完整藏文原文 · 德格版页 当前仅加载第 47 函德格 206a 版页；藏文 NFD、目录标记与异常页序保留在来源切片中，重复版页行以稳定序号区分。
མཆི་བར་འགྱུར་ལགས། དེ་སྐད་ཅེས་གསོལ་བ་དང་། བཅོམ་ལྡན་འདས་ཀྱིས་ཚེ་དང་ལྡན་པ་མཽད་གལ་གྱི་བུ་ཆེན་པོ་ལ་འདི་སྐད་ཅེས་བཀའ་སྩལ་ཏོ། །མཽད་གལ་གྱི་བུ་ལེགས་སོ་ལེགས་སོ། །ཆོས་འདི་དག་ལ་འགྲོ་བ་ཞེས་བྱ་བ་མི་སྣང་སྟེ། ཆོས་འདི་དག་ལ་
D99.047.0206a01.01ཉན་ཐོས་རྣམས་ཀྱི་འགྲོ་བ་སྣང་བ་མ་ཡིན། རང་སངས་རྒྱས་རྣམས་ཀྱི་འགྲོ་བ་སྣང་བ་མ་ཡིན། བྱང་ཆུབ་སེམས་དཔའ་སེམས་དང་པོ་བསྐྱེད་པ་རྣམས་ཀྱི་གང་རེ་ཤིག་བྱང་ཆུབ་སེམས་དཔའ་སེམས་དང་པོ་བསྐྱེད་པ་དེ་དག་ཐམས་ཅད་ཀྱི་འགྲོ་བ་ཡང་འདི་མ་ཡིན་ན། ཉན་ཐོས་རྣམས་ལྟ་
D99.047.0206a02.01སྨོས་ཀྱང་ཅི་དགོས། མཽད་གལ་གྱི་བུ་བྱང་ཆུབ་སེམས་དཔའ་གང་རྒྱལ་ཚབ་ཀྱིས་ལ་གནས་པ་དེའི་ས་ཡང་མ་ཡིན་ཏེ། མཽད་གལ་གྱི་བུ་བྱང་ཆུབ་སེམས་དཔའ་འདི་དག་གི་དགེ་བའི་རྩ་བ་བསྐྱེད་པའི་སྟོབས་ཀྱང་སྣང་ངོ་། །མཽད་གལ་གྱི་བུ་འཇིག་རྟེན་གྱི་ཁམས་དེར་དགེ་བའི་རྩ་བའི་ཆོས་གང་
D99.047.0206a03.01ཡང་རུང་བས་འགྲོ་བ་མ་ཡིན་ཏེ། འོན་ཀྱང་བྱང་ཆུབ་སེམས་དཔའ་དེ་དག་གི་བློ་ཉིན་མཚན་དུ་འཕེལ་ཞིང་ཡོངས་སུ་མི་ཉམས་ཏེ། དེས་ན་ཁྱད་པར་དུ་འགྲོ་བ་ཞེས་བྱའོ། །དེའི་ཚེ་དེ་བཞིན་གཤེགས་པ་ནྱ་གྲོ་དྷའི་རྒྱལ་པོ་དེའི་སངས་རྒྱས་ཀྱི་ཞིང་དུ་བྱང་ཆུབ་སེམས་དཔའ་ཡིད་གཉིས་ལས་
D99.047.0206a04.01ཡང་དག་པར་འདས་པ་ཞེས་བྱ་བ་ཞིག་བྱུང་སྟེ། །དེ་རྒྱལ་སྲིད་བྱེད་དོ། །དེ་ནས་རྒྱལ་པོ་ཡིད་གཉིས་ལས་ཡང་དག་པར་འདས་པའི་འཁོར་གྱི་བུད་མེད་འབུམ་ཕྲག་བརྒྱད་ཅུ་ཡོད་དོ། །བློན་པོ་ཡང་སྟོང་ཐམ་པ་ཡོད་དོ། །དེ་ནས་རྒྱལ་པོ་ཡིད་གཉིས་ལས་ཡང་དག་པར་འདས་པ་བུད་མེད་
D99.047.0206a05.01ཁྲི་ཕྲག་བརྒྱད་ཅུ་པོ་དེ་དག་དང་ལྷན་ཅིག་ཏུ་ཧ་ཅང་ཡང་སྲེད་པ་མེད་པའི་གྲོང་ཁྱེར་གྱི་སྐྱེད་མོས་ཚལ་གྱི་སོས་ཀའི་དུས་ཀྱི་ཤིང་གི་མེ་ཏོག་རྒྱས་པ་དབེན་ཞིང་དགའ་བ་བསིལ་བའི་ཚལ་དུ་སོང་ནས་རྒྱལ་པོ་ཡིད་གཉིས་ལས་ཡང་དག་པར་འདས་པ་དེའི་སྨོན་ལམ་འདི་ལྟ་བུ་དག་བཏབ་བོ། །བདག་དང་ཉེ་བའི་
D99.047.0206a06.01སེམས་ཅན་གང་དག་ནོར་མེད་པ་དེ་དག་བདག་གིས་རྒྱལ་པོའི་མཛོད་ནས་ནོར་དང་ལྡན་པར་བྱའོ། །ཞེས་དེ་ལྟ་བུའི་བསམ་པས་རྒྱལ་སྲིད་བྱེད་དོ། །རྒྱལ་པོ་ཡིད་གཉིས་ལས་ཡང་དག་པར་འདས་པ་དེ་ཚུལ་ཁྲིམས་འཆལ་བའི་འདུ་ཤེས་མི་འཇུག་ཚུལ་ཁྲིམས་དང་ལྡན་པའི་འདུ་ཤེས་ཡང་དག་པར་མི་སྤྱོད།
D99.047.0206a07.01