完整藏文原文 · 德格版页 当前仅加载第 47 函德格 155a 版页；藏文 NFD、目录标记与异常页序保留在来源切片中，重复版页行以稳定序号区分。
གིས་ཁྱེར་བ་ན། ཇི་ཙམ་དུ་མིག་གིས་མཐོང་བའི་བར་ཐམས་ཅད་སྲེག་གོ། །དྲང་སྲོང་དེས་སྦྲུལ་གདུག་པ་ཉལ་ཞིང་འདུག་པ་དེ་མཐོང་ནས་འདི་སྙམ་དུ་སེམས་ཏེ། གལ་ཏེ་སྦྲུལ་གདུག་པ་འདི་སད་ན་ཇི་ཙམ་དུ་མཐོང་བ་ཐམས་ཅད་སྲེག་གོ། །གང་བདག་གི་རྫུ་འཕྲུལ་གྱི་
D99.047.0155a01.01སྟོབས་ཀྱིས་འཛམ་བུ་གླིང་གི་སྦྲུལ་གདུག་པའི་རྫིང་དེར་དོར་བར་བྱའོ་སྙམ་མོ། །དེ་རྫུ་འཕྲུལ་གྱི་སྟོབས་ཀྱིས་སྦྲུལ་གདུག་པ་དེ་དག་སྦྲུལ་གདུག་པའི་རྫིང་དེར་བོར་རོ། །དེ་བོར་མ་ཐག་ཏུ་སྦྲུལ་གདུག་པའི་རྫིང་དེར་ཤི་ནས། སྦྲུལ་གདུག་པ་དེ་དག་གིས་ཟོས་སོ། །དེ་ནས་དྲང་སྲོང་
D99.047.0155a02.01རྣམ་པར་གནོན་པས་འགྲོ་བས་སློབ་མ་རྣམས་ལ་སྨྲས་པ། བྲམ་ཟེའི་བུ་དག་ཇི་ཙམ་དུ་ད་ལྟར་བྱུང་བའི་ཉོན་མོངས་པ་སྐྱེས་ཤིང་མངོན་པར་གྲུབ་སྟེ། སྡུག་བསྔལ་ཆེན་པོར་ཞུགས་པ་འདི་ལ་ལྟོས། ངས་སྦྲུལ་གདུག་པ་འདི་སྦྲུལ་གདུག་པའི་རྫིང་དུ་ཤི་བ་མཐོང་སྟེ། སྦྲུལ་གདུག་པ་
D99.047.0155a03.01འདི་སྔོན་མིར་གྱུར་པ་ན། ད་ལྟར་བྱུང་བའི་ཉེས་པ་མི་བཟློག་ལ་ཁོན་དུ་འཛིན་པ་ཤིན་ཏུ་ཆེར་བྱེད་པའི་ཉེས་པ་དེ་འཕེལ་བར་བྱས། ཉེས་པ་དེ་སྤྱོད་ཅིང་འདུག་གོ། །མཽད་གལ་གྱི་བུ་དེ་ལྟ་བས་ན་ད་ལྟར་བྱུང་བའི་ཉེས་པ་བཟློག་པར་བྱའོ། །སེམས་ཅན་གང་དག་ཇི་ཙམ་དུ་ལོག་པར་ལྟུང་བ་དེ་དག་
D99.047.0155a04.01ཐམས་ཅད་ནི་ད་ལྟར་བྱུང་བའི་ཉོན་མོངས་པ་མ་བཟློག་པ་ཡིན། སེམས་ཅན་གང་དག་ཇི་ཙམ་དུ་འདས་པའི་དུས་ན་སྡུག་བསྔལ་མྱོང་བ་དེ་དག་ཐམས་ཅད་ད་ལྟར་བྱུང་བའི་ཉོན་མོངས་པ་མ་བཟློག་པ་ཡིན་ནོ། །དེ་ལྟར་འདས་པའི་དུས་སུ་དགེ་སྦྱོང་དང་བྲམ་ཟེ་དེ་དག་སྡུག་བསྔལ་མྱོང་བར་གྱུར་ཏོ། །
D99.047.0155a05.01སེམས་ཅན་གང་དག་འདས་པའི་དུས་ན་ད་ལྟར་བྱུང་བའི་ཕྱོགས་དཀར་པོ་འཕེལ་བར་བྱེད་པ་དེ་དག་ཐམས་ཅད་ཀྱི་རྐྱེན་གྱིས་འདས་པའི་དུས་སུ་བདེ་བ་མྱོང་ངོ་། །སེམས་ཅན་གང་དག་ཇི་ཙམ་དུ་མ་འོངས་པའི་དུས་ན་བདེ་བ་མྱོང་བར་འགྱུར་བ་དེ་དག་ཐམས་ཅད་ད་ལྟར་བྱུང་བའི་ཕྱོགས་དཀར་པོ་འཕེལ་
D99.047.0155a06.01བར་བྱས་པས་མ་འོངས་པའི་དུས་སུ་བདེ་བ་མྱོང་བར་འགྱུར་རོ། །སེམས་ཅན་གང་དག་ཇི་ཙམ་དུ་ད་ལྟར་བྱུང་བའི་དུས་སུ་སྡུག་བསྔལ་མྱོང་བ་དེ་དག་ཐམས་ཅད་ད་ལྟར་བྱུང་བའི་ཉོན་མོངས་པ་མ་བཟློག་པ་ཡིན་ནོ། །སེམས་ཅན་གང་དག་ཇི་ཙམ་དུ་ད་ལྟར་བྱུང་བའི་དུས་སུ་བདེ་བ་མྱོང་བ་
D99.047.0155a07.01