完整藏文原文 · 德格版页 当前仅加载第 47 函德格 264b 版页；藏文 NFD、目录标记与异常页序保留在来源切片中，重复版页行以稳定序号区分。
འདི་ཉིད་བདེན་གྱི་གཞན་ནི་{བརྫུན་,རྫུན་}ནོ་ཞེས་དེ་ལྟར་ལྟ། དེ་ལྟར་སྨྲ་བ་ཡོད། དགེ་སྦྱོང་དང་བྲམ་ཟེ་ཁ་ཅིག་བདག་རྟག་པའང་མ་ཡིན། མི་རྟག་པའང་མ་ཡིན་པ་ཤི་ནས་ནད་མེད་པ་འདི་ཉིད་ཅེས་བྱ་བ་ནས། དེ་བཞིན་དུ་སྦྱར་ཏེ་དེ་ལྟར་ལྟ། དེ་ལྟར་སྨྲ་བ་ཡོད་དོ། །གནས་འདི་ནི་ཡོད་དེ།
D99.047.0264b01.01གལ་ཏེ་དགེ་སྦྱོང་ངམ་བྲམ་ཟེ་ཁ་ཅིག་འབད་པའི་རྗེས་སུ་འགྲོ་བ་དང་། སྤོང་བའི་རྗེས་སུ་འགྲོ་བ་དང་སྦྱོར་བའི་རྗེས་སུ་འགྲོ་བ་དེ་ལྟ་བུའི་སེམས་ཀྱི་ཏིང་ངེ་འཛིན་ཐོབ་སྟེ། ཇི་ལྟར་སེམས་མཉམ་པར་བཞག་ན་བསྐལ་པ་བཞི་བཅུ་རྗེས་སུ་དྲན་ནོ། །དེ་འདི་སྙམ་དུ་སེམས་ཏེ། དེ་ཙམ་ན་
D99.047.0264b02.01བདག་འདི་ནི་དེའི་ཕ་རོལ་ན་ཡང་ཡོད་དེ། བདག་དང་འཇིག་རྟེན་དེ་ནི་རྟག་གོ་སྙམ་མོ། །འདི་ནི་རྟག་པར་སྨྲ་བ་དང་པོ་ཡིན་ནོ། །གནས་འདི་ནི་ཡོད་དེ། གལ་ཏེ་དགེ་སྦྱོང་དང་བྲམ་ཟེ་ཁ་ཅིག་འབད་པའི་རྗེས་སུ་འགྲོ་བ་དང་། སྤོང་བའི་རྗེས་སུ་འགྲོ་བ་དང་། སྦྱོར་བའི་རྗེས་སུ་འགྲོ་
D99.047.0264b03.01བ་དེ་ལྟ་བུའི་སེམས་ཀྱི་ཏིང་ངེ་འཛིན་ཐོབ་སྟེ། ཇི་ལྟར་སེམས་མཉམ་པར་བཞག་ན་བསྐལ་པ་བརྒྱ་ལྔ་བཅུ་རྗེས་སུ་དྲན་ནོ། །དེ་འདི་སྙམ་དུ་སེམས་ཏེ། དེ་ཙམ་ན་བདག་འདི་ནི་དེའི་ཕ་རོལ་ན་ཡང་ཡོད་དོ་སྙམ་མོ། །འདི་ནི་རྟག་པར་སྨྲ་བ་གཉིས་པའོ། །གནས་འདི་ནི་
D99.047.0264b04.01ཡོད་དེ། གལ་ཏེ་ཁ་ཅིག་ནས་དེ་བཞིན་དུ་སྦྱར་ཏེ། འབད་པའི་རྗེས་སུ་འགྲོ་བ་དང་། སྤོང་བའི་རྗེས་སུ་འགྲོ་བ་དང་། སྦྱོར་བའི་རྗེས་སུ་འགྲོ་བ་ནས་དེ་བཞིན་དུ་སྦྱར་ཏེ། བསྐལ་པ་དྲུག་ཅུ་རྗེས་སུ་དྲན་ནོ། །དེ་འདི་སྙམ་དུ་སེམས་ཏེ། དེ་ཙམ་ན་བདག་འདི་ནི་དེའི་ཕ་རོལ་
D99.047.0264b05.01ན་ཡང་ཡོད་དོ་སྙམ་མོ། །འདི་ནི་རྟག་པར་སྨྲ་བ་གསུམ་པའོ། །གནས་འདི་ནི་ཡོད་དེ། གལ་ཏེ་དགེ་སྦྱོང་དང་བྲམ་ཟེ་ཁ་ཅིག་ནས་དེ་བཞིན་དུ་སྦྱར་བར་བྱ་སྟེ། བསྐལ་པ་བརྒྱད་ཅུ་རྗེས་སུ་དྲན་ནོ། །དེ་འདི་སྙམ་དུ་སེམས་ཏེ། དེ་ཙམ་ན་བདག་འདི་ནི་དེའི་ཕ་རོལ་ན་ཡང་ཡོད་དོ་
D99.047.0264b06.01སྙམ་མོ། །འདི་ནི་རྟག་པར་སྨྲ་བ་བཞི་པའོ། །འཇིག་རྟེན་འཇིག་པ་འདི་ནི་དེའི་དུས་ཡིན། དེའི་དུས་མ་ཡིན་ཏེ། འཇིག་རྟེན་འཇིག་པ་ན་སེམས་ཅན་གང་ཕལ་ཆེར་འོད་གསལ་དུ་འགྲོ་བར་འགྱུར་ཏེ། དེ་དག་དེར་དུས་ཡུན་རིང་དུ་གནས་སོ། །འཇིག་རྟེན་འཆགས་
D99.047.0264b07.01