完整藏文原文 · 德格版页 当前仅加载第 47 函德格 112a 版页；藏文 NFD、目录标记与异常页序保留在来源切片中，重复版页行以稳定序号区分。
འདས་རྒྱལ་བུ་རྒྱལ་བྱེད་ཀྱི་ཚལ་ན་བཞུགས་པ། མི་ལས་འདས་པ། ལྷའི་སྙན་རྣམ་པར་དག་པས་ཁམས་ཀྱི་ཁྱིམ་བདག་ཕྱྭ་མཁན་གྱིས་སྤྱན་དྲངས་པ་གསན་ནས་གཤེགས་པར་གནང་ངོ་། །དེ་ནས་ཁྱིམ་བདག་ཕྱྭ་མཁན་གྱིས་བཅོམ་ལྡན་འདས་མངོན་པར་
D99.047.0112a01.01སྤྱན་དྲངས་ཏེ། བྲན་དང་། ལས་བྱེད་པ་དང་། ཞོ་ཤས་འཚོ་བ་དང་། མཛའ་བཤེས་དང་། ཉེ་དུ་དང་། སྣག་གི་གཉེན་མཚམས་དག་ལ་འདི་སྐད་ཅེས་སྨྲས་སོ། །ཁྱེད་ཅག་ཉོན་ཅིག་ངས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་
D99.047.0112a02.01རྒྱས་དེ་ཉན་ཐོས་ཀྱི་དགེ་འདུན་དང་བཅས་པར་ཞལ་ཟས་བཟང་པོ་ལ་སྤྱན་དྲངས་ཀྱིས། དེ་ལ་ཁྱེད་ནུས་པ་ཅི་ཡོད་པ་དང་། མཐུ་ཅི་ཡོད་པའི་ལུས་ཀྱིས་ཞལ་ཏ་བྱ་བ་ལ་བརྩོན་པ་དང་ལྡན་པར་གྱིས་ཤིག །ཁྱིམ་བདག་ཕྱྭ་མཁན་གྱིས་དེ་སྐད་ཅེས་སྨྲས་པ་དང་། མཛའ་བཤེས་དང་། ཉེ་དུ་
D99.047.0112a03.01དང་། སྣག་གི་གཉེན་མཚམས་དང་། བྲན་ཕོ་དང་། བྲན་མོ་དང་། ལས་བྱེད་པ་དང་། ཞོ་ཤས་འཚོ་བ་དག་གིས་ཁྱིམ་བདག་ཕྱྭ་མཁན་ལ་འདི་སྐད་ཅེས་སྨྲས་སོ། །ཁྱིམ་བདག་སྨྱོས་སོ། །ཁྱིམ་བདག་གཡེངས་སོ། །གང་བཅོམ་ལྡན་འདས་དེ་མ་མཐོང་བར་ཞལ་
D99.047.0112a04.01ཟས་བཟང་པོ་ལ་སྤྱན་འདྲེན་ཏམ། ཁྱིམ་བདག་ཕྱྭ་མཁན་གྱིས་བཅོམ་ལྡན་འདས་དེ་སྤྱན་འདྲེན་ཏོ་ཞེས་སུ་གསོལ། དེ་སྐད་ཅེས་སྨྲས་པ་དང་། ཁྱིམ་བདག་ཕྱྭ་མཁན་གྱིས་མཛའ་བཤེས་དང་། བློན་པོ་དང་། ཉེ་དུ་དང་། སྣག་གི་གཉེན་མཚམས་དང་། བྲན་ཕོ་
D99.047.0112a05.01དང་། བྲན་མོ་དང་། ལས་བྱེད་པ་དང་། ཞོ་ཤས་འཚོ་བ་དག་ལ་འདི་སྐད་ཅེས་སྨྲས་སོ། །གྲོགས་པོ་དག་བཅོམ་ལྡན་འདས་དེ་སངས་རྒྱས་ཀྱི་ཡོན་ཏན་དཔག་ཏུ་མེད་པ་དག་བརྙེས་ཏེ། དེས་ན་ངའི་སེམས་མཁྱེན་ནས་གནང་ངོ་། །དེ་དག་མགུ་ཞིང་དགའ་ལ་ཡི་རངས་པ་
D99.047.0112a06.01དང་། རབ་ཏུ་དགའ་ཞིང་བདེ་བ་དང་། ཡིད་བདེ་བ་སྐྱེས་ནས་དེའི་མཚན་མོ་བཟའ་བ་དང་། བཅའ་བ་བཟང་ཞིང་རབ་ཏུ་མང་པོ་མངོན་པར་ཡང་དག་པར་བྱས་སོ། །དེ་ནས་བཅོམ་ལྡན་འདས་དེ་ཕྱེ་མ་རེད་ཀྱི་དུས་སུ་ནང་དུ་ཡང་དག་འཇོག་ལས་བཞེངས་ནས། སྨྱིག་མའི་ལྡུམ་བུའི་
D99.047.0112a07.01