完整藏文原文 · 德格版页 当前仅加载第 47 函德格 8a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ལྟ་བས་ན་འདིར་གང་གི་ཡེ་ཤེས་མཐོང་བ་ཐོགས་པ་མེད་པར་འཇུག་པ་དེ་ནི་ཙན་དན་གྱི་ཁྱམས་དང་ཁང་{བཟངས་,བཟང་}འདི་ལ་ལོངས་སྤྱོད་པར་འགྱུར་རོ། །ཁྱིམ་བདག་ཇི་ལྟར་ན་དེ་བཞིན་གཤེགས་པས་གནས་ཤེས་པ། ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་
D99.047.0008a01.01ཅེ་ན། ཁྱིམ་བདག་འདི་ལ་དེ་བཞིན་གཤེགས་པས་རྒྱུ་གང་དང་རྐྱེན་གང་དག་གིས་གནས་ཤེས་པ། ཀུན་འབྱུང་བ་ཤེས་པ་ཡང་དག་པར་འགྲུབ་པའི་རྒྱུ་དེ་དང་རྐྱེན་དེ་དག་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། གལ་ཏེ་མི་རྟག་པར་རྗེས་སུ་བལྟ་བར་གནས་པའམ། གལ་ཏེ་སྡུག་བསྔལ་བར་རྗེས་
D99.047.0008a02.01སུ་བལྟ་བར་གནས་པའམ། གལ་ཏེ་ནང་དུ་རྗེས་སུ་བལྟ་བའམ། གལ་ཏེ་འབྲས་བུ་རྗེས་སུ་བལྟ་བའམ། གལ་ཏེ་ཟུག་རྔུར་རྗེས་སུ་བལྟ་བའམ། གལ་ཏེ་སྡིག་པར་རྗེས་སུ་བལྟ་བའམ། གལ་ཏེ་གནོད་པར་རྗེས་སུ་བལྟ་བའམ། གལ་ཏེ་ཆུང་ངུར་རྗེས་སུ་བལྟ་བའམ། གལ་ཏེ་འཇིག་པར་རྗེས་
D99.047.0008a03.01སུ་བལྟ་བའམ། གལ་ཏེ་གཡོ་བ་ཉིད་དུ་རྗེས་སུ་བལྟ་བའམ། གལ་ཏེ་རབ་ཏུ་འཇིག་པར་རྗེས་སུ་བལྟ་བའམ། གལ་ཏེ་འགོ་བའི་ནད་དུ་རྗེས་སུ་བལྟ་བའམ། གལ་ཏེ་སྟོང་པ་ཉིད་དུ་རྗེས་སུ་བལྟ་བའམ། གལ་ཏེ་བདག་མེད་པར་རྗེས་སུ་བལྟ་བའམ། གལ་ཏེ་དབུགས་དབྱུང་བ་མེད་པར་རྗེས་སུ་
D99.047.0008a04.01བལྟ་བའམ། གལ་ཏེ་ཉེས་དམིགས་སུ་རྗེས་སུ་བལྟ་བར་གནས་པའམ། གལ་ཏེ་ངེས་པར་འབྱུང་བར་རྗེས་སུ་བལྟ་བར་གནས་པ་དེ། དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་ནི་གནས་ཤེས་པ་ཀུན་འབྱུང་བ་ཤེས་པ་ཞེས་བྱ་སྟེ། དེ་དེ་བཞིན་གཤེགས་པས་
D99.047.0008a05.01ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །ཁྱིམ་བདག་གཞན་ཡང་དེ་བཞིན་གཤེགས་པས་འདི་ལྟར་རབ་ཏུ་མཁྱེན་ཏེ། གང་ཟག་འདི་ནི་དེ་བཞིན་གཤེགས་པ་ཁྲག་ཁྲིག་དེ་དག་ལ་དགེ་བའི་རྩ་བ་བསྐྱེད་ནས། གནས་ཤེས་པ་ལ་ངེས་པར་འབྱུང་བ་ཞེས་བྱ་སྟེ། ཁྱིམ་བདག་དེ་ལྟར་ན་དེ་བཞིན་གཤེགས་
D99.047.0008a06.01པས་གནས་ཤེས་པ་ཀུན་འབྱུང་བ་ཤེས་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དེ་བཞིན་གཤེགས་པས་གནས་ཤེས་པ་ཀུན་འབྱུང་བ་ཤེས་པ་དེ་ལ་ཡང་ཞུ་བ་ཞུས་པ་ན། བསྐལ་པར་ལན་གསུང་བ་ནས། བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པའི་བར་དག་ཏུ་ལན་གསུང་སྟེ།
D99.047.0008a07.01