德格《甘珠尔》D372

དེ་དང་འདྲ་བའི་དངོས་པོར་འགྱུར། །དྷ་དུ་རའི་མེའི་སྦྱིན་སྲེག་གིས། །ཤིང་ལ་དཔྱངས་པའི་སྐྲ་དང་ནི། །ཤ་ཟའི་རྩ་བ་བསྲེག་པར་བྱ། །འདི་ཡི་ལས་ཀྱི་རབ་སྦྱོར་བས། །སངས་རྒྱས་སྐད་ཅིག་གིས་སྨྱོ་འགྱུར། །དེ་ཕྱིར་བརྩོན་འགྲུས་བྱང་ཡན་

ལག །དེ་རྣམས་ལས་ནི་མངོན་པར་བྱ། །བརྩོན་འགྲུས་རྫོགས་བྱང་ཆུབ་མཐོང་བས། །རྟག་ཏུ་མྱུར་དུ་ཐོབ་པར་འགྱུར། །ཧི་ཡིག་འཕྱང་བའི་ཡེ་ཤེས་སུ། །རང་ཉིད་དཔའ་བོས་བཤད་པ་ཡིན། །མཱ་ཡིག་ཀྱང་ནི་རང་རིག་པ། །བདག་ཉིད་རྣམ་པའི་གནས་བཞུགས་དེ། །

ཐིམ་དང་ལོངས་སྤྱོད་རྣམ་པའི་གཟུགས། །སངས་རྒྱས་སྐུ་ཅན་སྐྱེ་བར་འགྱུར། །རང་གིས་རིག་བདག་རིག་པ་རྣམས། །སེམས་ཅན་དོན་བྱས་ནས་གཤེགས་འགྱུར། །སུམ་ཅུ་བདུན་བདག་ཉིད་དབུས་སུ། །ལས་ཀྱི་རྣལ་འབྱོར་མ་བསྒོམ་བྱ། །མདོག་དང་གཟུགས་ནི་

སྔོན་གྱི་བཞིན། །གསང་སྔགས་སྦྱོར་ལས་ཡང་དག་བྱུང་། །ཨོཾ་ཨ་ས་ནྟྲ་རྦ་མཱ་ནཱ་ལཱ་གཱ་དྷཱ་ནཱྃ་རི་ཤོ་ཎེ་ཥ་ཧཱུྃ་ཎ་ཧཱུྃ་སྟ་ཕཊ་མྦྷ་ཕཊ་ན་སྭཱ་བི་ཧཱ་དྷྲཱ་བ་ཎཱ་ཡ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། ཨོཾ་ཁ་གཱ་ན་ནེ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། ཞེས་བྱའི་སྔགས་ཀྱི་སྦྱོར་བདག་ཉིད། །ཤེས་རབ་ཐབས་ཀྱི་རང་བཞིན་ཅན། །

ཇི་ལྟ་བ་ནི་སྔོན་གྱི་བཞིན། །འཁྲུལ་འཁོར་འཁོར་ལོ་བཤད་པར་བྱ། །{ཡི་དགས་,ཡི་དྭགས་}འཁོར་ལོར་རྟག་ཏུ་ནི། །སྔགས་ཀྱི་ཕྲེང་བ་འདི་དགོད་བྱ། །ཐོག་མར་རྣམ་པར་སྣང་མཛད་དེ། །གཉིས་པར་མྦྷ་སྦྱར་བར་བྱ། །གསུམ་པར་དེ་ཉིད་དེ་ལྟར་སྦྱིན། །ལྔ་པར་རིག་བྱེད་རྣམས་དང་

པོ། །ཧྞ་ཡིག་དྲུག་པར་སྦྱིན་པར་བྱ། །ཧཱུྃ་གི་ཡི་གེ་བདུན་པར་དགོད། །བརྒྱད་པར་སུ་ཡི་ཡི་གེ་སྟེ། །དགུ་པར་དེ་ཉིད་སྦྱིན་པར་བྱ། །བཅུ་པར་ཧཱུྃ་གཉིས་སྦྱིན་བྱ་སྟེ། །གྲི་ཡིག་སླར་ཡང་བཅུ་གཉིས་པར། །བཅུ་གསུམ་པ་ལ་ཧྞའི་ཡི་གེ། །བཅུ་བཞི་པ་ལ་ཧཱུྃ་ཡིག་གོ། །{བཅྭ་,བཅོ་}

ལྔ་པ་ལ་ནི་ཡིག་སྟེ། །ཧཱུྃ་ཡིག་བཅུ་དྲུག་པ་ལ་དགོད། །བཅུ་བདུན་པ་ལ་ཕཊ་ཡིག་སྟེ། །གྲི་ཡིག་བཅུ་དགུ་པ་ལའོ། །ཧཱུྃ་ཡིག་ཉི་ཤུ་པ་ལ་སྦྱིན། །ཕཊ་ཡིག་ཉི་ཤུ་རྩ་གཅིག་ཏུ། །རྣམ་སྣང་མཛད་པ་ཉི་ཤུ་དགུར། །སུམ་ཅུར་ཧྞ་ཡིག་སླར་དགོད་བྱ། །སུམ་ཅུ་གཅིག་པར་དེ་ཉིད་