བདག་ཉིད་ཆེ། །བཅོམ་ལྡན་སེམས་དཔས་འདི་གསུངས་སོ། །ཞེས་བྱ་བ་ནི་རྡོ་རྗེ་བཟང་པོའི་ཆོ་ག་སྟེ་རབ་ཏུ་བྱེད་པ་བཅུ་བཞི་པའོ།། །།དེ་ནས་གསང་བའི་སྦྱོར་གང་གིས། །བདེ་ཀུན་བདག་ཉིད་དུ་སྐྱེ་བཤད། །དོན་དམ་པ་ཡི་སྦྱོར་བ་ཡིས། །དེ་
D372.078.0255a04.01བཞིན་ཉིད་དུ་རབ་འཇུག་བྱ། །འཇིགས་བྱེད་ཆེན་པོའི་རྣལ་འབྱོར་གྱིས། །སྔགས་ཀྱི་ཕྲེང་བར་རང་ཉིད་བྱོན། །བཞི་བཅུ་རྩ་བརྒྱད་པ་ཉིད་ནི། །ས་རྣམས་ལ་ནི་རབ་ཏུ་བཤད། །འཁོར་ལོ་དྲུག་དབྱིབས་རི་མོ་ནི། །ས་ཡི་དབུས་སུ་བྱ་བ་ཡིན། །ཐམས་ཅད་དུ་ནི་གསང་སྔགས་ཚིག །བཞི་
D372.078.0255a05.01བཅུ་རྩ་བརྒྱད་བྲི་བར་བྱ། །དེ་རྣམས་སྔགས་ཀྱི་གཟུགས་རྣམས་ནི། །སྲོག་ནི་ཡི་གེའི་རྣམ་པ་ཅན། །ཡི་གེའི་ཆ་རྣམས་བཟང་པོ་ནི། །སྤངས་ནས་དབུས་མར་གནས་པ་ཡིན། །སྟོང་པར་ངེས་པར་ཐིམ་བྱས་ནས། །འོག་དང་སྟེང་དུ་བལྟ་བར་བྱ། །རྐང་པའི་མཐའ་ནས་མགོ་བོ་རུ། །
D372.078.0255a06.01རྣལ་འབྱོར་དབང་ཕྱུག་དེ་སྲིད་བྱེད། །ཁམས་ཀུན་རབ་ཏུ་ཞུགས་པ་ལ། །སེམས་ཀྱི་སྤྱོད་པ་ཅན་ཅི་སྨོས། །དེ་ལྟར་གསང་བ་གྱེན་གནོན་པ། །དཔའ་བོ་ཆེན་པོའི་དོན་ཅན་ནོ། །དབུས་མར་རབ་ཏུ་ཞུགས་པ་ཡི། །བསྣུན་དང་བསྒྲུབ་པ་ལ་སོགས་སྤངས། །འཐོར་རླུང་འཛིན་བཞིན་
D372.078.0255a07.01