完整藏文原文 · 德格版页 当前仅加载第 47 函德格 111a 版页；藏文 NFD、目录标记与异常页序保留在来源切片中，重复版页行以稳定序号区分。
མཁྱེན་ཏེ། འདི་ལྟ་སྟེ་དཔེར་ན། སྒྱུ་མའི་སྐྱེས་བུའི་རྨི་ལམ་ན་ནད་ཐམས་ཅད་རབ་ཏུ་ཞི་བར་བྱེད་པ་ཤེས་པ་ཇི་སྙེད་པ་ཉིད་ནི་མིང་ཙམ་སྟེ། དེ་བཞིན་དུ་དེ་བཞིན་གཤེགས་པས་ཐམས་ཅད་མཁྱེན་པ་ཤེས་པ་འགོག་པ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་
D99.047.0111a01.01ཏུ་མཁྱེན་ཏོ། །ཁྱིམ་བདག་དེ་ལ་དེ་བཞིན་གཤེགས་པས་ཐམས་ཅད་མཁྱེན་པ་ཤེས་པ་འགོག་པར་འགྱུར་བའི་ལམ་ཤེས་པ་འདི་ལྟར་རབ་ཏུ་མཁྱེན་ཏེ། འདི་ལྟ་སྟེ་དཔེར་ན། སྒྱུ་མའི་སྐྱེས་བུའི་རྨི་ལམ་ན་གསོ་བའི་དཔྱད་ཇི་སྙེད་པ་ཉིད་ནི་མིང་ཙམ་སྟེ། དེ་བཞིན་དུ་དེ་བཞིན་གཤེགས་
D99.047.0111a02.01པས་ཐམས་ཅད་མཁྱེན་པ་ཤེས་པ་འགོག་པར་འགྱུར་བའི་ལམ་ཤེས་པ་ཇི་སྙེད་པ་ཉིད་ཀྱང་མིང་ཙམ་དུ་དེ་ལྟར་རབ་ཏུ་མཁྱེན་ཏོ། །ཁྱིམ་བདག་དེ་ལྟ་བས་ན་འདིར་གང་གི་ཡེ་ཤེས་མཐོང་བ་ཐོགས་པ་མེད་པར་འཇུག་པ་གཞན་གྱིས་མ་བསྟན་ཅིང་། གཞན་ལ་རག་མ་ལས་པའི་
D99.047.0111a03.01ཤེས་པས་སེམས་ཅན་རྣམས་ལ་ཕན་གདགས་པའི་དོན་དུ་བདག་ཉིད་མངོན་པར་རྫོགས་པར་སངས་རྒྱས་པ་དེ་ནི་ཙན་དན་གྱི་ཁྱམས་དང་། ཁང་{བཟངས་ཀྱི་,བཟང་གི་}བར་འདི་ལ་ལོངས་སྤྱོད་པར་འགྱུར་རོ། །དེ་སྐད་ཅེས་སྨྲས་པ་དང་། ཁྱིམ་བདག་ཕྱྭ་མཁན་གྱིས་ལག་གི་བླ་ཚེ་དང་ལྡན་
D99.047.0111a04.01པ་གང་པོ་ལ་འདི་སྐད་ཅེས་སྨྲས་སོ། །གང་པོ་བཅོམ་ལྡན་འདས་དེ་ད་ལྟར་གང་ན་བཞུགས། དེ་སྐད་ཅེས་སྨྲས་པ་དང་། ལག་གི་བླ་གང་པོས་ཁྱིམ་བདག་ཕྱྭ་མཁན་ལ་འདི་སྐད་ཅེས་སྨྲས་སོ། །ཁྱིམ་བདག་བྱང་ཕྱོགས་ལོགས་ན་ཀོ་ས་ལ་ཞེས་བྱ་བའི་ཡུལ་གྱི་ལྗོངས་ཡོད་དེ།
D99.047.0111a05.01གངས་རིའི་རྒྱལ་པོའི་དྲུང་ན་མཉན་ཡོད་ཅེས་བྱ་བ་གྲོང་ཁྱེར་ཆེན་པོ་དེ་ན་རྒྱལ་པོའི་བུ་གཞོན་ནུ་རྒྱལ་བུ་རྒྱལ་བྱེད་ཀྱི་ཚལ་ཁྱིམ་བདག་མགོན་མེད་ཟས་སྦྱིན་གྱི་ཀུན་དགའ་ར་བ་ན། བཅོམ་ལྡན་འདས་དེ་ད་ལྟར་བཞུགས་སོ། །དེ་སྐད་ཅེས་སྨྲས་པ་དང་། ཁྱིམ་བདག་ཕྱྭ་མཁན་གྱིས་ལག་གི་བླ་
D99.047.0111a06.01ཚེ་དང་ལྡན་པ་གང་པོ་ལ་འདི་སྐད་ཅེས་སྨྲས་སོ། །གང་པོ་མཉན་ཡོད་ཀྱི་གྲོང་ཁྱེར་ཆེན་པོ་འདི་ནས་རིང་ཁྱད་ཅི་ཙམ་སྨྲས་པ། ཁྱིམ་བདག་དེ་དཔག་ཚད་སུམ་སྟོང་དྲུག་ཅུ་རྩ་བཞི་ཡོད་དོ། །དེ་སྐད་ཅེས་སྨྲས་པ་དང་། ཁྱིམ་བདག་ཕྱྭ་མཁན་གྱིས་ལག་གི་བླ་ཚེ་དང་ལྡན་པ་གང་པོ་ལ་འདི་
D99.047.0111a07.01