完整藏文原文 · 德格版页 当前仅加载第 47 函德格 129a 版页；藏文 NFD、目录标记与异常页序保留在来源切片中，重复版页行以稳定序号区分。
པ། །བླ་མེད་བྱང་ཆུབ་ཐོབ་པ་བདག་གིས་ཞུ། །འདྲེན་པ་ཐུབ་པས་འདིར་ནི་སྲིད་ལས་རྒྱལ། །ཇི་ལྟར་འདྲེན་པ་བདེ་གཤེགས་བདག་ལ་འཁྲུངས། །བདུད་ནི་རྨོངས་མཛད་མྱ་ངན་འདས་རེག་པ། །རྒྱལ་བ་གང་ཟག་མཆོག་གིས་ལུང་བསྟན་པ། །དྲན་པ་ཉེ་བར་གཞག་
D99.047.0129a01.01ལ་དྲན་བསྡམས་ན། །ཉེས་བཅས་འཁོར་བའི་འགྲོ་བ་འགག་པར་འགྱུར། །སྐྱེ་བོ་མི་མཁས་གང་ལ་ཆགས་གྱུར་པ། །བདེ་བ་རབ་ཏུ་མི་ཤེས་སྡུག་བསྔལ་རེག །དྲན་པ་ཉམས་པ་འཁོར་བ་དེ་དང་དེར། །མི་མཁས་འཁོར་བའི་སྡུག་བསྔལ་རྗེས་སུ་དྲན། །རྨོངས་པ་དེ་ནི་ཐར་བའི་འགྲོ་མི་ཤེས། །
D99.047.0129a02.01ཉོན་མོངས་བདུད་ཀྱི་སྤྱོད་ཡུལ་དག་ལ་དགའ། །ལོག་པ་རྣམ་པར་ཉམས་པའི་ཡིད་ཀྱིས་སུ། །མི་རྟག་རྟག་དང་སྡུག་བསྔལ་བདེ་བ་དང་། །བདག་མེད་བདག་དང་མི་གཙང་གཙང་འཛིན་པ། །ཉོན་མོངས་བདུད་ཀྱི་ཡུལ་ལས་མི་འགྲོལ་ལོ། །རབ་ཉམས་དེ་དག་གིས་ནི་འགྲོ་བ་ཤེས། །
D99.047.0129a03.01དྲན་པ་ཉེར་གཞག་ལམ་ནི་རབ་ཏུ་ཤེས། །སྤྱད་པ་སྤྱོད་ཚེ་འགྲོ་ལ་ཕན་པའི་ཕྱིར། །བྱང་ཆུབ་བྱེད་པའི་དྲན་པ་ཉེ་བར་གཞག །དྲན་པ་ཉེ་བར་གཞག་པ་ཀླུས་ཐོས་ནས། །བྱང་ཆུབ་གཞལ་དུ་མེད་ལ་འདུན་པ་བསྐྱེད། །ཀླུ་ཆེན་ཟླ་བས་མི་འདུལ་ཁ་ལོ་སྒྱུར། །དྲན་པ་ཉེ་བར་གཞག་པ་
D99.047.0129a04.01རྒྱལ་ལ་བསྟོད། །དྲན་པ་ཉམས་པའི་འགྲོ་བ་འདྲེན་པ་ལགས། །དྲན་སྟོབས་ཤིན་ཏུ་གནས་ལ་ཕྱག་འཚལ་ལོ། །བྱང་ཆུབ་གཞལ་དུ་མེད་པར་འདུན་པ་བསྐྱེད། །དྲན་པ་ཉམས་པ་མེད་པའི་འགྲོ་བ་བསྟན། །བྱང་ཆུབ་གཞལ་དུ་མེད་ལ་འདུན་པ་བསྐྱེད། །བྱང་ཆུབ་དྲན་
D99.047.0129a05.01ལྡན་གནས་ལ་རེག་པར་བགྱི། །བདུད་སྟོབས་བདུད་དཔུང་བཅས་གཞོམ་སྤང་བྱ་ཞིང་། །བདུད་ཀྱིས་དམ་དུ་བཅིངས་པའི་སེམས་ཅན་དགྲོལ། །རྒྱལ་བ་དྲན་པ་ཉེ་བར་གཞག་པ་མཁྱེན། །ཀླུ་དེའི་བསམ་པ་ཐུགས་སུ་ཆུད་ནས་སུ། །སེམས་ཅན་ཕན་ཕྱིར་ཀླུ་ཆེན་ཟླ་བ་ནི། །འདྲེན་
D99.047.0129a06.01པས་གཞལ་མེད་བྱང་ཆུབ་ལུང་བསྟན་པ། །སྔོན་གྱི་སངས་རྒྱས་བྱེ་བ་བརྒྱད་ཅུ་ལ། །ཀླུ་བདག་དེ་ཡིས་སྔོན་ནི་བསྙེན་བཀུར་བྱས། །འདི་ནས་ཕྱིས་ནི་སངས་རྒྱས་བྱེ་བ་བཅུ། །བྱང་ཆུབ་ཞི་བ་ཚོལ་ཚེ་མཆོད་པ་བྱེད། །ཕྱི་ནས་དེ་ནི་གཞལ་མེད་བྱང་ཆུབ་རེག །རྒྱལ་བའི་མཚན་ནི་ཟླ་བཟང་
D99.047.0129a07.01