完整藏文原文 · 德格版页 当前仅加载第 47 函德格 14a 版页；藏文 NFD、目录标记与异常页序保留在来源切片中，重复版页行以稳定序号区分。
པར་བྱ་བ་ཡིན་ཞིང་། ཕྱི་མ་ལ་ཡང་རྣམ་པར་སྨིན་པ་མི་འདོད་པ་ཡིན་ཏེ། ཡང་དག་པར་ལེན་པའི་ལས་འདི་ནི་ད་ལྟར་བྱུང་བ་ན་ཡང་སྡུག་བསྔལ་ལ། ཕྱི་མ་ལ་ཡང་རྣམ་པར་སྨིན་པ་སྡུག་བསྔལ་བ་ཡིན་ནོ། །ད་ལྟར་བྱུང་བ་ན་བདེ་ལ། ཕྱི་མ་ལ་ཡང་རྣམ་པར་སྨིན་པ་སྡུག་
D99.047.0014a01.01བསྔལ་བ་ཡང་དག་པར་ལེན་པའི་ལས་གང་ཞེ་ན། འདོད་ཆགས་དྲག་པོ་དང་། ཞེ་སྡང་དྲག་པོ་དང་། གཏི་མུག་དྲག་པོ་དང་། དབང་ཕྱུག་གི་དབང་གིས་ཡང་དག་པར་བླངས་པ་ཡིན་ཏེ། འདི་ལྟ་སྟེ། མི་དགེ་བ་བཅུའི་ལས་ཀྱི་ལམ་རྣམས་ཡང་དག་པར་བླངས་པ་ཡིན་ལ། དེ་ཚེ་འདི་ཉིད་ལ་ལོངས་སྤྱོད་
D99.047.0014a02.01ཀྱི་གྲངས་སུ་འགྱུར་ཞིང་། བྱིས་པ་རྣམས་ཀྱིས་ཀྱང་བསྔགས་ལ། མཁས་པ་རྣམས་ཀྱིས་ནི་སྨད་ལ། ཕྱི་མ་ལ་ཡང་མི་འདོད་པ། མི་སྡུག་པ་དག་ཏུ་འགྱུར་ཏེ། བྱིས་པ་རྣམས་ཀྱིས་བསྔགས་ལ། མཁས་པ་རྣམས་ཀྱིས་སྨད་པ་ཡང་དག་པར་ལེན་པའི་ལས་འདི་ནི་ད་ལྟར་བྱུང་བ་ན་བདེ་ལ།
D99.047.0014a03.01ཕྱི་མ་ལ་རྣམ་པར་སྨིན་པ་སྡུག་བསྔལ་བ་ཡིན་ནོ། །ད་ལྟར་བྱུང་བ་ན་ཡང་སྡུག་བསྔལ་ལ། ཕྱི་མ་ལ་ཡང་རྣམ་པར་སྨིན་པ་བདེ་བ་ཡང་དག་པར་ལེན་པའི་ལས་གང་ཞེ་ན། འདོད་ཆགས་དྲག་པོ་དང་། ཞེ་སྡང་དྲག་པོ་དང་། གཏི་མུག་དྲག་པོ་གང་དག་སོ་སོར་རྟོག་པ་འདིས་ལས་ཀྱི་རོ་མྱང་བ་ལ་ཞུགས་
D99.047.0014a04.01ལ། དགེ་བ་བཅུའི་ལས་ཀྱི་ལམ་རྣམས་ཡང་དག་པར་བླངས་ཏེ། དབུལ་བ་ཟིལ་གྱིས་མནན་ནས་ཚུལ་བཞིན་དུ་སོ་སོར་རྟོག་པ། མཁས་པ་རྣམས་ཀྱིས་བཟུང་བ། སྡུག་བསྔལ་ལ་བཟོད་པ། ཡིད་མི་བདེ་བ་ལ་བཟོད་པ། དགེ་བའི་ཕྱོགས་ཡང་དག་པར་ལེན་པ། འཕགས་པའི་ཆོས་ཡང་དག་
D99.047.0014a05.01པར་ལེན་པ་སྟེ། ཡང་དག་པར་ལེན་པའི་ལས་འདི་ནི་ད་ལྟར་བྱུང་བ་ན་སྡུག་བསྔལ་ལ། ཕྱི་མ་ལ་རྣམ་པར་སྨིན་པ་བདེ་བ་ཡིན་ནོ། །ད་ལྟར་བྱུང་བ་ན་ཡང་བདེ་ལ། ཕྱི་མ་ལ་ཡང་རྣམ་པར་སྨིན་པ་བདེ་བ་ཡང་དག་པར་ལེན་པའི་ལས་གང་ཞེ་ན། འདོད་ཆགས་ཆུང་བ་དང་། ཞེ་སྡང་ཆུང་བ་དང་། གཏི་
D99.047.0014a06.01མུག་ཆུང་བ་དང་། ཤེས་རབ་གསལ་བ་གང་དག་གིས་ཚུལ་བཞིན་དུ་སོ་སོར་རྟོག་པ་སྟེ། དགེ་བ་བཅུའི་ལས་ཀྱི་ལམ་རྣམས་ཡང་དག་པར་བླངས་ཤིང་ཡོ་བྱད་ཕུན་སུམ་ཚོགས་ཀྱང་། དབང་ཕྱུག་དང་རྒྱགས་པ་ཟིལ་གྱིས་མནན་ནས། དགེ་བའི་ཕྱོགས་ཀྱི་གཞི་ལ་གནས་པའོ། །དེ་ཚེ་འདི་ཉིད་ལ་ཡང་བདེ་ལ་ཡོ་
D99.047.0014a07.01