完整藏文原文 · 德格版页 当前仅加载第 47 函德格 160a 版页；藏文 NFD、目录标记与异常页序保留在来源切片中，重复版页行以稳定序号区分。
འགྲོ་བ་གསུམ་གྱི་ཁམས་སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་ཡང་དག་པར་འགྲུབ་བོ། །གཏི་མུག་ལས་སྐྱེས་པའི་ལས་ཀྱིས་འགྲོ་བ་ལྔའི་ཁམས་སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་
D99.047.0160a01.01རྗེའི་འཇིག་རྟེན་དང་། མི་དང་ལྷ་རྣམས་སུ་མངོན་པར་འགྲུབ་བོ། །དེ་ཅིའི་ཕྱིར་ཞེ་ན། ཆགས་པ་ནི་སྒོ་ལྔ་དག་གི་ལས་བྱེད། ཞེ་སྡང་གི་སྒོ་གསུམ། གཏི་མུག་ནི་སྒོ་ལྔ་དག་གི་ལས་བྱེད་དོ། །དེ་ཅིའི་ཕྱིར་ཞེ་ན། ཆགས་པའི་ས་གང་ཡིན་པ་གཏི་མུག་གི་ཡང་དེ་བཞིན་ནོ། །ཞེ་
D99.047.0160a02.01སྡང་ནི་ངན་སོང་འབའ་ཞིག་གིས་སྟེ། དེས་ན་ཁམས་དུ་མ་ཞེས་བྱའོ། །སྣང་བ་བྱིན་པས་ནི་ངའི་མིག་བསྒྲུབས། ཁྲོ་བ་མེད་པས་ནི་ངའི་གཟུགས་ཀྱི་ཁམས་བསྒྲུབས། ཤེས་པ་རྗེས་སུ་བྱིན་པས་ནི་ངའི་མིག་གི་རྣམ་པར་ཤེས་པའི་ཁམས་བསྒྲུབས་སོ། །དགའ་བའི་ཚིག་བྱིན་པས་
D99.047.0160a03.01ནི་ངའི་རྣ་བའི་ཁམས་བསྒྲུབས། རོལ་མོའི་སྒྲ་བྱིན་པས་ནི་ངའི་སྒྲའི་ཁམས་བསྒྲུབས། རོལ་མོའི་སྒྲ་ལ་རྗེས་སུ་ཡི་རང་བར་བྱས་པས་ནི་ངའི་རྣ་བའི་རྣམ་པར་ཤེས་པའི་ཁམས་བསྒྲུབས་སོ། །སྤོས་བྱིན་པས་ནི་ངའི་སྣའི་ཁམས་བསྒྲུབས། སྤོས་ཞིམ་པོ་བྱིན་པས་ནི་ངའི་དྲིའི་ཁམས་བསྒྲུབས།
D99.047.0160a04.01སྤོས་སྦྱར་བ་བྱིན་པས་ནི་ངའི་སྣའི་རྣམ་པར་ཤེས་པའི་ཁམས་བསྒྲུབས་སོ། །རོ་ཞིམ་པོ་བྱིན་པས་ནི་ངའི་ལྕེའི་ཁམས་བསྒྲུབས། རོའི་མཆོག་བྱིན་པས་ནི་ངའི་རོའི་ཁམས་བསྒྲུབས། རོ་སྦྱར་བ་བྱིན་པས་ནི་ངའི་ལྕེའི་རྣམ་པར་ཤེས་པའི་ཁམས་བསྒྲུབས་སོ། །ཡིད་བསྡམས་པས་ནི་ངའི་
D99.047.0160a05.01ལུས་ཀྱི་ཁམས་བསྒྲུབས། གོས་འཇམ་པོ་བྱིན་པས་ནི་ངའི་རེག་བྱའི་ཁམས་བསྒྲུབས། གོས་བྱིན་པ་ལ་རྗེས་སུ་ཡི་རང་བས་ནི་ངའི་ལུས་ཀྱི་རྣམ་པར་ཤེས་པའི་ཁམས་བསྒྲུབས་སོ། །ཡིད་དུ་འོང་བ་བྱིན་པས་ནི་ངའི་ཡིད་ཀྱི་ཁམས་བསྒྲུབས། ཆོས་བྱིན་པས་ནི་ངའི་ཆོས་ཀྱི་ཁམས་བསྒྲུབས།
D99.047.0160a06.01ཆོས་བསམ་པ་ལ་བཟོད་པས་ནི་ངའི་ཡིད་ཀྱི་རྣམ་པར་ཤེས་པའི་ཁམས་བསྒྲུབས་ཏེ། རྒྱུ་འདི་དག་དང་། རྐྱེན་འདི་དག་དང་རྒྱུ་གང་དག་དང་། རྐྱེན་གང་དག་གིས་ཁམས་{བཅྭ་,བཅོ་}བརྒྱད་མངོན་པར་འགྲུབ་བོ། །དེ་འདི་ལྟར་ཡང་སེམས་ཏེ་ཡང་དག་པ་ཇི་ལྟ་བ་བཞིན་དུ་མཐོང་བ་བསྐྱེད་དེ། དེ་དགེ་བའི་
D99.047.0160a07.01