完整藏文原文 · 德格版页 当前仅加载第 47 函德格 147a 版页；藏文 NFD、目录标记与异常页序保留在来源切片中，重复版页行以稳定序号区分。
ཉུག་པར་བྱེད་དོ། །བྱམས་པའི་ལུས་ཀྱི་ལས་ཀྱིས་ཡང་དག་པར་བྱུགས། བྱམས་པའི་ངག་གི་ལས་དང་། བྱམས་པའི་ཡིད་ཀྱི་ལས་ཀྱིས་ཀུན་ནས་བརྗོད་ཅིང་། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །རི་བོང་ཚལ་ཤིང་ནགས་ན་གནས་པ་ལེགས། །ཆོས་དང་
D99.047.0147a01.01ལྡན་ཞིང་ཆོས་དགའ་བླ་མ་བསྟེན། །གང་གིས་སྲིད་པ་ཚལ་ཤིང་འདི་རུ་གནས། །བདག་གིས་དྲིས་པ་དག་ནི་ལེགས་པར་སྨྲོས། །ང་དང་ལྷན་ཅིག་འདུག་པའང་མི་འཇིགས་སམ། །གཞན་ཡང་བཀྲེས་དང་སྐོམ་པ་དག་མེད་དམ། །རྩྭ་འཇམ་དག་ལ་ཟ་བར་བྱེད་པ་ན། ཁྱོད་ཀྱི་ལུས་ནི་གང་
D99.047.0147a02.01གིས་ཚལ་ན་གནས། །དེས་སྨྲས་པ། མི་ཡི་བྲམ་ཟེ་བདག་ལས་གསན་པར་མཛོད། །ནགས་ཁྲོད་འདི་ན་ཆོས་སྤྱོད་ཁྱོད་གཟིགས་ཤིག །བཏུང་བ་དག་དང་དེ་བཞིན་རྩྭ་མི་འཚལ། །དྲང་སྲོང་ལྟ་ཞིང་ལྷན་ཅིག་དགའ་བར་བགྱི། །ཆོས་ལྡན་མཐོང་ནས་ཚུལ་ཁྲིམས་བརྟུལ་ཞུགས་སྤྱད། །འཇིག་
D99.047.0147a03.01རྟེན་བདེ་དེར་དགའ་མགུ་ཐོབ་པར་བགྱི། །ཁྱོད་ཀྱིས་ལས་ཅི་བྱས་པས་མི་ཡུལ་དུ། །འོངས་ཤིང་གང་གིས་དུད་འགྲོའི་སྐྱེ་གནས་སོང་། །གང་ཞིག་ཐོས་ནས་མགུ་བར་འགྱུར་བ་དག །དེ་ནི་བརྟགས་པའི་ཚིག་གིས་ང་ལ་སྨྲོས། །སྨྲས་པ། སྔོན་གྱི་སྲིད་པར་ཆོས་འཆད་ཉན་པར་བདག །ཞུགས་
D99.047.0147a04.01ནས་བདག་གིས་ཆོས་སྨྲ་དེ་གཙེས་ཏེ། །དེས་ན་དུད་འགྲོའི་འགྲོ་བར་བདག་སོང་ངོ་། །དེས་སྨྲས་པ། རིང་ཞིག་བདག་གིས་འདིར་འདུག་ང་ནི་འགྲོ། །ཅུང་རྩན་བཟོད་མཛོད་སྐོམ་འཐུང་རྩྭ་ཟོ་ལ། །དུས་ལས་འདའ་བ་དག་ཏུ་ཁྱོད་མ་བྱེད། །དེས་སྨྲས་པ། བདག་ནི་ཆུད་གདོན་དུ་གཉེར་མ་ཡིན། །རྩྭ་
D99.047.0147a05.01ཡང་མི་འདོད་བཤད་པའང་མི་འདོད་ཀྱི། །བདག་ལ་གཟིགས་ཤིང་མ་བཏང་མ་བཞུད་པར། །བྲམ་ཟེ་ཚལ་འདིའི་ནང་དུ་བཞུགས་པར་མཛོད། །དེས་སྨྲས་པ། ཅུང་རྩན་བཟའ་བའི་རྣམ་པ་ག་ལ་ཡོད། །དེ་བཞིན་བཏུང་བ་དག་གི་རྣམ་པ་དང་། །གནས་པ་དག་ཀྱང་རབ་ཏུ་མེད་པས་ན། །བྲམ་
D99.047.0147a06.01ཟེ་གང་གིས་ཚལ་འདིའི་ནང་དུ་གཟུང་། །དེས་སྨྲས་པ། དྲང་སྲོང་གིས་ནི་ཡོངས་སུ་དྲིས་པའི་ཟས། །མེད་དེ་དེ་བཞིན་བཏུང་དང་ཏིལ་མེད་ཅིང་། །འབྲས་ཀྱང་ཡོད་པ་མ་ཡིན་མལ་ཆ་དང་། །སྟན་དག་བདག་ལ་ཡོད་པ་མ་ཡིན་པས། །དྲང་སྲོང་ལ་ནི་བདག་ཉིད་གཏང་བྱ་སྟེ། །དྲང་སྲོང་རབ་ཏུ་
D99.047.0147a07.01