完整藏文原文 · 德格版页 当前仅加载第 47 函德格 164b 版页；藏文 NFD、目录标记与异常页序保留在来源切片中，重复版页行以稳定序号区分。
ཟག་རྗེས་སུ་དཔག་གང་ཟག་ལས་འགྲོ་བ་རྗེས་སུ་དཔག །འགྲོ་བ་ལས་རྣམ་པར་སྨིན་པ་རྗེས་སུ་དཔག །རྣམ་པར་སྨིན་པ་ལས་འཁོར་བ་རྗེས་སུ་དཔག །འཁོར་བ་ལས་འཁོར་བའི་སྡུག་བསྔལ་རྗེས་སུ་དཔག །འཁོར་བའི་སྡུག་བསྔལ་ལས་ལས་དང་ཉོན་མོངས་པ་རྗེས་སུ་དཔག །སྡུག་བསྔལ་
D99.047.0164b01.01དང་ཀུན་ནས་ཉོན་མོངས་པ་དེ་ཟད་ན་ངེས་པར་འབྱུང་སྟེ། ཉོན་མོངས་པ་ཟད་པས་ལས་ཟད། ལས་ཟད་པས་མངོན་པར་མི་འགྲུབ་སྟེ། གང་མངོན་པར་མ་གྲུབ་ན་དེ་མྱ་ངན་ལས་འདས་པ་ཡིན་ནོ། །དེ་གང་གིས་མྱ་ངན་ལས་འདས་པ་ཡིན་ཞེ་ན། སྡུག་བསྔལ་འདིའི་མྱ་ངན་ལས་
D99.047.0164b02.01འདས་པ་ཡིན་ཏེ་འདི་ལྟ་སྟེ་དཔེར་ན་ཤིང་བསྡུས་པ་ལས་མེ་འབར་རོ། །ཤིང་ཟད་ན་མེ་འཆི་སྟེ་འདིར་གཞན་གང་ཡང་མེ་མ་ཡིན་གྱི་ཤིང་གང་ཟད་ན་འཆིའོ། །དེ་བཞིན་དུ་ལས་དང་ཉོན་མོངས་པ་ཟད་ན་མྱ་ངན་ལས་འདའ་སྟེ་འདིར་གཞན་གང་ཡང་སྡུག་བསྔལ་མ་ཡིན་གྱི་གང་དེའི་མྱ་ངན་ལས་འདའ་བ་ནི་ལས་དང་
D99.047.0164b03.01ཉོན་མོངས་པ་ཟད་པ་ལས་མྱ་ངན་ལས་འདའོ། །མཽད་གལ་གྱི་བུ་སྔོན་བྱུང་བ་འདས་པའི་དུས་འཁོར་བ་དཔག་ཏུ་མེད་པ་ནས་དེའི་ཕ་རོལ་གྱི་ཡང་ཆེས་ཕ་རོལ་ན་དེ་བཞིན་གཤེགས་པ་འཇིག་རྟེན་གསུམ་གྱི་བླ་མ་ཞེས་བྱ་བ་ནས། སངས་རྒྱས་བཅོམ་ལྡན་འདས་ཀྱི་བར་འཇིག་རྟེན་དུ་བྱུང་སྟེ། དེ་བཞིན་
D99.047.0164b04.01གཤེགས་པ་འཇིག་རྟེན་གསུམ་གྱི་བླ་མ་དེའི་སངས་རྒྱས་ཀྱི་ཞིང་དེར་བྲམ་ཟེ་ཟླ་བའི་སྨིན་མ་ཞེས་བྱ་བ་ཤིང་སཱ་ལ་ཆེན་པོ་ལྟ་བུ་ཞིག་བྱུང་སྟེ། འདོན་པ་སྔགས་འཛིན་པ། རིག་པ་གསུམ་གྱི་ཕ་རོལ་ཏུ་ཕྱིན་པ་སྒྲ་ངེས་པར་སྦྱོར་བ་དང་། ཤེས་གསལ་དང་ལྔ་པ་སྟེ། སྔོན་བྱུང་བ་དང་བཅས་པ་དང་། ཚིག་
D99.047.0164b05.01གིས་ལུང་སྟོན་པ་དང་། འཇིག་རྟེན་རྒྱང་འཕེན་པ་དང་། མཆོད་སྦྱིན་གྱི་རྒྱུད་དང་། སྐྱེས་བུ་ཆེན་པོའི་མཚན་ཉིད་ཀྱི་རིགས་དང་འཐུན་པར་རྗེས་སུ་སྐྱེས་པ། རང་གི་སློབ་དཔོན་གྱི་གསུང་རབ་རིག་པ་གསུམ་ལམ་མགུ་ནས་དགེ་བའི་ཆོས་ཚོལ་ཏེ། དེ་བྲམ་ཟེ་ཀུན་གྱིས་རྗེས་སུ་ཤེས་པའི་ཕ་རོལ་
D99.047.0164b06.01ཏུ་ཕྱིན་ཅིང་། འཇིག་རྟེན་རྒྱང་འཕེན་པའི་རྒྱུད་ཀྱི་ཕ་རོལ་ཏུ་ཕྱིན་པ། གསོ་བའི་དཔྱད་ཀྱི་རྒྱུད་ཐམས་ཅད་ཀྱི་ཕ་རོལ་ཏུ་ཕྱིན་པ། མཚན་མའི་རྒྱུད་ཐམས་ཅད་ཀྱི་ཕ་རོལ་ཏུ་ཕྱིན་པ། སྒྱུ་མའི་བསྟན་བཅོས་ཐམས་ཅད་ཀྱི་ཕ་རོལ་ཏུ་ཕྱིན་པ་ལ་འདི་ལྟ་སྟེ། མིག་འཕྲུལ་དང་། ཉེ་བའི་མིག་འཕྲུལ་དང་། ཐགས་
D99.047.0164b07.01