完整藏文原文 · 德格版页 当前仅加载第 47 函德格 166a 版页；藏文 NFD、目录标记与异常页序保留在来源切片中，重复版页行以稳定序号区分。
སྨིན་མ་ཤིང་སཱ་ལ་ཆེན་པོ་ལྟ་བུ་ཞེས་བགྱི་བ་ལགས་སོ། །བཅོམ་ལྡན་འདས་བྲམ་ཟེ་ཟླ་བའི་སྨིན་མ་ཤིང་སཱ་ལ་ཆེན་པོ་ལྟ་བུ་ཞེས་བགྱི་བ་ལགས་སོ་ཞེས། བདག་གི་མིང་དང་རུས་ལན་གསུམ་གྱི་བར་དུ་གསོལ་ཏོ། །སེམས་ཀྱང་འདི་ལྟར་བསྐྱེད་དོ། །བདག་མ་འོངས་
D99.047.0166a01.01པའི་དུས་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་གྱུར་ནས་མ་དུལ་བ་རྣམས་འདུལ་བ་དང་། མ་གྲོལ་བ་རྣམས་དགྲོལ་བ་དང་། མ་ཞི་བ་རྣམས་ཞི་བར་བགྱིད་པ་དང་། མ་རྒལ་བ་རྣམས་བསྒྲལ་བ་དང་། དབུགས་མ་ཕྱིན་པ་རྣམས་དབུགས་དབྱུང་བ་དང་། ཡོངས་
D99.047.0166a02.01སུ་མྱ་ངན་ལས་མ་འདས་པ་རྣམས་ཡོངས་སུ་མྱ་ངན་ལས་བཟླ་བ་དང་། ལྷ་དང་བཅས་པའི་འཇིག་རྟེན་གྱི་འདྲེན་པར་གྱུར་ཅིག །དེ་ནས་དེ་བཞིན་གཤེགས་པ་འཇིག་རྟེན་གསུམ་གྱི་བླ་མ་དེས་བྲམ་ཟེ་ཟླ་བའི་སྨིན་མ་ཤིང་སཱ་ལ་ཆེན་པོ་ལྟ་བུའི་བསམ་པ་ཐུགས་སུ་ཆུད་ནས་འཛུམ་པ་མཛད་དོ། །འདི་
D99.047.0166a03.01ནི་ཆོས་ཉིད་དེ་གང་གི་ཚེ། བཅོམ་ལྡན་འདས་འཛུམ་པ་མཛད་པ་དེའི་ཚེ། འོད་ཟེར་ཁ་དོག་དུ་མ་དང་ཁ་དོག་སྣ་ཚོགས་དག་ཞལ་གྱི་སྒོ་ནས་བྱུང་སྟེ། དེ་བཞིན་གཤེགས་པ་འཇིག་རྟེན་གསུམ་གྱི་བླ་མ་དེ་ལ་ལན་གསུམ་བསྐོར་བ་བྱས་ནས་སྤྱི་གཙུག་ཏུ་ནུབ་བོ། །དེའི་ཚེ་དེ་བཞིན་གཤེགས་པ་དེའི་རིམ་གྲོ་པ་
D99.047.0166a04.01དགེ་སློང་ཞི་བའི་དབང་པོ་ཞེས་བྱ་བ་ཞིག་བྱུང་སྟེ། དེ་སྟན་ལས་ལངས་ནས་བླ་གོས་ཕྲག་པ་གཅིག་ཏུ་གཟར་ནས། དེ་བཞིན་གཤེགས་པ་དེ་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་དེ་བཞིན་གཤེགས་པ་འཇིག་རྟེན་གསུམ་གྱི་བླ་མ་དེ་ལ་ཚིགས་སུ་བཅད་དེ་གསོལ་པ། འདྲེན་
D99.047.0166a05.01པ་དཔའ་ཆེན་རྒྱུ་མ་མཆིས་པར་འཛུམ་མི་མཛད། །གླང་པོ་ཆེན་པོ་འཛུམ་མཛད་རྒྱུ་ཅི་བདག་ལ་གསུངས། །འདྲེན་པ་འཇིག་རྟེན་གསལ་མཛད་འཛུམ་པའི་རྒྱུ་གསུངས་ཤིག །ཁྱོད་སྲས་གང་དག་ཐོས་ནས་མགུ་ཞིང་དགའ་བར་འགྱུར། །བརྩོན་འགྲུས་རྩོམ་ཞིང་སངས་རྒྱས་ཆོས་དག་འཐོབ་པར་
D99.047.0166a06.01འགྱུར། །བདུད་ཀྱང་འཇོམས་པར་འགྱུར་ཞིང་ལམ་ཆེན་སྦྱོང་བར་འགྱུར། །འདྲེན་པ་སངས་རྒྱས་ཆོས་ལ་ངེས་པར་འབྱུང་འགྱུར་ཞིང་། །འདྲེན་པ་སངས་རྒྱས་ཆོས་ལ་ཐེ་ཚོམ་མེད་པར་འགྱུར། །ཇི་ལྟར་སངས་རྒྱས་སྲས་ཀྱིས་འབད་པ་དོན་ཡོད་ཅིང་། །སློབ་ཚེ་འཇིགས་པ་མེད་ཅིང་ཞུམ་པ་
D99.047.0166a07.01